منتديات مدرسة المشاغبين - عرض مشاركة واحدة

% قصيميه ومملوحه% · #1 (**permalink**) 04-04-2007, 04:46 AM

عيارتكـ,,*
*
من اول لحظه تعلن فيها ولادتك وظهورك على هذه الدنيا الـ... تنولد وينولد اسمك معك

و مثل مايفكرون اهلك لك اسم لازم يصطحبها عياره

لانها من اهم مظاهر الطفوله

وانت توك طفل قريح يبدا اطلاق اول عياره عليك سواء من امك وابوك او اخوانك

اذا كنت ضعيف: صويص,او العصلا,كتكوت بريعصي ومن هالعيارات

اما اذا كان وزنك اربع او خمس وجيت تفقع بطن امك وتذبحها يوم ولادتك

اكيد وبدون تفكير بيتكون عيارتكـ:

الدب,نفيخه ولا ابو خدود ومن هالمسميات

حتى يكاد ان ينسون اسمك اللي سجل لك في كرت العائله وماهو الا روتين فقط

وحتى لايشوه الدفتر برستيج العائله

وتكبر وتبدا العيارات الصدقيه تنطلق وتلصق بك عياره لموتك في البيت في الحاره في المدرسه

البعض يزعل منها والبعض ياخذها بكل صدر رحب حتى يكاد ان ينسى اسمه الحقيقي

والبعض اللي مايزعل عندكم اكبر مثل في الحاره: ابو خشم دعلج او السرو كما اطلق عليه اهله وعمر ابو راس مسجل

بعيارته واكيد ناشبه في ذهنه وشكله يحسبه اسم العائله حقهم كذا ابو راس
*
للعيارات مواقف كثيره مظحكه وحده من اخواتي جبهتها كبيره ومانناديها الا ام جبهه

ومره في المدرسه كانوا بالصف دخلت المديره ومعها موجهه سألتها الموجه وش اسمك ياشاطره

قالت ام جبهه تلعثمت وقالت اسمها بسرعه وعدلته قعدت تظحك الموجه وقالت المديره خلي امك تجيني بكره

يوم جتهم امي اعطتها درس ومحاظره عن تعقيد الطفل
*
*
احد جرئ يقول عيارته وشهي بكل صراحه وكيف كان يعاني منها حتى لو اظهر باللي حواليه انه مو

متضايق لكن جواته

وش كان شعوره؟؟
*
*
منقووووووول