[..$همسة غلاااا$..]

الى اخر مدى غيظي وصلت.. ولاعرفت ازعل
............الى ابعد حدود الهم .. وقلت آشقق أوراقي

تذكرتك بلحظة جرح.. لقيت لليلتي مدخل
............وقلت اكتب عن عيونك.. عيونك كل عشاقي

أحبك كيف ما أحبك؟..ولو كف الزمن يبخل
............بتبقى الماي في روحي.. وتبقى الغيم والساقي

أحبك ليش ما أحبك.. وانا من روعتك انهل
............قصايد ملحها عيونك.. وطنها الشوق باحداقي

احبك كيف ما أحبك؟.. ولو كان الطريق أطول
............تبقى النون في عيني.. وفي عينك انا باقي

أحبك ليش ما أحبك؟.. وفيك الصورة الاكمل
............انا ابقى خلك الوافي.. وتسكن كل آفاقي

تحيرني متاهات الاجابة .. كل ما أسال
............ولكني أجي ملهوف أسبق ساقي بساقي

تسيرني عذاباتي وأمشي لك .. ولا أوصل
............وأهرب منك لين ألقاك.. من أعماقي لأعماقي

أسافر في عيون الجرح.. وعيون السهر تذبل
............ولاباقي من الليل الطويل .. الا انت وأشواقي

أمانه لايسيل الدمع.. ويجرح خدك المخمل
............أمانه لو تذكرت .. تناسى ليلة فراقي

ويمكن حرقة الدمعه.. على كثر الوهم أسهل
............ويمكن روعة الذكرى.. تخلـّد حبنا الراقي

تموت أخر ورود الحب.. يموت الشاعر الاجمل
............والى راحو أنا بسألك .. في الدنيا وش الباقي

فمان الله ياروحي.. فمان الله لا تزعل
............وش اللي تاخذه دمعه.. مع تنهيدة الساقي





[img]كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع[/img]