[هلالي حارق دم النصر]

ســــــــــــــــــلام

من زمـــااااان عنـ،كم ياحلويــن

تيــب الحين ابي اطقق بالكيبووورد براحتـــي

تدرووون ليـه ؟؟؟

كذا مزااااااااااااج

<<< يالقديـــــــــم انت واسلوبك النايـــم يادب يا ........ياللي ..........
محذوفة للذوق العام
>>> اقووول انطــم فضحتنـــــا

تصدقوووووووون

<<< لا

ذبحتني الأندووومي

(دراما - تشويق - اندومي- واحد شاورما بدون مخلل)


في يوم غابر عاصف ليلاً... بارد شتاء....اشرقت شمس يوم جديد <<< لا تدققون على التعبير تكفون<بتأثر بحكآوي آخر الليل

قمت من النوم فوجدت ماشوف من عيوني ( حتى ظننت انني اعمى )......والسعابييل تملى ارجاء الغرفه (لأني نسيت لا اسكر فمي قبل ماانام ) خخخخ

(راح نقلب عامي هاللحين <<< من زين الفصحى اللي فوق )


لقيت كيس الأندومي قدامي.(= ابغىآ امتن يآنآس وش اسوي.......ايه نعم......فطوري اندومي ....وغداي اندومي .... وعشاي اندومي ....... حتى سحوري اندومي بعد(= شميت ريحة رمضآن .....بس اندومي بطعم الخضار <<< لاعاد تنكت تكفى
هذا الواقع اللي مااقدر اغيره.....وهو انه من خشونة اظافري والفقر ملازمني ...ماعندي مصروف شاورما بسبة الفقر الشديد .... وصرت اشوف الفقر في كل مكان.....في الثلاجه....في مخباي... حتى انه كان يطل علي مع الدريشه .... لدرجة ان الميانه طاحت بيني وبين الفقر......حتى انه صار يسير علي كل يوم......وصار يجيب خويه "الجوع" معه..... وصرنا افضل ثلاث اخويا.........حتى جاء "العطش" علشأن يكملنا رابع ببلوت <<يتخيل حياة بكل بساطة...يازينها

مسكت كيس الأندومي ...وافرغته في قدر (بكسر القاف واذا ماقدرت تكسره خل المنتشري يزحلق عليه ).((على طآري المنتشري .آنآ ترى مو سعودي عرآقي)) (= نذل نكر اصله هههههه....وبينما كنت مفهي والسعابييل تقوطر في القدر.....طق باب الغرفه عندي.......يوم فتحته لقيت الهواوي ماسك كورة جمبه
ولابس بدلة رياضه ضيقه عليه...... حتى سرته قامت تويق علينا من تحت(((احلى بانـــد لمزمز)) .....وقال: هاه يابو زليخة(( على فكرة زليخة خدآمتنآ لآيروح فكركم بعيد ههه)) تجي تلعب معنا كورة في الملعب (تكفى ياستاد الملك فهد اشوى انها حارة مسورة ).....قلت له: قدام بس اخلص اللي في يدي (الأندومي طبعاً ).....ويوم بلعت الأندومي....جيت ركض عند درجي....واطلع البدله حقتي الخضراء اللي مخططه بأبيض
ومكتوب على صدرها وزارة المعارف <<<< تراه مايدري ان اسم الوزارة تغير

وانزل للملعب....وسط حضور جماهيري كبير (المشكله ان الجمهور طبو في الملعب بعد)....طبيت معهم واقعد اشووت ذا الكورة يمين ويسار....انا ماادري مع من لكن اهم شي ان اجيب قوول بغض النظر عن مرمى الفريق المنافس
طبعاً نمشي على القانون الصادر من الفيفا والمصدق من عند الأتحاد السعودي اللي يقول: اخر واحد حارس

شوي الا توصل الكورة لخطـــر ويشوتها رايحة لمرمانا.....وانا كنت اخر واحد عند القول...قلت مابدهاش.. انا راح ارد الكورة....واجيك وانقز....واطلعها برجلي "دبل كيك" من حلق المرمى(طبعا نسيت اني انا الحارس).....واجيك محول على رأسي. ....صحيح انه مؤلم.....لكن مايهم اهم شي اني خلصت الكورة من المرمى<(تكفىآ يآالكآبتن مآجد) .....ويجون افراد فريقي ويشيلوني على الأعناق....وسط تصفير وتصفيق من عيال الحارة....والبنات المعجبات يطلطلون من درايش بيوتهم ... وقلت لهم خلاص رجعوني لغرفتي مابعد الدبل كيك شي ...... وراحو زفوني عند غرفتي ....وخلوني اريح هناك بعد ماسويت لهم الأنجاز الكبير .... من زود الوناسه نمت وانا مبتسم

صباح اليوم الثاني طق الباب .....فتحته لقيت شخص لاعبه بوجهه الثعلبه....قلت له يالحبيب فلوس ماعندي ...تبغى زقاره رح شف في اخر الشارع فيه هيئة اغاثة....كودك تلقى شي يسد حاجتك

كودك <<< لعلك او بمعنى قد او سقـــها وكمل السالفة


قال: ماعرفتني؟؟؟ انا "الروسي"رئيس نادي تشيلسي الأنجليزي <<< ترى هذي صورة خشتي
قلت له: الملياردير الروسي البطران ماغيره...يالله ان تحيه< قلك يعني عرفته هههه
قال: قل ماشاءالله <<<< ايه هين قال كذا
قلت له: بشرنا وش اخبار تشيلسي عساه طيب <<< يحسب ان تشيلسي رجال
قال: اقول لا يكثر بس....انا جاي هنا علشاني شفتك امس بالجزيرة الرياضيه وحسيت ان فيك موهبه كرويه وحبيت اعرض عليك انك تنضم للفريق...لأن فيه مبارة ديربي بين تشيلسي وارسنال ابغاك تلعبها ....هاه وش قلت
قلت له: قدام للصدام والريوس مفصول < عربجي هههه


وصلت لندن ....واخذت لي حآفلة وعلى ملعب تشيلسي .... في الطريق حصلت اشياء غريبه ..... لقيت كآتبين على جدران الحواري
مثل ...ترجمتها : تشيلسي عالي عالي وارسنال تحت نعالي ....بصراحه شكيت قلت انا بلندن ولا بالسويدي ((حي بالرياض)).....واللي زاد شكي ان حصلت قبل حديقة "ديزني "( الله دزني قلبهآ حديقة ههه خيام يبيعون "حطب نص استوى" للي وده يكشت في "دزني"..... والله اني حسيت اني في بلدي الثآني ههه ....والله منتو بهينين يالسعوديين ثقافتكم وصلت لندن <<< ابد تراه مايقصد شي


دخلت الملعب.....لقيت المدرجات مليانه جمهور..... والشقر كثر التراب
بدت المباراة .......طبعا المدرب الله يخسه حاطني احتياط (ماعندهم اكرام الضيف ثلاث ايام)......تقدم ارسنال بهدف سجله تيري هنري.....وانا قاعد احاول بالمدرب يدخلني الملعب وهو رافض .....انتهى الشوط الأول ....بدء الشوط الثاني
وانا مازلت بالأحتياط.....جاب هنري الهدف الثاني .....بعدها قفلت الأخلاق.....قلت للمدرب ياتدخلني ولا ترى ابذب البدله بوجهك .... قال المدرب: وش عنده رونالدو الغفله"قالها المدرب مستهزئاً ".... وبعد شد وجذب بيني وبين المدرب رضا هذا الأخير انه يدخلني...يوم دخلت الملعب ....تفاجأت بالحكم واقف قدامي ويمنعني من دخول الملعب!!!!

قلت للحكم: خير وش المانع!.....قال الحكم: هماك سعودي؟...قلت له: لا اندونيسي منتهيه اقامته اكييد سعودي "قلتها مازحاً غاضباً "(= شخصية جديدة ههه.......قال: وش قصتكم بالسعوديه ماتلعبون الا ثلاث اجانب......قلت له: وانت وش حارق رزك ان شاءالله نلعب بربع لاعب دورينا وبكيفنا....قال:دام الدعوة كيف اجل جب ورقة من المرور (عفوا ) ورقة من الفيفا علشأن تدخل الملعب انا الحكم هنا بكيفي.....وبعدها صار الحكم يلعب برموشه (= وآنآ اللي اقلة ارررحم يآ نآنسي .. إلآ على طآري نآنسي شخبآرهآ من زمآن عنهآ (= اقول لآيكثر وكمل القصة هههه

وانا اطير زي البرق لسويسرا مقر الفيفا......واجيك وادخل على رئيس الفيفا.....وارمي شماغي على مكتبه (مع اني ماكنت لابس شماغ!)....وقلت له: تكفى وترى تكفى تهز الرياجيل


قال بلاتر(= ترىآ جبت اسمه بعد مشقة :خير ان شاءالله.....قلت له: ابغى ورقة من عندكم مختومه عندي مباراة مهمه الأن والحكم مانعني من اللعب....قال:الحكم صادق.... لازم ورقة بس مهو كل واحد نعطيه ورقه....قلت له: يعني تبغون شهود ومزكيين ولا وش السالفه....قال: لا مايحتاج مثلك عارف ياما وياما مشينا ملفات مهي بكامله وعقود لاعبين واهداف يعني لا يخدم بخيل .....قلت له: انت كم تبي بس لك مني شيك مفتوح (كله على حساب ابو ثعلبه الروسي )......يوم قلت له شيك مفتوح شفت سعابيله تقوطر على المكتب وعلى طول يطلع الورقة لا ومختومه بعد ....اول ماخذت الورقة واحط رجلي....واسمع بلاتر يناديني: يابو زليخة (=( عرف اسم خدآمتنآ ههه)) وين الحساب؟؟.....قلت له: الحساب يوم الحساب <<<< حركات عرابجة بوفيات الأمآنة وأبو زيد والمطآعم الفخمة ههههههه


جيت طاير....وصلت الملعب وباقي دقيقه على نهاية المباراة <<< ترى حنا في عصر السرعه لا تدققون كثير
والنتيجه هدفين لهدف لصالح ارسنال.....واجيك واحذف الورقة في خشة الحكم....وانطلق واخذ الكورة....واجيك طاير متجه للمرمى.....يوم وصلت المرمى وهو ينبرش علي هنري بكبره <<< تراه مايعرف الا ذا اللاعب من ارسنال والمشكلة راااح لبرشلووونة بعد مباراتنـــا معهم
ويصفر الحكم عن ضربة جزاء....اول ماطحت مسكت الكورة وحضنتها وقلت مايشوت البلنتي الا انا <<<حركات ابتدائي

قلت هذي فرصتي اني ادخل بوابة العالميه.....اجيب هدف تعادل لفريقي من اول لمسه.....ولا وش الفرق بيني وبين بيكهام اساساً.....بس نفرق بالشكل اكيد ....طبعاً الطخامه لصالحي <<< يارجال يحلفون ان رونالدينهو اطخم منك ههههه
يوم جيت ابسدد البلنتي احترت....ماادري اشوت يمين او يسار....بس قررت في النهايه اني اشوت وسط....اضمن انها اذا ماجت قوول فأنها راح تصفق خشة الحارس....يعني كسبان في النهايه

واجيك واشوووت الكورة

طااااااااااااااااااااااااااااااخ

برايفت اداره منتدنا :

ياليت لو تضيفون مؤثرات صوتيه علشأن يندمجون الأعضاء مع القصه <<< اقول ماودك تنثبر بس


نكمل القصه

طاااااااااااااااااااااااااخ






شوي الا اشوف الأندومي منتثر في كل مكان بالغرفه .....والقدر مصقوع في الجدار ومنكسر ....واصابع رجلي متورمه وتصب دم.....اتضح اني شت القدر بدل الكورة
يعني كل السالفه اللي فوق طلعت حلم يقظه ......يعني مافيه لا شهره ولا فلوس......مافيه الا اندومي .....لا منتثر بعد

اااااااااه يالأندومي.....ذبحتني يالأندومي هدفي فيك ضاع تسلل

<= يكتب القصة وهو جآلس يشفط الاندومي من خشمة من زود الفن في أكلهآ ههههه


تحيـــــــــــــــــاتي