[ملاك الكون]

لسلام عليكم ورحمة الله
هلا اخواني قصيده الشاعر/ رشيد الدهام
باسم الوصيه اتمنا ان تعجبكم

رح فـمـان الله والـذمّـه مـــن الـذمّــه iiبـريّــه
لا تخاف من المفارق.. رح عليك الله و iiامانه
رح بعيد.. أبعد من الدمعه على العين iiالخليّـه
رح بعيد.. أبعد من الشرهه على مزح الميانه
وابعد مـن الحلـم للـي خـاب ظنّـه فـي خويّـه
وابعد من الياس للي طـاب حظـه فـي iiزمانـه
لـو تـروح أبعـد مـن حـدود السمـا والجاذبيّـه
والله ان تبقى قريب أقرب مـن القلـب لحنانـه
تنتشر فيني شتات جـروح مثـل الـروح iiحيّـه
تختفي في كـل عـرق ولا فقدتـك قـال: iiعانـه
يابعـد عـذر الفـراق اللـي قبـل فرقـا iiالخطيّـه
يابعـد ذنـب الزمـان اللـي قبـل عـذر iiالخيانـه
ليلـة وداعـك علـى كثـر الحـروف الأبجـديّـه
مالقـى مـن ودّعـك حرفيـن ينطقهـا لسانـه ii!!
ليلةٍ كنت انت ماهوب انت.. هي ماهيب هيّـه
ليـلـةٍ يـكـرم بـهـا مــن حبّـهـا قـبـل iiامتحـانـه
قلت لـي: بنسـاك. قلـت: الله يهنيـك و هنيّـه..
واحــدٍ خــلاك مــن ربــاك تنسـانـي عشـانـه
قلت لي: قلبك لاينسى. قلت: ليت القلـب iiفيّـه
دوّره والـيــا لقـيـتـه وصّـــه و ردّه iiمـكـانــه
وص نفسك والاّ انا مانيب في حاجـة وصيّـه
واعتبـر فرقـاك أمانـه.. والله الله بالأمـانـه