[ملاك الارواح]

والله انك صادق ياخوي الحمد لله ان اكثر من مجله سوت استفتاء عن اجمل بنات وطلعت السعوديه المركز الاول بدون منافس وكمان في دكتور عالمي سوى احصائيه وطلع بنات السعوديه ملكات العالم والدليل...



________________________________________

توصلت دراسة من مركز ستارش البريطاني للأبحاث العالمية الى أن السعوديات هن أكثر البنات دلالاً على مستوى العالم .

حيث تمت الدراسة بناءاً على عدة أمور منها أن الفتاة السعودية تلبى طلباتها بدون عناء وأن الفتاة السعودية دائما تُخدم إضافة إلى أنها ليست بحاجة الى عمل فمصروفها متوفر لها من أولياء أمورها دون الحاجة للعمل ووصف الباحث الفتيات السعوديات بـأنهن (ملكات العالم) ويقول أن الملكة لا تقود السيارة بل الخدم من يقوم بذلك فالفتاة السعودية مثل الملكات تماما .
وتمت الدراسة أيضا على الاعتناء بالرشاقة وحسن المظهر واهتمام الفتاة السعوديات بجمالها حيث يقول السيد كريستروفر جولايل أن السعوديات الأجمل على مستوى العالم




واما عن الجسم كمان مجلة زهرة الخليخ سوت استفتاء وطلعت السعوديه اكثر البنات رشاقه طبعا المستورات اما اللي بالفضائيات هذولا مجنسات ويقولون احنا سعوديات عشان الشهره وعلى حسابناوحساب سمعتنا



والمكياج وادوات التجميل الحمد لله كل المكياج يجينا منبره السعوديه عمرنا ما سمعنا منتج سعودي عن المكياج وهذا دليل عن احنا بغنى عنه




وهاذي قصيده عن شرف البنات السعوديات...

بنت تدافع عن شرفها وشرف بنات الســعوديه بقصيده ولا احلـــى
هذه القصيده كتبتها بنت حين قال او كتب احدهم ان بنات السعوديه سهلات الاصطياد

مجرد ان تقـول لهـا كلمـه باعـت نفسهـا لـك اثـرت فيهـا الكلمـة فكتبـت هـذه القصيـدة

وطـبــعــا بــنـــات الــعـــرب كـلــهــم مـثـلـهــا اســــــال الله ان يـحـفـظـهــم بـحـفــظــه


أنا بنت من السعوديه لو كنـت تعلـم................ أنـا الشريفـة أنـا العفيفـة بنـت الكـرام

وشرفي ما أبيعـه لـو كنـت تفهـم ....................وخوفـي مـن الله يمنعنـي مـن الحـرام

مـو كـل طيـر ينوكـل لحمـه لــو تحـتـم............ ولا كــل غــزال مـتـروك صـيـدا لـلأنـام

من السعوديه أنا وبحكمك لا تعمـم ...............وفسـاد وحـده مـا يضـر رفيعـات المقـام

عمري ما كنـت ضحيـة لكـل مـن يسلـم................ وعمـري مـا كنـت لعبـه بيـد اللئـام

أنا مثل الجبل صامـدة مـا استسلـم .....................ولا تهزنـي مـن شـاب كلمـة غـرام

ودرب الشـوك أنـا فيـه مـا أتقـدم .......................لأنـه متعـة ساعـة وحسـرة أعـوام

من قصة يوسف يا الغشيم تعلم ...........................ومن الرسـول محمـد خيـر الأنـام

كلامك سمعته من جد أنا أتألم....................... وعرفت إن شرف البنت في الاحتشام

اسأل الله اللي با الحال اعلـم ..................يحفـظ بنـات السعوديـه مـن دروب الضـلام



طبعا هذا الرد للي يطعنون بشرفنا...

اما عن الموضوع التافه واللي غثيتونا فيه اللي هو سواقة المرأه...





هي: يالله ما تسوقون. !


الفتاة السعودية : لا


هي : يا أختي مرة ما يثقون فيكم أهاليكم


الفتاة السعودية أذيتونا بهالموضوع


أنا مسلمة و يشرفني أني ما أسوق


أنا ملكة ، و فيه ملكة تسوق ؟؟


أنا أغلى من العين و الموق


أنا الحمد لله مكانتي فوق


فيه من يتولى أمري و يخدمني بذوق


ويوديني لاقل و أكبر مشوار مايعوق


ما أطلع لحالي لاني أغلى من أني أترك لحالي


في الشارع ... فيه من يبي يذوق طعمي الحالي


في الشارع ... فيه الصالح و الطالح يتمنى يجي إقبالي


أهلي يخافون علي .. أنا ...غالية ...


يخافون علي حتى من نظرة غريب حانيه


يخافون على سمعي لا تخدشة كلمة نابيه


كرامتي


يخأفون عليها لا تنجرح و تنكسر نفسي السامية




هي: أنتم مظلومات مرررة ...صح؟!!


الفتاة السعودية: لا


هي : لأن رجالكم حرموكم من المساواة


الفتاة السعودية : ومن قال أننا نبي المساواة


أنا إمرأة أنا أنثى


أنا ضعفي هو سلاحي


هو فخري و ادوى جراحي


أنا ... أختلف عن الرجل


أنا ... لي قلب وجل..


كيف أواجه الدنيا بثقل


ما أبغى مساواة في العمل


ما أقدر أعمل بقوة الرجل


كيف أحمي أسرتي أجل ؟


أنا أبي أحد مسؤول عني ...أنا له متابعة


ما أعرف أشيل أنا همي .... يامر و أنا أسمعه


بس .. أعرف أسعده بودي ... و بشوقي اللي أجمعه


أمسح جبينه بيدي ...ولا أترك فرصة لمدمعه


ما أبغى مساواة


أنا ... خلقني الله


و يعرف اللي أبغاه


ومستسلمة لهداه




هي: أنتم حجابكم يغطي الوجه؟


الفتاة السعودية: إيه


هي: الله يعينكم كتمه مع الحر.


الفتاة السعودية : بس نار جهنم أحر.


وأبي الكل يعرف شئ


أنا مسلمة وافتخر بحجابي


ما تضايقت منه في نزعه عذابي


ولا يشرفني تركه .... يا أحبابي


أنزعه أبداً هذا مصابي


كالجوهرة


أنا مو أي أحد يقدر حتى يلقي نظره علي


فكيف يمد يده علي لا


أنا مصونه بيني و بين الغريب الف حاجز و حاجز


كثير يتمنون يحظون مني بشئ .. بس لا


أنا فوق أنا نجمة محد يوصلها


أنا في القمة محد يحصلها ابداً


إلا بشرع الله





واسفه طولت بس عشان اكيد العذال اللي ماعندهم غير السعوديه طبعا ردي ماراح يعجب الا السعوديين اما الباقي على حسب بس الناس على بالهم بيغيضونا بكلامهم مايدرون ان كلامهم مايحرك فينا شعره واحده



والحمد لله على نعمة الامن و الامان والاستقرار والاسلام والحجاب