هاذي قصيده في شخص اعزه واحبه وهو ابن عمي ابو فهد اللذي اصيب بالسرطان ويتألم من
استخدام الكيماوي والشعاع اللهم اسلك باسمك العظم اللذي اذا سولت بهي اجبت
ان تشفيه وتعجل بشفائه ارجو من الاخوان الدعاء له بالشفاء
تحتوي القصيده علي (....) وهذه اسماء لا استطيع ذكرها
في خاطري غطت علي كل زيني*** وامست علي نجم الجدي تشتكيله
راحت سجينه عودت لسجيني *** ماحلها نجم الجدي طول ليله
قرر بعد مانجمها له معيني *** هاذي في عرف انجومها مستحيله
ماهو الام ماهو جفا مستكيني *** هز الخليل اللي مفارق خليله
هذا مرض صاب الحبيب الاميني *** الصاحب اللي من وجد له مثيله
ابكي وخاف الدمع يفتك بعيني *** عليه دمعي ما يوقف مسيله
ماهو علي حكم القوي عارضيني *** يارب تهدينا دروب الفضيله
سمعت له في تالي الليل انيني *** ينام في ليله ثواني قليله
وعيني يوم السمع سمع الونيني *** فزعت مع الاذان فزعه نبيله
لو انها تقدر تخفف يديني *** كان ارفعت عنك الحمول الثقيله
وان عاش راسي في طوال السنيني *** ماانساك في وقت الرخا والصميله
رغم المسافه اللي بينك وبيني *** قلبي معك في وسط جيبك تشيله
وان كان ماتدري بها يا ضنيني *** دور ليا ونيت وسط الفنيله
تلقاه في جنبك وجالس يميني *** يفزع معك فزعه تساوي قبيله
يا ابوفهد اصبر لك الصبر زيني *** اصبر تري فالصبر تلقا الحصيله
في حب عبدالله (.....)منتيمني *** حبً مسطر في معاني جميله
ياربي ياللي حافظ المومنيني *** ياخالق الكون السوى دون ميله
يا مرسل محمد علي المسلميني *** يامنجي يوسف من فعول الرذيله
يالخالق الباري قويً متيني *** يامنجي موسى من طواغيت جيله
يامشفي ايوب النبي بعد حيني *** الرعد يسجد لك وبرق المخيله
ياشافي اقلوب البشر يامبيني *** يا واحداً كل الملا ينتحيله
تسأل باسماك عزيز ومكيني *** ندعوك يالله بالصفات الجليله
اسالك ياشافي تشافي خديني *** تجعل لباس العافيه له ضليله
اقولها اشهق وليه خنيني *** يارب تشفي صاحبي من عليله
احساس شاعر راعي مذهب وديني *** ابو قصيً يسبق الفعل قيله
عاكف علي بدع القوافي حزيني *** ياسعد من ينخاه ومن ينتخيله
وانا ولد (....)حامي عريني *** ارقي بها يم الجبال الطويله