مساء الخير وصباح الخير ومساكم الله بالرضا والنور
اهدي لكم كلماتي المتواضعه الي اتمنى تتقبلونها مني واكون شاكره لكم مدى محبتكم لي
محطة من حياتي
اذكر مثل هاليوم من سنوات مرت..كانت حياتي كلها في محطه
اذكر ذيك الصرخه يوم هزت الجدران..ذيك النظرة والابتسامه...
لا اذكر هالكلمة(( ))الي حرقت كل اوراقي..غيرت حياتي
في ذاك اليوم صندوق وبه كل احزاني..ثيابي زينتي والامي
ذكريات حاولت احملها معاي ..حب ضاع ..ضاع في ظلمه للابد
في تللك اللحظه اذكر صوتي المشلول يدور وينادي يبه وينك؟
لملم جراحي...هون علي..ساعدني مثل هاليوم من سنوات مرت
يبه رحت وتغيرت..باعدت وامنت..للاسف رجعت لك يايبه..اشكي
ظلمهم وجراحي..روحي يحرقها الالم..انتحرت بسمتي على شفاي
ابحرالدمع في عيني وقلبي انكسر ..دفنت روحي المسكينه..وكل
ماتبقى لي من بعد التعب وتقبلت العزا في غرفتي بروحي لروحي
المظلومه.اذكر مثل هاليوم من سنوات مرت..ودي ارحل من هالدنيا
بس انتظر ..وابقى مع هالعالم وحيده..انسان ماحد يفهمه
في النهاية اقول الحياة حلوه وجميله وظلمتها لما اختصرتها في محطه