اهلين فيك اخوي
طبعا اخوي الهواوي ماقصر
كفى ووفا
وما ادري ايش اضيف زياده على كلامه
الف شكر لك اخوي الهواوي
لكن لي وجهة نظر اسمح لي اني اقولها
الانجليزي هذي لغه
ماهي جهاز او لعبه تطقطق عليه وتتعلمه بيومين
لازم دراسه منظمه وعلى اصول
ولازم تصبر
ماراح تتعلمها بسنه اوسنتين حتى
اولا لازم تكون عندك الرغبه الحقيقيه انك تتعلمها
اذا كانت عندك الرغبه هان عليك كل شي
كلمه ثانيه
افضل الطرق لتعلم اللغه
الممارسه
ثم الممارسه
ثم الممارسه
ماراح تستفيد اذا تعلمت كلمة وما مارستها
كثير يقولون نستحي نتكلم ونص كلامنا خطأ
وانا اقول لهم:
الصح مايجي الى اذا غلطت وتعلمت من غلطتك
اذكر يوم دخلت دورة المحادثه بالانجليزي
كان مستواي اللغوي حلو لكني كنت خايفه من اني اغلط اذا تكلمت
قالت لي الدكتوره : اذا ماتبين تغلطين لا تتكلمين
بدأت اتكلم وشلت عن بالي فكرة الخوف من الخطأ
كنت اخطأ كثير
والدكتوره ماتصحح لي بس تسكت وتبتسم
عطتني المجال اني اغلط مثل ما ابي
ولما اخلص كلامي تقول لي:
الحين جمعي افكارك مره ثانيه وعيدي لي الكلام الي قلتيه بس بدون اخطاء
وفعلا
شوي شوي
تحسن مستواي كثيييييييييييييير
وحسيت اني في شهر طورت لغتي بمقدار الي كنت اتعلمه بسنه
والسبب
اني مارست اللغه
هذي نصيحتي لك
اما
اقتباس:
|
وعندي كسل اني ادخل معهد اتعلم
|
الكسل والتعلم مايجتمعون
اسمح لي اقول لك
اذا ما تتركه
ماراح تتعلم