[مطلع على سكوتر]

السلام عليكم ..

مقدمة ::

هذا موضوع فيه حاشيه .. يعني انصح اللي يبي يستفيد من الموضوع إنه يقرا النص وإذا مرت عليه وحده حلوه يرقمها <===== شطحان القحطاني:D.. ايه وإذا مرت معه حاشيه يعني رقم مثل (1) <=== زي كذا .. <=== احلف :p.. <==== والله :D

وين وصلنا ؟؟ ايه إذا جته حاشيه ينزل ويقرا اللي فيها وبعدين يرجع يكمل .. واللي يبي يسرده كله بكيفه بس تراني مضبط الموضوع للي يبي يسوي الطريقه الاولى .. <=== حشى والله لوني افهم بزارين :p

ملاااااااااااااااحظه :: يوجد جرح للمشاعر .. جب معك مطهر ..

الموضوع ::::::::::::::

قال ابو زكام ::

رأيت في بلدٍ يقال له جده نماذج مستجده.. من الخراب والفساد والناس عليها في ازدياد .. فكان من الأمور التي تشيّب الطحرور (1) .. أن البخاريّ معه إثبات سعوديّ .. والعبد الكويحه الذي لا تعرفه إلا بالريحه .. له أيضاً أحوال وهي معه كالجوال .. لا يعرف العرب وجسمه كله جرب .. ولسانه مانطق بالعربيّه وسيارته ميتين إلّيّه (2) .. عجبٌ عجب ونغافي صار يصب .. :D


...............

قال ابو زكام :

قال لي أحد التجار أنه قد شرى له وجار (3) .. فيه من الجمال مايفوق الخيال .. حتى إنه نسى وجاره ذات يوم فصارت غرفته او الروم (4) مليئة بالنار والشحوم ( رقعها ) .. لأنه وضع الوجار في غرفته بتاعة العشار (5) .. فكم من الدلاخه عند أهل الطناخه .. تضيع الفلوس ولا تشهق لها النفوس .. :p

..............

قال ابو زكام :

جعت ذات يوم فأردت الأكل والنوم .. فما وجدت في المخبات فلوساً ولا دريهمات .. ورجعت إلى البيت لآكل من ثلاجة باليه , فما وجدت فيها غير طرشي ( اخس ياللبناني ) يكاد أن يموت من رائحته الفأر ( ايه غيرت الاسلوب وش عندك ؟؟ لا تتدقق ولا ترى الوعد الطلعه ) (6) .. فأغلقت الثلاجه معلناً نومةً هنيئه على بطن يشكو من الجوع , فهددت بطني قائلاً له : هل راقت لك هذه الحاله ؟؟ فقال : كله منك انت وخشمك ذا اللي كنه وحده من الفتحات اللي فوق باب المصمك ( معالم سياحيه ) فقلت له غاضباً : من زينك انت وذا الجرف اللي في وجهك لو عرقت يطلع كنه قليب .. لا ويمكن يحطون فيه سادزي (7) .. فقال : بالله شف براطمك هالمتشققه كنها بطانيج (8) طريق مزرعتنا .. وبينما هو يريد أن يذب فتحت باب الثلاجه وأسقطت عليه من الطرشي وشربت من مغسلة المطبخ ماءاً حتى غرق ...... فنمت ومات وبعدما مات مت .. :D

..............

قال ابو زكام :

بينما انا على طريق سريع أجوب البلاد .. صادفني جمس ملييييييييءٌ بالنساء ؛) ؛) .. فديورت لهذا الجمس المسكين لأساعده على القيام من نومه ( ايه هين تكون ذي نية شاب سعودي مكافح ) .. فوقفت إلى الجمس أقزقز قزقزةً شريفه ( تراني تحمست والاسلوب خرب ) وجاني أخوهن وقال ترى السير انقطع قلت له اجل أكيد وحده من البكرت انكسرت اترك الموتر واركبوا معي قال والسياره ؟؟ قلت له : خلاص نجيب لها سطحه تقشها بس أهم شي اركبوا معي .. جت السطحه وشالت الموتر وركبوا معي <==== جازت له .. :p
وفي الطريق قلت في نفسي يابو زكمة لازم تهيظ الربع اللي ورا .. مالها داعي يصير الوضع ملبد كننا في باص مدرسه الصبح .. ورفعت شريط لوحيد الجزيره ( فهد بن سعيد ) وادخله في المسجل وانا متردد .. وبدا ( ألا يالله ياعاااااالم بحااااالي ) .. يوم بدا اخوهم يهز مع الشريط وأرفع الصوت ياولد <=== جاز له اخوهم صار يفكر فيه ... وبدت البشكه اللي تردد وتردح وتدهر والسياره تهز .. وأنا ماقدرت اسكر كشرتي من الوناسه .. والطريق ماشفته قاعد اناظر في المرايه ... وقامت وحده منهن وطيحت الطرحه وانا اللي احذف شوي على التراب واعود .. وقامت وحده ثانيه وقالت : يارووووووووووحي يابو زكمة .. وانا اللي اترك الدركسون وألتفت عليهم واقول يارووووووووووحي انتي والله امووووووووووااااااااااااه ( جاااك فيه ؟؟ أكمل ولا لأ ؟ ):D .. ويوم وصلنا عند نقطة تفتيش .. وقفنا الرجال وقال الرخصه لو سمحت .. عطيته الرخصه وشافها ويوم جا يرجعها وتفتح وحده من اللي ورا الدريشه وتاخذ الرخصه منه ( هماه تسذب .. اجل خلوني أقول اللي ابي ) ويوم اخذتها وهي اللي تحتضنها ومشيت شوي ووقفت وانا اللي اسدح المرتبه عليها وأصفقها بهاك الكف واقول لها : ترى رهن الرخصه ممنوع يالفاهيه <==== صار يمون .. قالت مادريت خذ .. ( وين اخوها يا النصاب ) (9) ... :Dوبعد ماوصلنا عطوني ارقامهم كلهم حتى اخوهم .. ودفتني وحده منهن بخمسميه .. وجيتك راجع لمشواري العالمي ولكم مني وافر الامتنان <=== إن كان قد قالها نجيب محفوظ احلق حواجبي ياشيخ .. :p


تمت

:_:_:_:_:_:_:_:_:_:_:_:_ الحاااااااشية :_:_:_:_:_:_:_:_:_:_:_:_:_:

(1) وش منزلك انت وخشمك ذا اللي كنه قسام كهرب ؟؟ يعني يقالك ماتعرف وش معنى طحرور ؟؟ .. ايه يالدنيا لو اقول كلمة انجليزيه كان مانزلت وسويت فيها فاهم حتى لو تلعب على نفسك .. الزعل ممنوع يارفيقي .. :D

(2) اطلع للجراديه أتحداك تقول : ( يسقط راعي الميتين إل ) .. إن مادفنوك تحت عداد كهرب وخلوا راسك يمزعونه البزران .. لا تقول مطلع على سكوتر ماقاله .. :p

(3) سوالي فيها مايعرف الوجار .. هذا الله يسلمك فرن شعبي .. مشكله تفهيمكم يالجيل التالي .. :rolleyes:

(4) مترجمها لك يالقروي وش منزلك .. شكلك حباب خبر .. رح الحق على البحري ترى فيه تفحيط و انواع المجالد لا يفوتك .. :D

(5) الوصول إلى هذه الحاشيه غير مسموح به .. :rolleyes:

(6) الكاتب مستشر الله يكافيكم الشر ,, لأنه وهو طاح عليه كوب الشاهي .. وسبب ذلك أخوه الصغير الذي جاء إلى الكاتب وأراد منه أن يقشر له البصله كي ياكلها .. ولما كان من الكاتب أن سفه أخاه .. وقد هذا البزر عزيز النفس ( مثل اخوه لا تشرهون ) أخذ البزر الزباله ولفع بها راس أخوه وطاحت الزباله على الكوب وانكب ( عاد تراه شاهي كييييييييييف معه حبق وثلاث أكياس لبتون ) .. وكان مصير هذا البزر أن علقه أخوه على هلال المناره وذلك ردعاً لأمثاله .. ( من زود نذالة الكاتب حط اخوه فوق منارة المسجد علشان يجيه صقه من صوت السماعات ) .. :D

(7) أنتم عجم ولا عرب ؟؟ احد مايعرف السادزي ( الساقي ) ؟؟ كم وصل سعر علبة الصحه ؟؟ .. :D

(8) ماش يبغالكم دورة لغة عربية .. البطانيج هذي مطبات طبيعيه في البر .. بس مشكلتها مافيه لوحة تقولك انتبه فيه بطانيج خلفك ..

(9) لو تتدققون مرة(ن) ثانيه في ذا الجو الرومانسي لا والله إنه أبفتح دميجة واحدٍ منكم بسبانة(ن) عندي كنها رجل فيل .. <===== خربتوا عليه الجو بس يحلفووووون اني حتي في النقل اتيكيت يلعن ابو الفن .. :D

م ط ل ع ع ل ى س ك و ت ر