يالله يالمقصـود فـي كــلّ نايـبـه=يامـن علـى خلقـه جـزالٍ وهايبـه
الأرزاق لايسّـرتـهـا ماتـعـسّـرت=وما عسّـرت حكمتـك محـدٍ بجايبـه
تفـرج لحـالٍ حلّـهـا وأستحلّـهـا=خميسٍ من الهاجـوس نـوّخ ركايبـه
الأحساس جردّهـا السيـاده وسادهـا=فرض عليها مخطـي أمـره وصايبـه
عطاها من أحكام العنـا رغبـة الهنـا=غريبٍ سقمني والغرابـه رضـاي بـه
حياتي بطيفه جوّ صيـفٍ ليـا أكتسـا=سرابه وطالـت بـه مبانـي زرايبـه
تغيـرت منـه المعالـم مـن الـنّـوا=علـى جـوّ دوٍّ زاميـاتـن جذايـبـه
كما السّفن من روس الروابي تعوم به=ليا سربّت جردا مـن القيـض شايبـه
سنا جمر سمرٍ وقفـة الظـلّ بالعصـا=بها روية البلـور والشمـس غايبـه
مع الفايق الماثـوق شـوقٍ يسوقنـي=على نسمة الشرقي ليا جـت هبايبـه
جذبنـي بسلـك العنكبوتـه وجابنـي=ولا أستكمل القدره على ملتقـاي بـه
على رغـم تعقيـد الليالـي لحبلهـا=على النّور ممشى الليل ماني بهايبـه
تعاملت من صـورة خيالـي لواقعـي=أسـاوم بسـوقٍ ماتثمّـن جلايـبـه
أعدّد نتايج مكسبـي مـن خسارتـي=عميلي بكسر السوق هـاذي سبايبـه
من العلم مثل الحلم بالقـول والعمـل=تجي بين عثرات الزمـان أو عجايبـه
تساقت خلايا الفكر من خافـي الأسـى=عليهـا مراديـم الهواجيـس ذايـبـه
مضى الوقت بين النّاس واليّاس والرجا=فلا أزددت من نقصي ولا النفس طايبه