[أبـ عبدالرحمن ــو]

دخيلك من طعونك يكفي اللـي بالحشـا موجـود=انا لا محتمل جرحين .. نفـس الذنـب والعثـره
بقايا ذكريات الأمس في عينـي سحـب ورعـود=أعاني من أثرهـا اليـوم واخشـى مثلهـا بكـره
تبين برعشة ايديني / وخطـوة حيلـي المهـدود=تبدّد كـل فرحـه عاشهـا قلبـي علـى صغـره
صغير ٍ كل مـا رفـرف جناحـه نشّـه البـارود=وعادت تنزف جروح ٍ .. حملها ولاذ فـي وكـره
دخيلك كان لك شيمه .. بحـق الواحـد المعبـود=خذي ما يطري فْ..بالك .. وانا من حقك اعتبـره
خذي حزني / وآهاتي / ودمعه ضاميه لَ..سجـود=خذي ليلي / وأحلامي / مع الأضواء .. والشهـره
ولكن .. ارحلي لا ما بقى لـك بالخفـوق وجـود=خذي حبك معك .. برتاح انا مـن شـرك وشـره
ولك دربك ولي دربي وكـل ٍ عـن حمـاه يْـذود=ولك جهدك ولي جهدي وكـلْ جهـد ٍ ولـه أجـره
انا مالي بوسْط الشـوك / أو قيـظ الرمـال ورود=ولا لي في عيون الكـذب عيـن ٍ تـذرف العبـره
خطايه صدقي وطيبـي وقلـب ٍ بالشقـى مقـرود=خطايه حظ لا قـام ارتجيـت انّـه علـى كسـره
ياقلبي كـان صدقـت الغوانـي توفـي الموعـود=عذابك من فعل يـدك / وجرحـك طيبتـك وتـره