[هلا وغلا فيني]

لاتنسون الردود والتوقعات






الجزء الثالث :

مرت الايام .. وهذي وضحه قاعده بالبيت عند ابوها المنشل اللي مابيده شي حتى كلام مايتكلم ..وضحه قررت تنازل عن طموحها اللي هو الجامعه
عشان تداري ابوها ماتقدر تخلي ابوها يقعد بالحاله ....وضحه اللي تحملت مسؤوليه اهلها وهي اللي تبي من يتحمل مسؤوليتها , وضحه اكبرت اكبر من عمرها بعشر سنين
واللي يشوفها مايقول هذي بنت ال 19 سنه .. صج ان وضحه من يوم كانت صغيره ماشاء الله عليها سوالفها سوالف حريم .. وكانت شايله الشغل كله عن امها .. بس الوضع الحين تغير
صارت مسؤوله عن 3 افراد بالبيت ابوها ومريوم وحمد .. مع ان حمد ماستاهل من يشيل همه ولكن وضحه قلبها طيب ..







وضحه وهي تكلم ابوها : يبه افتح فمك بس هاللقمه بس هذي مااكلت شي يابيه حرام تبات كذا بدون اكل .. ابو وضحه يهز راسه علامه الرفض
يبه مايصير الدكتور يقول لازم تاكل قبل الدوا وخاصه الحبوب مايصير تاكلهن من خلا .. ومازال ابوها يهز براسه علامه الرفض

حمد : وضحه تبين شي .. وضحه : حمد ليش وين تبي تروح .. حمد :بروح افك الجبس اليوم .. وضحه لا مابي شي بس ..
حمد : بس شنو ؟؟؟ وضحه : حمد كلم ابوي موهو راضي ياكل شي .. حمد وهو يكشر بوجهه :هذا انتي قلتي ابوتس مو ابوي .. وضحه: اللي صدمها رد حمد وقامت تطالع له بنظرات كلها استفهام من ورا الجلال من الصدمه ظلت ساكته
حمد طالع لها بنظره احتقار وراح وضحه ماقدرت تتكلم لانها استغربت من رده هو صدق مهو زين بس ماعمره قال عن ابوي كذا لانه يحترمه
ليش ياربي ؟ لان ابوي انشل ولا عاد يهتم فيه .. ليش ياحمد تخليني اكرهك اكثر من الكره اللي شايلته في قلبي ..
مريم جات تركض وتنادي بصوتها الطفولي وضووحي . وضحه : هلا مريوم وش تبين ؟ مريم : وهي حاطه يدينها ورا ضهرها وتحرك جسمها يمين وشمال والابتسامه ماليه وجهها ..وضوحي شلونج آنا مشتاقه لج وايد وايد .. وضحه ابتسمت يوم شافت مريوم تتكلم حضري وهي تقول مريوم اخلصي ياقلبي وش تبين هالابتسامه وهالكلام المصفف والحلو ماجاء من فراغ ..
مريم اللي جت وقعدت عند رجول وضحه ورفعت جلال وضحه عن وجهها لان وضحه نست ان حمد راح وهي تقول
وضوحي المدرسه ماباقي لها غير اسبوع وش فيكم نسيتوني ماتبون تشترون لي اغراض وغرطاسيه ولا ماعاد تهتمون فيني الحين
وضحه وهي تبتسم وتكلم نفسها سبحان الله طول عمري ماشلت بقلبي همتس يامريوم ولا فكرت باغراضتس يجي هاليوم اللي يجبرني اشيل همتس .. آآه يامريوم انا انا ابي احد يشيل همي
انا ابي احد مسؤوال عني ويداريني ... منو ابوي اللي منشل واللي لو احد تهجم علينا ماقدر يمنعه ولا حمد اللي مهو شايفنا بعينه شي .. الله يسامحك ياحمد قلت ذاك اليوم انك تسنعت وصرت طيب بس صج مثل ماقلت ابو مزاج انت
الله يستر منك ومن بلاويك ... للحيني مافهمتك يا حمد .. والظاهر ماراح افهمك !

مريوم وهي تقاطع وضحه : وضوحي وش فيتس سرحتي ؟ وضوحي اذا ماعندتس فلوس خلاص مو لازم تشترين لي وكانت تتكلم بصوت خانقته العبره
وضحه اللي انبهرت من كلام مريوم وعرفت ان مريوم خلاص ماعادت صغيره وفاهمه كل شي ..مسكت شعر مريوم وقامت تحطه ورا اذونها وتقول لا يامريومتي اذا ماشريت لتس غرطاسيه اشتري حق منو وكانت تغصب على الابتسامه
مريوم قامت تحب راس وضحه وتقول وضوحي والله اني احبتس .. وضحه افرحت من كلام مريوم وانها قدرت تقنعها بطريقه غير مباشره انهم الحمدلله مهم محتاجيين لشي وان حالتهم الحين زينه






وضحه وهي تطالع لابوها بنظرات كلها انكسار .. حست انها تبي تدمع ولكن مسكت نفسها وحاولت تقنع نفسها ان هالدموع ماعمرها قدمت ولا اخرت شي وان الحال اللي وصل لها ابوها شي مكتوب لايمكن الاعتراض منه
وضحه يبه .. ابو وضحه يطالع لوضحه وحالته يرثى لها بنظرات كلها انكسار ..وضحه : يبه انا استأذنك بروح اودي مريوم اشتري لها
غرطاسيه .. ابو حمد يحرك راسه بعلامه لا تقوله وضحه ماروح ويحرك بلا وتقول اروح يحرك بلا وضحه مافهمت وش يقصد ابوها بس وش تسوي ماتقدر تقعد لازم تشتري للمريوم ..
دقت على حمد
حمد: خيييييييييييييير بصووت جاف
وضحه : حمد بغيتك تجي تودينا للسوق انا ومريوم بشتري لها غرطاسيه
حمد : وش قالولتس سايق ابوتس
وضحه : حشى يابو فهد بس عارف من عندنا يودينا
حمد : يلا ولي ماني بشاري لكم
وضحه : بصوت ناعم مانبي منك فلوس عندنا بس نبيك تودينا
حمد : اذلفي ماني فااضي اقوول بس جهزي عشااا خوياااي يبون يجوون معي ززززززين
وضحه : دامك ماتبي تودينا فأنسى اني اسويلك عشا انت وعيال الفقراللي معك واكبر مابخيلك اركبه زيييييييييين
وسكرت وضحه السماعه وكانت معصبه .. وضحه ظلت تطالع لسماعه اول مره ترفع صوتها على حمد صج انه اصغر منها بس لانه عصبي حيل
وماعنده تفاهم علطول يضرب .. وضحه اللي قامت تشجع نفسها .. عادي اصلا ماقلت شي .. يستاهل هو .دامه مايبي يودينا يتحمل نتايج اعماله
وضحه لاحظت ان يدها ترتعد من الخوف بس قامت تكابر وتقول اصلا انا ماكليت شي عشان كذا يدي ترتعد ..






بعد اذان العشاء ........
وضحه كانت قاعده تصلي بغرفه ابوها اللي تحت ومريوم قاعده جنب ابوها على السرير تسولف معاه صج انه مايتكلم بس هذي اوامر وضحه لانها ماتبي تحسس ابوها بالوحده
,وانهم ماعاد يبونه وضحه جد تكسر الخاطر هي اللي محتاجه احد يونسها ويسولف معاها نست نفسها عشان ابوها ..
حمد لما جاء راح المطبخ و مالقى وضحه مسويه شي ... وراح لها معصب ويصوت لها وضحه وضحه
طلعت وضحه من غرفه ابوها وهي متغطيه منه قالت نعم .. قال حمد:وين العشا .. وضحه :ماسويت وماني مسويه وكانت ترتعد من الخوف وكانت ضاغطه على الجلال
حمد اللي مسك وضحه من شعرها من تحت الجلال صج ان حمد اصغر من وضحه بسنتين بس شكله كبييييييييير حيييييل تعطوونه بالعشرين.. وضحه : بصوت كله الم آآآي آآآي هدني قطعت شعر ي
وحمد اللي مكشر وجهه كله شر يضغط على شعرها وهو يسحبها للمطبخ

وضحه وهي تصيييح وتبكي يبه يبه ... طبعا ابو وضحه ماقدر يسوي شي وهو يشوف حمد يضرب وضحه وعيونه امتلت دموع وبداأ يتحرك من السرير يبي يوصل لهم بسسس
مو قادر ..مريوم الي قامت تبكي وهي مهي قادره تسوي شي بس كانت واقفه عند الباب وتراعد تبي تشوف حمد وش يسوي بوضحه .. وضحه الي ماكانت حاسه بالدنيا بس كانت مجوده جلالها عشان مايطلع وجهها
مريم وهي كانت واقفه عند باب غرفه ابوها وتاكل اضافرها من الخوف والبكي ..سمعت صوت طيحه .. اول مالفت الا ابوها طاح من سريره .. ابو وضحه المسكين يبي يساعد بنته بس الله يكون بعونه
مريم قاامت تصييح وركضت لابوها يبه يبه .. ماقدرت مريم تسوي شي غير انها راحت لحمد وضحه بالمطبخ وهي تصيح ابوي ابوي طاح ..
حمد اللي كان مثبت وضحه على الطوفه وحاط يده على رقبتها من قدام ..وضحه اول ماسمعت مريم تقول ان ابوها طاح من غير ماتحس بنفسها دزت حمد حيل وراحت تركض لابوها .. حمد ظل في مكانه منصدم وعلطوول انحاش من الباب الخلفي



وضحه راحت لابوها وهي تركض قعدت قدام ابوها وتصيح يبه يبه رد علي يبه لا تخليني يبه محتاجه لك .. ابو وضحه ما كان يرد
وضحه وهي تبكي وبصوت كله يأس قالت مريم روحي صوتي لام خالد بسرعه ..
عشان يودون ابوها للمستشفى وراحت مريوم اللي كانت الدموع ماليه وجهها تناديهم .. خالد اول ماسمع صوت الباب يطق بقوه حس ان في شي ويوم فتح الباب لقى مريوم اللي تلهث والدموع ماليه وجهها وهي تقول الحق علينا ابوي طاح
خالد من غير مايحس بنفسه راح يركض داخل البيت ووراه مريم ويوم وقف عند الباب قال لمريوم دليني مكان الغرفه بسرعه وكان مرتبك حيل ..
يوم دلته مريم مكان الغرفه لقى وضحه قاعده تصيح وضحه اول ماشافت خالد غطت وجهها .. خالد بصوت مفزوع بعدي عن عمي بشيله ..وضحه اللي ماحست الا خالد شال ابوها ويبي يطلع .. وضحه شالت عباتها وراحت تركض وراه هي ومريم







وضحه وهي ماسكه يد ابوها وتبكي نقابها امتلا دموع وتدعي يارب يارب مالنا غير ابوي يارب تطول بعمره يارب
............................................
ابو وضحه توفى وهو بالسياره .. وضحه اللي ارتفع صوت بكاها هي حست ان ابوها فارق الحياه ولكن كان
عندها امل ان ابوها مامات بس اكيد ارتفع عليه الضغط واغمى عليه ..
خالد اللي نزل ابو وضحه للمستشفى ..,

خالد اللي قال لوضحه ومريم يقعدون بالاستراحه .. لان موحلوه صياحهم واصل لاخر المستشفى
طبعا بعد جهد جهيد وضحه وافقت ..
الدكتور قال لخالد ان ابوهم توفى اثر جلطه .. وانه اصلا كان متوفي قبل لايجون للمستشفى ,, خالد اللي من جد حزن
وقطعن قلبه وضحه ومريم
قرر يروح ياخذهن ويقول لهن ..

في الاستراحه وضحه اللي كانت ماسكه يدينها بقوه ونقابها مليان دموع ومريم اللي تكل اضافرها من الخوف
خالد جاء ..و كان ناسف غترته على كتفه وباين عليه الارهاق .. خالد : وضحه عظم الله اجرتس
مريم قامت تصيييح وتبكي .. اما وضحه فسكتت بدون اي كلمه وقالت خالد ودنا للبيت استغرب خالد من ردة فعل وضحه
بس لاحظ ان وضحه قاعده تضغط على يدينها الظاهر تحاول تكتم بكيها


اما فالبيت فكانت الاجواء كلها بكي وصياااح .. عاشوا هذي الفتره بهم و بغم وبكي







































































بعددد مرور عده اشهر


حالت وضحه تكسر الخاطر .. البكي صار ما يخلي وضحه ..
مريوم :وضحه الابله طالبه علي طلبات حق الرسم تقول اذا ماجبتي اضربتس واوديتس للوكيله

طبعا غرطاسيه مريوم خالد هو اللي شاراهن .. لان حمد من طلع من البيت يوم يطيح ابوهن مارجع ..وضحه اووه يامريوم الله يهديتس تشوفين حالتنا
وجايه تبين حق الرسم .. مريوم وهي تبكي اي يعني كل خوياتي احسن مني يجبن اغراض الا انا وكلهن يضحكن علي
يقلن انتي فقيره يرضيتس ياوضحه يرضيتس . . وضحه اللي حظنت مريوم وقامت تبكي مريوم رفعت راسها وتقول وضحه وش فيتس تبكين

وضحه صج ان عقب وفاه امها وابوها كانت تبكي قدام مريوم بس عقب مامرت شهور صارت تحاول تكتم دموعها عن مريوم عشان ماتتأثر
وضحه وهي ماسكه يد مريوم مريوومي ياقلبي انت تعرفيني احبتس ولا ارفض لتس طلب بس اجلي سالفه الاغراض هاليومين لاني مدري من اطلب حمد اللي
ماعاد يجي لبيتنا ولا خالد اللي متفشله منه صج كانت له مواقف جليله معنا بس والله مصخناها مع الرجال.. مريوم وهي تبوس راس وضحه ان شاء الله
يااغلى اخت بالدنيا الله يخليتس لي ومايفرقنا ..



















وضحه شلون لازم ادق على هالثوور حمد واقوله يجي يودينا للسوق .. لا لا هذا ثور وخبل مانسيت سالفته اللي ماتنسوا اي وهذي السالفه تنسي
اصلا ماعاد ينشاف حتى اغراضه اخذهن مدري وين ذلف جعله .. استغفر الله ..
وضحه لا ماني داقه عليه انا قلت عقب سالفته هذي مااراح اكلمه .. اي لانه قليل ادب ,, وضحه اتصلت بأم خالد
وضحه شلونتس خالتي ام خالد ..هلا يابنيتي .. وشلونتس ..وضحه انا زينه
خالتي ممكن تودونا للسوق بشتري اغراض لمريوم .. ام خالد من عيوني بس اكلم خالد واقوله يجي وضحه ان شاء الله ننطركم



دق الباب .. وضحه مريوم يلا امشي جو خالتي وخالد .. لبست وضحه نقابها وعبايتها وطلعت مع مريوم .طبعا ام خالد معاهم لان مايصير بلحالهم مع خالد مهو محرم
لهن .. وضحه السلام عليكم .. خالد اللي حس ان روحه ردت له وعليكم السلام وشلونتس ياوضحه ..وضحه بخير الحمدلله..
مريوم تطالع لخالد وتقول : شدعوه خالد السلام بس حق وضحه .. وضحه اللي قرصت رجل مريم من الفشله
امام خالد فضحك بصوت عالي عليها .. وهو يقول بقلبه .. القلب ومايهوى يامريوم

وهم بالطريق خالد : اي مجمع اوديكم .. مريوم : المهلب .. وضحه : وجع مرريوم ,خالد انت بكيفك اقرب سوق ودنا له .. خالد لا دام في نفوسكم المهلب ماخليه بنفوسكن
وضحه افتشلت منهم وخاصه من ام خالد لانها عجووز وين تروح لهالمجمعات البعيده .. نزلهم خالد بس قبل لا ينزلون قال
شلون اعرف انكم خلصتوا ؟؟؟ طبعا خالد وهو يقول هالشي كان مفكر فيه من زمان وهذي فرصته لانه هو ييببي رقم وضحه باي طريقه اوهو يتعذر بانه يبي يروح لمشوار داخل الكويت .. ام خالد وضحه خوذي رقم خالد عشان لامننا خلصنا
ندق عليه .. وضحه اللي كانت متردده وخايفه انها تاخذ رقمه وتعطيه رقمها ..قالت في نفسها اصلا خالد انسان محترم وماعنده هالسوالف .. اي واصلا انا سمعت من زمان انه حاجز بنت خالته يبي يتزوجهها ا ي و وقطع تفكير وضحه صوت خالد يقوول وضحه عندتس تلفووون
وضحه هاه اي هاك رقمي .. خالد سجل رقم وضحه ودق عليها دقه عشان تحفظ رقمه عندها .................................................. .
عقب الفرفره بالسوق وشرت وضحه لاختها مريوم اغراض وشرت كم دراعه لها ولمريوم ولام خالد لانها متفشله منها


وهم واقفين عند ستار بوكس .. الا في وحده تنادي بصوت عالي وضوووووح وضووووح .. التفت وضحه الا .. هذي رفيجتها , منيره ايام الثانويه
وعلطول انصدمت وضحه يوم شافتها وقامت تحظنها حيييييييل .. وضحه : وينتس يامنوور وش هالقطعه
منور : يابعد قلبي والله اني مشتاقه لش.. بس تعرفين نقلنا عن بيتنا اللي قريب منكم .. من سوء حظي موبايلي انسرق
يوم كنا مخيميييين ورقمش فيه .. وضحه : يابعدي وش حال الدنيا معتس .. منور

طبعا منور رفيجت وضحه ايام الثانوي حيييل كانوا رفيجات مثل الخوات بس الززمن فرقهم ورجعهم ..
منور : الا مالقتي لي وش اخبار ابوش وامش .. وضحه اللي نزلت راسها تحت وبدت دموعها تسيل من عيونها
منور: انصدمت وخاصه لما شافت مريوم بدت تبكي .. ام خالد اسكتت ولا قدرت تقول ولا كلمه
وضحه : ارفعت راسها وقالت بصوت خانقته العبره الله يرحم جميع المسلميين
منور : اللي بدون ماتحس بنفها حظنت وضحه وقامت تبكي
(( منور من النوع اللي يمجدون الصداقه والحب وهي طيبه حيل وتموت بوضحه وكانت تحب وضحه حيل ))
ام خالد اللي تبي تغير الموضوع وش رايكم ندخل هذا اللي مدري وش اسمه ونتعشى .. مريوم اللي قامت تضحك على خالتها وتقول خاله هذا بس يبين مشروبات وكوفي
ام خالد وشهو كاافي .. وضحه ومنور ابتسموا وقالت وضحه يلا
منور اخذت رقم وضحه ووضحه اخذت رقم منور واتفقوا على موعد تبي تزورهم منور .. ومنور راحت لان ابوها جاء
منور : يلا وضوووح تبين شي .. وضحه اللي مبتسمه لا مابي غير شلامتش .. منور وهي تضحك على وضحه تقول ياقلبي ماتنقال كذا تنقال سلامتش
وقاموا يضحكوون ..





ام خالد وحنا ماتبوننا نروح .. وضحه: اي يلا ام خالد :دقي على خالد على ما روح للحمام النساء من شربت هالكافي وانا كل شوي رايحه للحمام
مريم وانا بروح معتس خالتي ... وضحه سكتت وقالت كنت بخلي مريوم تكلم بس الظاهر الله كاتب اني انا اكلمه
دقت وضحه عليه وهي ترتعد .. خالد : هلا وضحه
وضحه : خالد ماعليك امر تجي خلصنا
خالد : من عيوني
وضحه تجمدت رجولها وش يقول هذا الظاهر نسى نفسه
وضحه شكرا وتسكر السماعه علطول
خالد كان يبي يسالها وينهم بالضبط .. سكت خالد قال الظاهر مهي بسهله هالبنت
دق خالد .. قالت وضحه نعم
خالد وش بتس سكرتي بوجههي الظاهر انتس خايفه على رصيدتس وضحه سكتت وقالت لا ماني خايفه على رصيدي بس قلت لك اننا خلصنا وخلاص
خالد زين وين انتوا الحيييينن
وضحه قالت له وين هم
بعد شوي جاااء خاالد ركبوا ... خالد اللي كان يطالع لوضحه من المنظره ارفعت عيونها الا عينه بعينه ارتبكت حيل وخافت
خالد استحى على وجهه ولا عاد يطالع لها
ولما وصلهم وضحه راحت لخالد وهي تقوله خالد جزاك الله خير بس لو تمسح رقمي لان مالك حاجه فيه الحين .. خالد استغرب
وقال لا ياوضحه يمكن اوديكم مره ثانيه .. وهم يتكلمون الا حمد جااااا ولما شاف وضحه واقفه عند خااالد



جاااااا يركض ركض لوضحه وخالد والشر طالع من عيونه .......................







































ننتضررررررر الردوود والتوقعاااات ... لالالالالالالالالالالازم عشان ننزل بقيه الاجزاااااء