يالله ياشاطرين طلعوا كتب ودفاترالنحوعندنا اليوم درس جديد ومهم عن أدوات الإستفهام ومواضع استخدامها مع الشرح بالأمثلة
ليـــه؟؟
ليه شبابنا إذا دخلوا مع المعرس في الزفة في زواجات أخواتهم تنزل عليهم فجأة صلة الرحم
ويتذكرون جداتهم وعماتهم وخالاتهم اللي ماشافوهم ولا يدرون عنهم
من أيام مسلسل (أصابع الزمن) وماهو كذا وبس
لا وعمات وخالات أمهم وأبوهم بعد
ويدورونهم ويسلمون عليهم
وكل وحدة يحبون راسها عشر مرات
ويطلع السنع ويسألونها عن صحتها وأحوالها وعيالها
وولدها فلان القاطع اللي لا يمر ولا يسلم
ومافيه مانع من استرجاع ذكريات طفولتهم الشقية معها ولوعندهم عمة وإلا خالة من الرضاعة
بيدورونها بعد ماراح يقصرون
كيـــف؟؟
كيف ممكن أفكر أتزوج إذا كان للحين خبر الزواج ينكتب بهالصيغة
العبقرية
احتفل فلان الفلاني بعقد قرانه على كريمة إحدى الأسر
لاعاد بالله قرانه على كريمة إحدى الأسر
انهبل هذا وإلا وش صار فيه!! مالقى
إلا كريمة إحدى الأسرعشان يعقد قرانه عليها
جد والله ؟؟إنت متأكد ؟؟
يعني فعلا ودي أسال
اللي يكتب مثل هالخبر في الجرايد وأقوله هل فيه
من وجهة نظرك خيار ثاني
غير إنها تكون كريمة إحدى الأسر؟
يعني بيعقد قرانه على كريمة إحدى
سلالات الزواحف مثلا؟
وإلا يمكن بيعقد قرانه على كريمة سيد قشطة
متـــى؟؟
متى تنتهي ظاهرة زاوية هواة التعارف في المجلات ؟
والحقيقة إن المشكلة
ماهي في رغبتهم في التعارف بحد ذاتها
لكن المشكلة الحقيقية إنه
عندهم أمل إن أحد يراسلهم بعد ماحطوا صورهم في المجلة
وطبعا مايحتاج أوصف لكم الخلفيات المبتكرة
وإلا الابتسامات الساحرة
وإلا النظرات الغامضة في الصور
والله العظيم إن واحد كاتب عنوانه في مجلة
بالشكل هذا
مصر القليوبية مدينة أبو زعبل البلد شارع البلد السوق
!! جوار الزاوية
إذا كان هذا عنوان المراسلة أجل عنوان الزيارة وش بيكون
ميـــن؟؟
مين ؟؟ سؤال برئ نوجهه لأي أحد يدق جرس البيت
لكن عاد الإجابة الأزلية واللي
تصدم براءة سؤالنا في كل مرة
هي (افتح) !! لاحظوا
الرابط والعلاقة بين
السؤال والجواب (مين؟ -----> افتح!) والحقيقة
أنا فكرت كثير وما لقيت إلا تفسير
واحد من إثنين
يا إما كلمة مين معناها وش تبي ؟
أو وش المطلوب ؟
وأنا فاهمتها غلط السنين هذي كلها
أو إني فاهمتها صح
لكن اللي يدق الجرس دايم
يكون
!! (اسمه (افتح
هـــــــــل؟؟
هل ممكن يجي يوم من الأيام المستحيلة
ويتحقق فيه فيلم الخيال العلمي
وتقدر البنت تمشي في الشارع في الرياض او جده
بدون ماتسمع كلام من نوع
ياحلوة يادلوعة أول مرة أشوف قمر على الأرض
وغيرها من الكلام اللي )
يصنف ضمن فئة الغزل المنتهي الصلاحية
هل ممكن يجي اليوم الي تمشي
فيه البنت في الشارع بدون ما يناظرونها
كأنهم شايفين مخلوق فضائي
مجهول
حط على كوكب الأرض في ظروف غامضة !! 00
أيــــن؟؟
بالعامي وين وين ممكن ألقى محل ملابس
ما يكون فيه واحد مزعج وملقوف ما
يشوفني ماسكة قطعة ملابس
إلا ويباغتني بمفاجأة أغرب من الخيال
لا كانت على البال ولا عالخاطر
ولا يمكن يستوعبها أي عقل بشري ويقول لي
فيه مقاسات
!! هااااه !! وش قلت ؟؟ فيه مقاسات !!
الملابس صار لها مقاسات
سبحان الله
فعلا تكنولوجيا!! أكيد إنهم هاليابانيين الملاعين
ماخلوا شي ما اخترعوه حتى
الملابس طلعوا لها مقاسات
أكيد هذا آخر الدنيا
والله إنها صارت تخوف
يالله إن تخرجنا منها مسلمين
خلص درسنا اليوم ياشاطرين
والواجب إنكم تلاقون إجابات للأسئلة