[مطلع على سكوتر]

السلام على من اتبع الهدي

من خلال مسيرتي في تاريخ العرابجه والعلوم السفره التي تحتم على الخبلان مدوجين البران اتباعها لرفع الروح المعنويه لدى من تعلقت قلوبهم فيهن اتباع مايليي <<<< ياشين اللي يبي يتميلح باللغة العربية ويتوهق ...
والله من الفضاوه في صباحية رمضان مير اتطزطز على الكيبورد على قولة جاك واتبرجد على النت على قولة عصويد مادريت وش اكتب لخششكم على شان صدوركم توسع <<<< حشى متقاول مع خياط ..

على العموم نبي نهرج ولا احط يقاطعن ... << افصلوا النت مرة وحده

برايفت ((( عصويد )))
يووووووووه يالربع مامركم جربوووووع مواصفات باكستانيه استخدام قندهاري من هنا قبل شوي ..

برايفت ((( منظمة حقوق الحيوان )))
اقول اهجد ياعصويد لا نطربلك في قوطي صلصه ونرسلك لمطعم مكسيكي طباخه نيجيري ثم تغدي خيخه ..

طيب طيب طيب <<< يلعن ام الزهق ماجات السالفه ..

ايه جاااااااااااااااااااات زين تذكرت وجه فطومه وحسيت بحاجة العربجيات لمقومات الحياه << خذو عندكم مثال ,.. هع هع هع

@ اذا تبي تحب عربجيه يجب عليك تضبيط نفسك بالمعدات المناسبة لهذه المرحلة من الحياه <<< والله من الضيعه
* خل شعرك لا تحلقه لمدة عشر سنين وكد التسريحه على موضة الشمع في خبوت البران ...
* اشترلك ددسن موديل 84 وياليت يكون مطربل واكتب على القزازه اللي وراء ماهقيت ان البراقع يفتنني <<< ياشين اللي طايح في الدنفسه
* كيس حب مصري والا فصفص لزوم الجلسه الرباعيه على حافة الارصفه لقنص ذوات العباة السوداء <<< بس لا تطيح بجدتي ثم تروح لشهار من الخرعه... يالبيه يارقيه ..
*غتره ملكي ديلوكس صفراء وياليت تكون عليها تغبيره مع الطاقيه ام جنيه نص الزري حقها متفلفل وثوب ابو زرار مربع واللي فوق فضي لزوم الكشخه ..
* زبيريات وارد المنصور عيار 38 ابو محاله والنادوس مخفي <<<< حشى مسدس مو زبيريه
* بجلي (( كشاف - مصباح يدوي )) لزوم الختخته على الجدران والتسحب في انصاف الليالي عند بيوت الزقرتيات <<<< حشى مهيب ترجمه يالله انها ظهرت ..ماتسوى على اطلس للترجمه بيعتزل
* دوره في مجال ركوب البعارين وحلب النوق وتعّقيل الركايب لزوم اثبات هوية انك خطير حتى مع البعارين <<<مدري وش تبي ذي النقطه
* غير اسمك من ماجد ناصر سطام سامي بدر خالد فتحي <<<< نعبوا غيرهم مااكثر اساميهم الى نعبوط جرخب زميم علوش برجس محيميد صعفق <<< اغديك تزين بعيون العربجيه لا دلعتك مع خشتك

اقوووووووووول والله لو نعدد الى الصبح ماخلصنا .. خلنا ننقز للنقطه الثانيه ..

@ خلك شاعر حتى لو انك خرطي بس عطها من ذي القصايد الطيبه مثال ذلك ...
كنك كووووسه محشيه زعتر ...... يارمان يامقشر ....... ياروبيان بالكراث متبهر ....... كنك بيض عيووون بالقلايه متحمر ...... يالخيااار الاخضر ...... يااحلى بصل لامس اكبر قدر عندي ....... ياكبسه لحم احمر <<<< شف كيف الاحاسيس تؤثر في القلب <<<< والله احساس بطني مهوب قلبي والله من الجوع ..

اذا خلصت من كل ذي الامور وزينتها تعال عندي علشان اقول لك اعقل يالمخفه ولا عاد تحسب ان بنات خلق الله عندك لعبه واركد ياعصويد لا تصير ورع وتسويها تراني اعرفك على الريحه ... هع هع هع <<< خويك وعارفك خبل ومولي ومنتهي ومصرقع ويالله انك تخارجنا ...

انتهي وحقوق الطبع عندي ولا احد يسوي زحمه ويقول اني بايخ لاني ادري <<< صايم وهو يكتب الموضوع ونفسه عند خشمه ................

م ط ل ع ع ل ى س ك و ت ر