[اللؤلؤه البيضاء]

الجزء الواحد والعشرون


-21-


الفصل الاول




تحت فواز اللي ما نااام الا 4 ساعات ...قام من النوووم وهو حااااس ان راااسه بينفجر الم فضيييع ...
نزل تحت وخذا من امه بندوول .. بس ما فيييه فايده .. الالم كل ماله ويزيد ..
ابوفهد : فواز تعاال افطر ...
فواز وهو ماسك راسه: ... ما ابي ...
مشعل : امش كل ... ترا بيبتل راسك يووجعك ...
فواز : وربي ما اشتهييييييت ...
فيصل : طييب قم نروووح .... للمستشفى نشوووف وش فيييك ...
فواز :لااا وارووح مستشفى عشااان صداااع .... لا لا هووو شووي وبيطيب
ابو فهد: ايه رح شف وش فيك...
فواز: لالا يبه منيب رايح...
ووقف فواز..
مشعل: وين بتروح..
فواز: بروح انوم...
ومشا فواز يبي يرقى بس الالم كل ماله ويزيد وحس انه بيطيح...
مشاري حس عليه وراح ومسكه يساعد عشان يرقى...
فواز: لامافينيشي وخر..
مشاري: وش مافيك شي وانت بتطيح عليتا ...
فواز: مشاري اقولك وخر..
مشاري: مهبول انت..
فوازوهو يصرخ: مشاري ابعد عني..
مشاري يتركه: اوكي خلاص...
فواز:انزل تحت..
مشاري: فواز مهبول انت خلني طيب وراك..
فوتز: مشاري انت تفهم اولا ...خلاص اقولك مافيني شي انزل تحت..
مشاري: طيب خلاص بنزل..
نزل مشاري ...وفوازكمل طريقه لفوق بس الالم يزيد وهو خلاص وصل فوق بس معاد يشوف شي قدامه حس انه بيطيح هو يبي يمسك أي شي عشان مايطيح بس مولاقي ..وماحس على نفسه الى وهوطايح..
وفي نفس الوقت اللي هو طاح فيه ريم طاعت من غرفة البنات وشافته..
ريم معقوله ههههههههههههههههههه حلوه .. مقالبك ... يا فواز ..
وقربت منه وهي تضحك .. بس المشكله ان فواز ما تحرك ..
ريم : يا ربيه وش فيه ذا .. (وقربت منه ) فواز .. فواز .. (تطول صوتها ) فواز .. فواز .. فواز قووم خلاص يكفي مقالب قوووم .. حرام عليك .. فواز.. (وتصرخ ) فواز ..

اللي تحت سمعوا الصرخه وجوا ... ونجلاء سمعت الصرخه وطلعت من الغرفه .. ..
نجلاء: وشوو .. وش صار..
ريم وهي تصيح : مدري .. مدري..
مشاري وفيصل اللي جووا يركضوون .. ووراهم الباقين ..
فيصل وهو يقرب من فواز : فواز .. فواز ..
بس فواز .. لا حيااة لمن تنادي..
فيصل يصرخ : عطووني.. مويه .. عطر.. تحركوووا ..
ريم قامت تركض .. وجابت عطر من الغرفه وعطته فيصل ..
فيصل بخ العطر.. وجلس يصطر.. فواز مع خده ..
مشاري : اقووول فيصل شووف وجهه كيف ..
فيصل : وش فيه ..
مشاري : ما ادري .. بس وجهه ازرق وذبلان ..
فيصل حس بفواز بدا يقوووم . وما ركز على اللي يقوله مشاري..
فيصل : فواز .. فواز ..
فواز : اااااااااه ..
فيصل : فواز .. قوووم .. قلي.. وش اللي يعورك ..
فواز : موو .. وو.. مويه ..
فيصل يلتفت على نجلاء وريم : عطووني موويه ..
نجلااء نزلت تركض تجيب مويه ...
ابو فهد يجي ويجلس جنب فواز .. : فواز .. ياا بوووي .. قل لي وش اللي يوجعك ..
فواز : يبه ... احس اني بمووت ..
ابو فهد هزته الكلمه .. وريم .. معاد تقدر وجلست تصيح بصووت عالي .. ومشاري ما قدر يتحمل اللي يسمعه وبعد عنهم .. وفيصل عصب لان الفكره ما دخلت في باله انه ممكن في يووم يخسرر اخووه ..
فيصل وهوو يصرخ على فواز ..: مهبوول انت وش ذا الححكي اللي تقووله ..
فواز : انا ما قلت شي .. يوومي ومكتووب لي..
ابو فهد : تعوذ من بليييس وخل عنك الحكي اللي ماله داعي..
مشاري وهو يقرب من فواز ويجلس جنبه على الارض : حلفتك بالله يا فواز .. لا عااد تقوول هالحكي .. تكفى يا فواز .. حرام عليك .. حرام عليك والله ..
ابوفهد : فيصل .. مشاري.. دخلووه للغرفه خلووه يرتااح ..
فيصل : ان شاء الله ..
هنا جت نجلااء ومعهااا المويه .. .عطتهاا فيصل ..
مسكه هوو ومشاري.. ودخلوو للغرفه وجلسوا عنده لحد ما ناام .. وبعدهاا طلع فيصل .. ونزل تحت .. وشاف البنات في الصاله ..
نجلاء: هااااااه فيصل .. وشلون فواز ..
فيصل : لاا الحمد لله اخف شوووي .. وهوو نايم الحيييين .
ومشى فيصل .. بس رجع مره ثاانيه عند البنات ..
فيصل : نجلاء تعالي..
وقامت نجلاء وراحت لفيصل ..
نجلاء : هلااا ..
فيصل: نعالي معي .. ابي اطلع اتمشى على البحر..
نجلاء : خلااص طيب .. بس بجيب جلالي وبجي..
فيصل: اووكي.. بسرعه لا تطولين ..
نجلاء: لا هوو في الصاله ..
وراحت نجلاء .. تجيب الجلال... وفيصل مشى وطلعت في وجهه امه .
ام فهد : فيصل .. وش فيه فواز ..
فيصل اوووف نسيت اعلم امي..
فيصل: لاا بس راسه يووجعه .. وههوو نايم الحييين ..
ام فهد : متاكد انه بس راسه ..
فيصل : ايه ..
هناااا جت نجلاء..
ام فهد : نجلاء تكفين وش فيه فواز ..
نجلاء تناظر فيصل ..
فيصل : يمه قلت لك .. بس راسه يوجعه ..
نجلاء: ايه خالتي بس راسه يوجعه ..
ام فهد : وانتم وين بتروحون ..
فيصل : بنطلع شووي على البحر ..
ام فهد : اجل اخليكم .. بس لا تتاخرون على الغدااء..
فيصل ..: ان شاء الله ..










في غرفة البنات .. العنود كانت لوحدهاااا ..
توهاا قايمه من النووم .. سمعت وش صاير لفواز .. بس ما تدري وش فيه بالضبط ..
خذة جوالهاا تبي تدق على احد عشاان يساعدهااا .. لانهاا تبي ترووح لفواز ..
دقت على نجلاء مقفل .. والباقين ما يردوون .. ورجعت وقالت خليني ادق على جوال فواز .. دقت يمكن اربع مرات .. محد يرد ..
العنود: اوووووووف .. انا لازم برووووح ..
قامت من السرير بصعووبه .. وظلت تمشي بصعوووبه لحد ما وصلت لنص الصاله اللي بين غرفة الشباب والبنات .. بس هناا خلااااص ما اقدر .. وطاحت على وجهاا وصرخة ... حاولت تقووم بس ما فيه فايده ..

في الوقت هذاا مشاري اللي كان في غرفة الشباب.. كان ما سك جوال فواز في يده ويتندم لانه ما رد على العنوود .. لان كانت هذي فرصه عشاان يقدر يتسامح منهاا ..
مشاري بصوت واطي عشاان ما يقووم فواز .. : وش ترووح تتاسف منهاا له .. والله لوو تمووت ما تسامحك .. اول كف.. ولكن الحين مهووب الحد كف وبس وكف وكسر رجل بعد ..
هناا سمعت صرخة بنت .. قام عشاان يشووف وش صااير..
طلع لقى العنوود طايحه .. وما معهاااا جلال ولا شي .. كانت منزل راسهاا يعني مشاري ما شاافهااا ..
بس هي ما تدري ان مشااري .. طلع ..
مشاري.. لا مو معقووله هذي العنود .. : العنود ..
هنا العنود رفعت راسهاااا ..
مشاري لااااااااا موو معقوووووله وش ذا .. يا ربيه لاا تعااقبني .. بس ما اقدر اوخر عيوووووووني .. وربي صدق من سمااااك العنود ... وش ذا العيون عذاب عذاب عذاب .. يااا ويل حالي انا ياا ناااس .. مشاااري مشااااري اصحى عيييييب اللي انت تسويه بنت عمك هذي .. خلاااص الا عااد تناظر... ما اقدر ما اقدر زين زين زين يا نااااس .. بموت لوو تمت في وجهي كذا ..

اما العنوود اللي رفت راسهاا شافت مشااري.. ظلت تناظره يا ربيه وهذا كل مره كذا ما يطلع لي الا هووو .. اكرهه اكرهه اكرهه .. لييييييييييش الله باليني فييييييييييييه .. اكرهه اكرهه هوو سبب عذابي بهدنيااا .. بس لييييييييييش ذا يناظر كذااا .. (هنا شهقت العنود .. لانهاا استوعبت انهاا ما لبست جلااال ) يا ربيه فشله ... جالس يناظرني من الصبح لاااااااااا الله ياخذك ياا شيخ ... انا وش اسوووي الحين لا اقدر اقوووم .. ولا اقدر اتغطى ... اووووف والله مهيبل حاله ..

مشاري من سمع شهقت العنوود استوعبت الوضع .. جاا بيدخل ..
بس المشكله العنوود طايحه ... لازم يساعدهااا ..
ورجع طلع .. العنود شافته .. اوووووووووف وش يبي ذا الحيييييييين ..
بس مشاري كمل طريقه .. ودخل غرفة البنات كذا .. من دون لا احم ولا دستوور..
دخل ولقى على التسريحه جلااال.. وخذاه .. وطلع ووقف وراهاااا .. وانطله عليهااا .. مشاري: يله خذيه .. بسرعه تغطي..
العنود لااا يا شيخ .. يووم شبعت وحفظت وجهي تقوول تغطي..
خذت العنود الجلااااااال.. وتغطت..
هناااااا مشاري قرب زياده من العنوود .. ومد يده .. عشااان يساعدهاا ..
العنود خافت واستحت .. لاااا مستحييييل .. وين اخواني يساعدووني.. لاااااااا انت ما ابيييييك .. ابعد عني... ابعد.. بس انا لازم اقووووووول اذا هوو ما ساعدني.. بقعد لييييين الصبح وانا هناااا ..
مدة العنوود يدهااا ومسكهااا مشاري.. وقومهااا لحمد ما وقفت على رجوولهااا ..
العنود: ابي ارووح لغرفة فواز.. ابي اشووفه ..
مشاري: بس هوو نايم ..
العنوود من الفشله تحس ودهاا تموووت لانه ماسك يدهاااا .. يعني يده في يدهااا خلااااص من الفشله تحس انهاا بتصيح .. او بالاحرااا صاحت ..
العنود : معليش .. بس اشووفه ..
مشاري.. حس فيهااا حس انهاا مستحييييه .. مع انه فرحاااان انه ماسك .. يدهااا .. استغفر الله يا ربي .. بس وش اسوووي.. وربي غصب عني.. والله لوو تدرين يا لعنود انتي وش مسويه فيني..
ساعدهاااا مشاري... لحد ما وصلت لغرفة الشباب .. ووصلهاا لحد سرير فواز .. وترك يدهاا مع ان هوو معجبه الوضع .. ما يبي يبعد يده من يدهاااا بس خلااص لازم .. لانه مصلهاااا ..


حطهاا جنب فواز .. وطلع ..
العنود .. جلست جنب فواز على السرير .. ورفعت الجلال بعد ما طلع .. مشاري..
شافت شكل فواز.. مره وجهه تبعااااان ..
وجلست تصيييح لان فواز كل حياااتهاا هي صح تتهاوش معه .. وطوول حياتهم مناقر.. بس تحبه ..
مسكت يده وحضنتهاااا وهي تصيييييح ..
العنود : فواز .. وربي احبك .. ليش كذاا .. يا ليت اللي فيك فيني.. قووم قوولي وش فيك .. وش اللي يعورك .. وربي انت حياتي ودنيتي كلهااا .. انت نوور البيت .. قووم الله يخليك .. قوووووووم .. (وجليت تهز فييييييه ) قووووووووووووم .. (وتصرخ ) قووووووووووووووووووم .. ...
بس فواز .. ما تحرك .. والعنود صياحهاا يزيد ...
حطت راسهااا على صدره وجلست تصييييييح ..
العنود من بين صايحهااا : ليييييش ليييييييش.. انا احبك .. والله احبك ... اذا كنت زعلتك .. انا اسفه .. وربي اسفه .. ..
هنااا حست بشي على راسهاااا .. .. يده .. ايه يده .. .. ورفعت راسهاااا وشافته .. الحمد لله يا ربي الحمد لله .. فواز ..
فواز: والله حتى انا احبك .. انتي اختي وصديقتي وحبيبتي.. وكل شي في دنيتي..
العنود : وهي تشاهق: فواز .. وش فيك .. ليش كذا .. وش جاك ..
فواز : ما فيني شي بس ادلع عليكم ..
العنود : لا هذا مهووب دلع ... قووووم اجلس معنااا .. قووم العب.. معنااا ..
فواز : ههههههههههههه .. ليش انتي يا العرجاااا تعرفين تلعبين ..
العنود : ههههههههههههه الحين عرفت انك بخييييير .. ايه هذا فواز .. اضحك خلي الدنيا تضحك لك .. بس عااااااااد .. مهووب عرجاااا .. يا الاحوووووووول ..
فواز : ايه هين احوووووول ... انا عيووني تطيح الطيير من السماااء ..
العنود : هههههههههههههههههههه مغروووووووووور ..
فواز : يا حبيبتي هذي ثقه ..
العنود : ايووووووووه يا الثقه .. لا تتقطع تكفى..
فواز : يا شيخه رووحي ترا عطيتك وجه .. فارقي يله ..
العنود : ههههههههههههههههههههه وشلون افارق .. ما اقدر..
فواز : ايه .. صح.. طيب خلي اللي جابك يودييييك ..
العنود هنااا سكتت ... تذكرت مشاري..
فواز : ههههههههههه ايه صح انتي وشلوون جيتي ..
العنود : هاااااااه ..
فواز : من قال هاااه سمع ..
العنود : مشاري.. جابني..
فواز: نعم مشاااري..
العنود نزلت راسهاا في الارض..: ايه مشاري..
فواز .. : وشلوووووون ..
العنود : انا كنت ابي اجي لك .. وحاولت اطلع .. وصلت لنص الصاله وطحت .. وهو كان طالع وشافني طايحه .. ساعدني وجابني هنااا ..
فواز : ايه صح عنيد .. انتي وش كنتي تسوووي تحت مع مشاري..
العنود : وش كنت بسووي يعني..
فواز : ان اسالتك ردي على قد السؤال..
العنود حست ان فواز بدا يعصب .. : لاا انا كنت نازله ابي اتمشى برااا ...
وشفته. وانا برجع .. طحت في المويه .. بس .. هذا اللي صااار ..
فواز : ايه اشووا ريحتيني..
العنود : ليش يعني وش كنت تتوقع انه صااير..
فواز : ما ادري بس الشيطاان شاطر..
العنود : اقووووول خلصني.. انت تقدر تمشي .. تعاال ساعدني ابي انزل تحت ..
فواز : طيب بس بقووم اتسبح ..
العنود : بس بسرعه الله يخليك ..
فواز : ان شا ء الله ..






تحت برا على البحر.. فيصل ونجلاء..
نجلاء: فيصل وش فيك ..
فيصل: هزني يا نجلاء هزني..
نجلاء: وشو اللي هزك ..
فيصل : فواز ...
نجلاء: ايه وش فيه ..
فيصل: كلمته هزتني..
نجلاء: أي كلمه ..
فيصل: يقوول احس اني بمووت ..
نجلاء: لااااااااا عااااد ..
فيصل: والله العظيم .. .. تدرين يا نجلاء.. وش الي هزني في كلمته .. ان هوو حاس.. بس والله انا ما اقدر اعييييش.. من دوونه .. ما اقدر..
نجلاء: منتااب صاحي يا فيصل... هوو يقوول كذاا بس لانه تعبااااان ..
فيصل وهو يتنهد : ما ادري.. ما ادري..
نجلاء: الا صدق ترا رووحت البحريين .. خلااص تفركشت ..
فيصل : لييييه ..
نجلاء: عشااان العنود ..
فيصل : ليش وش فيهااا العنود ..
نجلاء استوعبت ان محد يدري ان رجلهاا منكسره ..
نجلاء: هاااااااااااااااه ..
فيصل : وش فيهاا العنود ..
نجلاء: لااا بس..
فيصل عصب : وش فيهاا قوولي..
نجلااء: لا بس رجلهاا امس انكسرت ..
فيصل: امس متى ..
نجلاء: الفجر..
فيصل: المصايب .. تتحاذف عليناا من كل جهه ..
نجلاء: استغفر ربك يا فيصل ...
فيصل وهو يمشي ويمسك راسه : استغفر الله .. استغفر الله .. ..(ويلتفت على نجلااء) وهي اللحين وشلونهااا ..
نجلاء: انا يوومني انزم وهي نايمه ..
فيصل يجلس: طيب هوو كسر قووي اوو لااا ..
نجلاء: والله ما ادري ماسالت فواز ومشاري..
فيصل : لا حوول ولا قوة الا بالله ..
نجلاء: فيصل .. خلااص.. كسر بسيط ..
هناا طلع فيصل من جيبه بكت دخاان ..
نجلاء شهقت : فيصل من متى وانت تدخن ..
فيصل : من اليوووم ..
نجلاء: مهبووول انت ..
فيصل وهو يولع السيجاره : انا حر اسوو ياللي ابي..
نجلاء: تكفى طفهاااا .. ما احب ريحتهااا
فيصل ولا كانه يسمع شي..
نجلاء: اووكي انا داخله .. بس متى ما عرفت مصلحة نفسك ... تعاال كلمني.. لان انت تووك بادي تدخن .. حرام والله حرام .. يافيصل .. وقف قبل ما تدمن عليييييييه ...
فيصل: نجلاء... خلاااص قلت ما ابي..
نجلاء: كيفك .. بس تراا يقولوووون ناصح بليييييس في الناار..
فيصل: نجلاااء تكفيين يكفي مواعض..
نجلاء: اووكي انا رايحه ..
فيصل: احسن ..
هنا مشت نجلااء وتركته ... قاااااال ايش قال يحبني .. وينكم يااريم بس... تسمعييييييين ..




مر اليووم .. من دوون أي احداث تذكر..
اليووم اللي بعديه .. قاام مشاري اول واحد ..
قام وخذا شاور.. ورجع وجلس عند سرير فواز ..
مشاري: فواز ... فواز .. قم يله ...
فواز : يا اخي وخر عن وجهي خلني انووووم ..
مشاري: قم ما تبي تروووووح للبحرين ..
فواز قام : ليش وش اليوووووم ..
مشاري: اليووووم الثلاثاااء..
فواز : قل والله ..
مشاري: اعووووووووذ بالله ... والله .. والله ..
فواز وقف .. : يله .. يله .. طيب... كم الساعه الحييين ..
مشاري: الساعه تسع ..
فواز : ومشعل متى بيرووووح ..
مشاري: بيروووح عشر..
فواز : يوووووووووووووه اجل ليش مقومني..
مشاري: ههههههههههههههه لا بس حمااااااااااس..
رجع فواز ينوم ... ومشاري طلع ..
اول ما طلع مشاري لقى في وجهه ريم ...
ريم : هلا والله ... هلااا .. بالطش والرش .. والبيض المفقش... هلاا بخوووووووي .. هلاا بحبيبي..
مشاريالله من شاافهاا تكتف وهو يسمع الترحيب الحاار..
مشاري: ايوووه .. اخلصي وش تبيييييين ..
ريم : بسم الله وش دراك ..
مشاري: عارفك يا ام المصالح .. قووولي وش عندك ..
ريم : انتم اليووووم بتروحون للبحرين صح ..
مشاري: ايه ..
ريم : طيب طلبتك .. طلبتك .. اليوووم الثلااثاء.. ابيك اذا جت الساعه 8 بالليل .. تروووح لمطار البحرين .. وتاخذ معك كاميرات الفيديو ..
مشاري: ايووووه ايووووووووووه ... وبعدين ..
ريم : طيب اصبر خلني اكمل..
مشاري: يله .. يله كملي..
ريم : المهم .. وتروووح عشااان تصوور لي استقباااال .. سلمان حمييييد ..
مشاري : نعم نعم نعم نعم ... ومنهوو ذا سلماااااااان حميييد ..
ريم تشهق: اوووووووووف ما تعرف سلمااااااااان ..
مشاري يتمسخر بريم : اووووووف يا ربيه .. فاتني نص عمري... ما شفته .. حرام .. بمووت يا ريم .. لازم اشوووفه .. لازم لازم .. وش اسوووي حليني.. ياا ريم ..
ريم : اووووف انا من الصبح وانا اقوولك وشلون تشوووفه.. رح للمطار واستقبله .. وصووره لنا بالكاميرا .. يله عااااااااااااااااد ..
مشاري: رووووووووحي يا شيخه مصدقه انتي..
ريم .: المهم خذ الكاميرا معك ..
مشاري: ليييييش...
ريم . : يعني يمكن تحن علينااااا ..
مشاري: اقووووول روحي هناااااااااك ..
ريم : اوووووف مشاري عن النذاله .. حرام عليك ... شوووف انتم صوروه .. وسلموو عليه .. وقولوا له .. تسلم عليك ريم ..
مشاري: ايه والله ابدا ما طلبتي شي.. وش رايك بعد اقوولك .. ريم تحبك ..
ريم : والله يكوون احسن ..
مشاري: وتموووت عليك بعد..
ريم : والله جد يكوون اروع ..
مشاري: وش بعد اقووله ..
ريم : اممممم .. امممممممممم .. ايه صح قوووله .. اني صووت له بهبل ..
مشاري: اقووول وخري عن وجهي لا التك بكف ..
ريم ..: اووووووف .. طيب وش السوات .. ارووح معكم ..
مشاري: اللهم طولك ياااارووووووووح ..
ريم : وربي سخيف ..
مشاري: انتي السخيفه والله ..





مر اليووووم بسرعه ... فيصل ونجلاء وتجاهل وبروود واضح جدا جدا جدا جدا ... وبالاقين الوضع عندهم طبيعي..
والشباب في البحرين .. ما خلوو مكان ما راحوا له ... طووول اللوقت وهم يتمشووون ويكلون .. ياكلوون ويتمشوون .. وطبعاا مشاري راح لمطار البحرين .. بس عشااان يقهر ريم .. والا هوو اصلا ما يعرف منهوو سلمااان .. ورجعوااا للخبر الساعه 12 ..


اليوم اللي بعده الصباااح ..
ابو راشد وابو فهد .. جالسين الخيمه ..
ودخل عليهم مشعل ...
مشعل: صباح الخير..
ابو راشد وابو فهد : صباح النور..
جا مشعل وجلس معهم ..
ابو راشد : هااااااه وشلون سفرتك ..
مشعل: تمااااااااااام بس لوو ذا المهبل ما راحوا معي.. كان خلصت شغلي بدري..
ابو فهد : ايه مهبوول انت يومك تاخذهم معك ..
مشعل : عااد وش اسوووي يا عمي.. عينهم في ذا السفره ..
وسكتواااا ابو فهد وابو راشد .. مشعل ظل يناظر فيهم يمكن 10 دقايق ..
مشعل: اقووول يبه ..
ابو راشد : هلاااا ..
مشعل: يبه انا ابي اتزوج ..
ابو راشد : وشوو ..
مشعل وهو حااس انه ابوووه بيرفض عقب تجربته الاولى ..
مشعل: ابي اتزوج ..
ابو فهد : والله هذي الساعه المباركه .. اللي بتعرس فيهاا وتجيب ام لبنتك ..
ابو راشد : ومن تبي ذا المره ..
مشعل: ............................ ..
ابو فهد : قل لامك .. تخطب لك ..
مشعل: لاا ياا عمي.. انا اخترت البنت اللي ابي اتزوجهااا ..
ابو راشد : يله قل ورناا من اخترت .. الله يستر منك بعد ..
مشعل : يبه انا ابي رنااا بنت خالتي..
ابو راشد اللي ما توقع .. ذا الشي.. جلس يضحك .. ومشعل مستغرب ..
ابو راشد : ايه هذي العروووس.. اللي من اوول المفروووض تاخذهاا .. مهيب ذيك ..
ابو فهد : خلااص يا ابو راشد .. صار اللي صار...
ابو راشد : يله رح قل لامك ... خلهاا تسال خالتك .. لان رناا مثل بنتي.. وانت منتااب لاقي احسن منهااا ..
مشعل من الفرحه .. ولا شعووريااا قااام ... بيطلع ..
ابو راشد : على وين رايح ..
مشعل : هااااااااااه .. هههههههههههههههههههه .. بروح لامي..
ابو فهد : رح .. رح .. الله يوفقك ..
مشعل: ههههههههه عساها توافق.. لا تنسى يا عمي انا عندي.. بنت .. موو كل وحده .. بتوافق انهاا تربي بنت غيرهااا ..
ابو رشاد : بس هيييييييب رنا اللي ترفض ..
مشعل: الله يستر بس.. يله .. مع السلامه ....

وطلع ..........


يتبع


اتمني الجزء يعجبكم ..


شوو تتوقعوووووون يصير ..

س: وش راح تصير ردة فعل رنااا ؟؟ هل راح توافق على مشعل ؟؟

س: فيصل ونجلاء؟؟؟ وش صار.. تتوقعوون انهاا بداية المعركه .. اوو مجرد اختلااف في الرأي..

س: فواز .. وش فيه .. ؟؟ هل هوو مجرد صداع بسيط اوو ..............؟؟؟

س: مشاري والعنود ؟؟؟







تحياتي