يسرنا مشاركاتنا معكم بهذه الابيات ولكم اجمل تحيه
يااللي ندبت الحض والحض ماقام= تغطرسك يطفي روائع اشموعـك
الطيش غيهب من غياهيب الاوهام=لانقذت ضامي ولاتمكنت جوعـك
غرك زمانـك والليالـي والايـام=عن صيحتك غابت نوادر افزوعك
مخبلك يااللي تقرط النفـس قـدام=قبـل دخولـك ماتفكـر طلوعـك
لاخفـت لايـم ولاتوقعـت لـوام=والناس ماتمشي ابرايك او طوعك
سوقك تراوح بين بايـع وسـوام=حتى شدادك يعتذر عن رجوعـك