[مشاغب بلاحدود]

.
.

°°·.¸.°™ معــاذيــركـ ™°.¸.·°°
.
قصيدة حصلتها في منتدى..
باسم الشاعر / الجعيد ..

أعجبتني .. وحبيت أقدمها لكم ..
لعلها تجد بقلوبكم.. مكاناًً قصيا..
هذه امنيتي.. وانتم عاد بكيفكم ..

أضاءه / تحذيريه :-
النص طويلا ً نوعاً ما.. اربط حزام الأمان..
والرجاء عند الشعور بـ" الإستطاااله أو الملل " ..
إضغط على( X ) في الركن الأيسرفوق..وحصل خير..
×××
××
×

تداعيتي علـى قلـب ٍ يحايـل وصلـك المنشـود = "حبيبي انتظرني مـع دجـى ليـل ٍ كمـل بـدره"
واخذت بكل ما فيني أشـد عقـود / احـل عقـود = واجاري موج من شوق ٍ رمانـي بحـره لْ..بـرّه
اضمك في نظـر عينـي سحابـة تنتشـي للـزود = وعدّيتي وانا ما ذقت / قل ما شفـت لـك قطـره
واخذ نور الفجر يكتـب نهايـة حلمـي المحـدود = ويتساقـط ظـلام ٍ لـي بداخـل عتمتـه نـظـره
نسيتينـي ونمتـي مـع خفـوق ٍ بالهنـا موعـود = توسّدتي علـى كفّـك وانـا كفـي علـى جمـره
تجاهلتي غـرام وعيـن تسهـر والعيـون رقـود = وخفاق ٍ على شانك حبستـه فـي قفـص صـدره
رهنته بين خمس ٍ ما ذخـر مـن دونهـا مجهـود = يراقب شـارة الأصبـع يفـز ّ ويمتثـل لَ..امـره
نـذر لامـن تلاقينـا يقبّـل خطـوتـك بشـهـود = ولا انتي من صدق وعده .. ولا هو من وفا نـذره
وجيتي : "آسفه يا احمد وما كان الخطا مقصـود " = وجيت بْ..قلب ينـدب فعلتـه / متثاقـل ٍ عـذره
تبين اقبـل معاذيـرك ومشّـي غلطتـك بصـدود = وكن ّ اللي حصل ما صار واللي صار يـا كبـره
تبين انساه واتسامـح واجـاري خطوتـك بقعـود = واقول ان الكرم بالصفح يـوم ان جـات معتـذره
تبين احشمك واضحك لك واتغاضى عـن المنقـود = وانا مـا عمـرك بيـوم ٍ حشمتينـي ولـو مـره
انا ما عاد فينـي حيـل اجامـل والحشـا موقـود = انا ما عاد لـي طوقـه أصـارع نـار مستعـره
انا مليت اقول بكـل خطـا كبـوة فـرس وتْعـود = تجين مطأطأه راسك واعـذرك وارفـع بْ..قـدره
انا مليـت مـن حكـي ٍ تجيبينـه بدهـن العـود = حكي يامـا سمعنـا مـن أغانيـه وكثـر شعـره
انا مليت مفقود(ن) / ومفقـود(ن) / ويـا مفقـود = وحبيت بْ..ليـال الصيـف حبيتـك يابـو سمـره
هروج ٍ لا تودي / لاتجيـب .. وماوراهـا فـود = اذا ما زادت الخافق عنى .. ما نقصت بْ..قهـره
وانا ادري ما عمى عينك وولّـد داخلـك نمـرود = وخلاك ِ تجين بْ..وجه اخس من وجه ابن فهـره
سوى انّي ما أرد الصاع لـك صاعيـن بالمعـدود = واصفق لك على كل الخطا .. عشره / على عشره
تماديتي / تمّردتـي / وجازيتـي عطـاي جحـود = تنكّرتـي لقلـب ٍ لجْـل ضحكاتـك حفـر قبـره
تعلّمتي على يـدي .. وقمتـي ساعـدك مشـدود = ويوم اشتـدت ذراعـك .. خذيتينـي علـى غِـره
تعجّلتي على سقوطي .. ولكـن أسمعـي يانجـود = خذيهـا مـن خفـوق ٍ ضـاق بـالآلام والحسـره
الا منّك عرفتيني بصبـر جمـال / حمـل قعـود = تراك القشّه اللي طوّحت بـه واقصمـت ظهـره
واذا غرك وجود اسمك على سطوري بدون قيـود = وربي لَ..اقطع اوراقي وازيل بْ..دمعتـي حبـره
واذا قلبك خبـر فينـي مكـان ٍ للعطـا والجـود = لعبتيبي .. وانا ما عاد انا اللي هـو علـى خبـره
هذاك اول يـوم ان الثقـه كانـت بـدون حـدود = وكنت احسب حسابك قبل اشـك الخيـط بالأبـره
وكنتي ظل الاقي به عن اسراف الضجيـج ركـود = وكنتـي غيـر جيـل اقفابـه المكيـاج والحمـره
ويوم ان الخيوط البيض بـارت بالخيـوط السـود = طلعتي للأسـف منهـم .. قليلـة عقـل والخبـره
تعبت القاك تلتفتي علـى اوجاعـي بكـل بـرود = اجيك ابكي على صدرك ولا تهتـز ّ لـك شعـره
تعبت اطرق على بابك .. وبابك بالهـوى مـردود = واذا ما جيت مقفي عنك .. قلتي : هانت العشره ؟؟
اذا الحب بْ..سماك رياح بابـك دونهـا مسـدود؟ = واذا اول ما بدا لي من وعودك بالهوى غـدره ؟!!
ابسحب نفسي / اتراجع / وهج ّ بْ..قلبي المضهود = واحاول أجمـع جروحـه وجـدد بالأمـل عمـره
دخيلك من طعونك يكفي اللـي بالحشـا موجـود = انا لا محتمل جرحيـن .. نفـس الذنـب والعثـره
بقايا ذكريات الأمس في عينـي سحـب ورعـود = أعاني من أثرهـا اليـوم واخشـى مثلهـا بكـره
تبين برعشة ايدينـي / وخطـوة حيلـي المهـدود = تبدّد كـل فرحـه عاشهـا قلبـي علـى صغـره
صغير ٍ كل مـا رفـرف جناحـه نشّـه البـارود = وعادت تنزف جروح ٍ .. حملها ولاذ فـي وكـره
دخيلك كان لك شيمه .. بحـق الواحـد المعبـود = خذي ما يطري فْ..بالك .. وانا من حقك اعتبـره
خذي حزني / وآهاتي / ودمعه ضاميه لَ..سجـود = خذي ليلي / وأحلامي / مع الأضـواء .. والشهـره
ولكن .. ارحلي لا ما بقى لـك بالخفـوق وجـود = خذي حبك معك .. برتاح انا مـن شـرك وشـره
ولك دربك ولي دربي وكـل ٍ عـن حمـاه يْـذود = ولك جهدك ولي جهدي وكلْ جهـد ٍ ولـه أجـره
انا مالي بوسْط الشـوك / أو قيـظ الرمـال ورود = ولا لي في عيون الكـذب عيـن ٍ تـذرف العبـره
خطايه صدقي وطيبـي وقلـب ٍ بالشقـى مقـرود = خطايه حظ لا قـام ارتجيـت انّـه علـى كسـره
ياقلبي كـان صدقـت الغوانـي توفـي الموعـود = عذابك من فعل يـدك / وجرحـك طيبتـك وتـره

.
.
اللي وصل الى هنا ..
نقوله الحمدلله على السلامه..
وشـــكراً لكم ..
.
.
تحيتي وتقديري..