بسم الله الرحمن الرحيم
كتبت قصيدتي هذي في اخوي سعود لانه سافر لعلاج كلى
عسى الله يرده لنا بالسلامه ويحفظه امين
سميت القصيده باسمه
وهي
يا سعود
حان السفر والنفس يا سعود تغليك
ودعتك الله وياعساك ما تشوف ضيقه
تكتب ابياتي بكل احساس شاعرِ فيك
وكيف ما تكتب وانت للشاعر شقيقه
ياخوي سفرك لعلاج ماهو لتمشيك
انتبه لحالك .. وياربي نور له طريقه
النفس بتعيش العمر مع همها وتحتريك
وتدعي لرجعتك معافى في كل دقيقه
ياسعود ننتظر رجعتك سالم والبسمه حواليك
واعذرني ياخوي لا باح القلب بعميقه
امانه ياخوي امانه والروح ترجيك
لا تغيب .. وخبرنا بحالك لو دقيقه
وانصحك يا سعود نصيحة ياعساها تداويك
صوم وصلاة وذكر رب الخليقه
واخر كلامي يا عسى ربي يشافيك
وصلى الله على نبينا اشرف خليقه
ياربي وفقه يارب ويرجع لنا سالم اللهم امين
تقبلو خالص تحياتي