_ أبد ماجيت ابارك ولكن جيت باوصيك على اللي ناوي تدخل
بها الليله .. معذبتي
ترى لولا الظروف اللي عطتك
وحدت محاكيك قسم بالله ماتدخل عليها لو على رقبتي ولكن النصيب
اقوى ولا ادري ويش اسوي فيك
نعم ..صارت
معزبتك..ولا صارت معزبتي
كذا شاءت بنا الأقدار تحرمني لجل تعطيك كذا لازم عشان تفوز انت ..أخسر بتجربتي pb093
تراها غاليه جدآ وتكفى والله يخليك تدللها ..تدلعها..تنسيها مصاحبتي
انا من كثر مغليها احس اني بديت اغليك ولا تسأل بأيه حق؟
ولا وش مناسبتي ؟
لإنك لوبتسألني بتسمع شي مايرضيك لذا ياخوي لا تسأل ولا تسمع لأجوبتي
ابيك تحطها في داخل عيونك وبين ايديك وهي دلوعه اعتادت على كثر مداعبتي
فداعبها شوي شوي حتى تشتهي طاريك وشاغبها إلين تقول لك:
بطل مشاغبتي
وإذا هي مالها خلقك..ولاتضحك ولا تسليك تحملها وإسألها:
ياعمري ليه عصبتي
وبالك اسمع انك يوم تضربها وهي تشكيك مايحتاج اوري لك بفن الضرب موهبتي
صحيح انك بتملكها ومعك العقد بالتمليك وانا عارف حدود الله ومن حقك معاقبتي
ولكن قلها المجنون وصاني
وهو يعنيك يقول:
انه بينتظرك ولو شيب وشيبتي
وانا مجنونها اللي مانساها وانت مايمديك!!
تغطي ذكرياتي في هواها...
وربع تجربتي ~.~
أحس اني تماديت بكلامي والغضب حاديك
لو انك في مكاني ماتفكر في
محاسبتي ...
كفاك اني تركت الليله اشغالي
عشان اجيك
دخلت القاعه برجلي ولا ادري
ويش عاقبتي
وانا ما جيت أخرب عرسك الليله ولا اذيك أنا جيتك عشان أخاطبك واسمع مخاطبتي
توصى .. وانتبه .. واحرص عليها والله يهنيك
ترى كل الكلام اللي طلع من ضيقي و كبتي
