[دافى الايام]

يا الله يالي امرك بين كاف ونون
ويا الله يا عظيم ويا خلاق الأكوان

ويا الله يا عالم بالي صاير بالكون
باشكي لك حالتي وبأبين الي ما بان

طاحت جدتي بمرض هد لها جفون
هدها مرض خلا جـسـمــهـا تـعبان

جوها اطباء قصدهم يـــعــالـجون
قالوا دواها صعب ووضعها ماهو بأمان

قمت ادعي وقاموا أهلي يــدعـون
ندعي الله بقدرته قوي ومنان

كانت عيوني تذرف الدمع محزون
وكان قلبي لأجلها ممتلي أحزان

كانت تقول وين بـناتي و الـبـنـون
كني وحيدة مقطوعه مالي عيلان

كانت تزعل وتذرف دمع العيون
وكانت تضايق وقلبها شرهان

جدتي لا تحسبيني فـبعدك سالي ومضنون
ولا تحسبيني في بعدك عايش فرحان

جدتي شوفتك بالـتـعـب عـلـي ما تهون
ما أقدر اشوف واقعد بحيرتي حيران

قــالــوا مــاتــت قـلـت هاه وشلون؟؟!
قلت جدتي ما تخليني فـ حزني والأشجان

قلت بإذن الله جدتي علاجها مضمون
لا تفاول على جدتي وتراك بهقوتك غلطان

قــالــوا مـاتـت وخلق الله يموتون
وقالوا اذكر الله وتعوذ من الشيطان

قـلــت تــأكــدوا مــن العلم تكفون
قالوا علمنا الصدق ولا بنا من خان

صرخت صرخة الي في بلوته مجنون
صرخت صرخة سمعت فيها جيران

رحت أتأكد و كـل ظـنـي يــكـذبون
رحت أمشي مثل مشي سكران

رحت و جــونــي خلق الله يعزون
قالوا اذكرها بخيرها والإحسان

كبر إمامنا و قــامـوا عليها يصلون
وقمت اصلي معهم ناسي وحزنان

قــامـــوا الــنــاس لـــهـــا يدعون
وقمت ادعي لها الله برحمته رحمن

ودفنوها بقبر جعله السعة والهون
جــعـل لها واسع ممتلي أجنان

وقـــامــوا عــلــيـها بترابها يكبون
دفنوها وانا بدمعتي غرقان

جعل قبرها عليه أمطار ومزون
وجعله نابت عليها من الورد بستان

وياليتني جنب قبرها ياناس مدفون
أقولها وأنا عارف ماني بخسران

بادعي واطلب من الناس يدعون
الله يجعل لها من الذنب غفران

ادعي لها الله بقلب وبدمع العيون
يا الله سكنها الجنه واحرمها من نيران




وسلامتكم..

الله يغفر لها ويرحمها.