...أحوال بنات الكليات...
ليت الثانويه كانت نهاية الدراسات
ولاعرفنا شي اسمه كليه
ليتنا انتهينا عند حل الواجبات
ولا تطورنا للمحاضرات والهياتيه
كناعويقلات هاديات ومنتظمات
مانعرف إلا هاتي الواجب وحلي المسأله ذيه
ياحليلنا كنا حيل شاطرات
نسيان الدفتر نعتبره فعله إجراميه
مدرساتنا كانن مثل الخوات
نصايحهن لنا دايم اخويه
راحت الثانويه وجتنا الكليات
راحت الأخت وجت الاستاذه المصريه
وراح الأمان وجنا المراقبات
وراح المريول وجت التنوره الكحليه
ويحسدونا يقولون بنات كليات
مايدرون احوالنا والله شقيه
وقتنا كله محسوب بحسابات
مانعرف احوالنا زينه والا رديه
قبل مانروح نرثع في هالميكاياجات
ونطلس وجيهنا بشي ماهو بشويه
كل همنا نكون متعطرات ومتزينات
وعارفات كل الأشياء الخفيه
ونشوف بهاالكليه اصناف البنات
هذي العوباء وهذي الهديه
وهذيك عالقه مع المراقبات
وخوذي على مخالفه ولبستك ماهي رسميه
وهذولي مكونات شله ومجتمعات
وهذولي سالفتهن موضه وماركات عالميه
وفيه بعض البنات مسترجلات
وبعض البنات همهن المذاكره بجديه
.......
وحنا على كل هالأمور متطلعات
وإلا المحاضرات مالها أي اهميه
مانعرفها إلا اذا كثرت الغيابات
ومادامها شويه طنشي يابنيه
ومايخوفنا إلا طاري الحرمانات
واللي يطلبنه من أعذار طبيه
وحالتنا حاله إذا اطرو الإختبارات
وشفنا الملازم واوراقها ماهي شويه
والله طفشنا من اوضاع الكليات
وغثتنا كثر الإختبارات العمليه
وطفشنا من شي اسمه مصريات
يبنا مثلهن بعقول
تجاريه
وماصبرنا عليهن غير المكافآت
وإلا وش لنا بالفول وبالطعميه.
...طالبات الكليه...
أنا بعد ماقريت الموضوع قلت خلاااص بجلس الثانوي..
ملطوووش << بمعنى آآخر منقول