[نهاية عذاب]

الله يجزاك الف خير يااخوي اسير الدرب

تدرون ايش مشكلتنا يالجيل هذا مشكله خطيره مره
حنا تلاقونا ننصح ونقول للناس سوي كذا وسوي كذا ونشوف هذا مات وبسبب السرعه وتلاقيك انت قد صارلك حادث وانت مسرع ولكن ماتبت


ومن ناحية السرعه انا اضم نفسي من المجموعه الي صارلهم حادث اليم وبسبب السرعه ومازال للحين يسرع
حتى انه ياناس والله العظيم انه واحد اعرفه والله قبل 3 سنوات صارله حادث والسبب انه كان يفحط ومات معاه واحد الله يرحمه وهو اظطروا الى انه يبترون وحده من ايدينه ووحده من رجلينه وقسم بالله العظيم انه للحين يفحط ماتاب ماراح تصدقوني تقولون كيف رجل وحده يد وحده ويسوق انا اقولك
السياره الي معاه كابرس يعني تماتيك (اوتماتيك ) المهم اللي يجي طبعا بيد وحده تقدر وبرجل وحده تقدر لانه الرجل المبتوره هي اليسرى عنده وللحين يمارسها



وواحد كنت راح اكون معاه في نفس السياره لكن الحمد لله الفضل لله ثم للوالده لانها قبل لاطلع منعتني من الطلعه مع واحد من اصدقائي فقلتله خلاص روحوا انتم انا ماني رايح فراحوا وبعد نص ساعه من المكالمه صارلهم حادث بسرعه 240 فراعي السياره احترق جسمه يعني بعض التشوهات ومعاه اثنين توفوا الله يرحمهم وترى الحادث كيف جاي السياره انفقع عليهم الكفر على 240 فماقدر يسيطر على السياره فصدم عامود الكهرباء وتقلب تقريبا سبع قلبات واحترقت السياره وبفضل الله راعي السياره عاش فقط مع بعظ الحروق و2 الله يرحمهم
المهم انه بعد ماطلع من المستشفي وعالج وشفي اشترى سياره وبعد ثالث يوم من اشتراها ركبت انا معاه وقسم بالله انه يمشي 260 يعني ............


شكلكم تقولون وش دخل هذا بهذا بس كل هذا علشان اوضحلكم ياجيلنا اننا مانعتبر من مانشوف ويحصل

تحياتي
واسف للاطاله
نهاية عذاب