[الفراولة333]

هااي حبيت اسوي اكشن في القسم ونخرج شوي عن المعتاد (جاوب على الاسئلة التالية واعرف نفسك هل تحب السيارت ؟
>>>>>>>تحليل شخصية يعني <<<<<<<<<< نبدأ بسم الله
1- اختار شعار السيارة اللي يعجبك (تحسه ابداع مميز حلو):
أ -
ب-


ج-

2- لو لقيت زحمة على الاشارة والخط واقف اش تسوي :
أ- تسبسب وتتأفأف وتزعج اللي قدامك بصوت البوري تبعك
ب- تشغل اسطوانه اليسا وتروّق
ج- ما تسوي شئ زيك زي العالم اللي واقفة

3-بنشرت سيارتك بنص الطريق اش تسوي:
أ- ترمي شماغك وتنزل تدف سيارتك
ب- تطلب مساعدة من أي شخص تشوفه
ج- تتنّح شوي بس تقول عادي كله ينحل

4- رايح تشتري سيارة اش حيكون لونها:
أ- اسود والالوان الغامقة
ب- احمر والاالوان النارية
ج-ابيض والالوان الفاتحة

5-اش حجم السيارة اللي تحبه:
أ- تكون كبيرة تكفي كل الشباب هع
ب- كلاسيكية صغيرة
ج- عادي ما تفرق عندك

6-رايح مشوار مهم ولقيت السكة فاضية :
أ-تدعس 200واسمع ذاك التفحيط
ب- خير الامور الوسط 100
ج- ليش السرعه؟ خلّيني على 40 (العمر مش بعزقه)

7-كم مرة تغسل سيارتك:
أ- كل يوم
ب- مرة في الاسبوع
ج- وقت ما تطن في راسك(مافي وقت محدد يعني )

8-سيارتك من الداخل تحتوي على :
أ- شعار فريقك ملفوف على الدريكسون وعلب الدخان في كل مكان بالاضافه الى الثياب المعلقه
ب- عبارات والوان حلوة ولازم معطر السيارة يكون موجود
ج- سيارتك حوسة وكراتين المنديل بالهبل ( من كتر ما تعبي بنزين هع ) اضافه الى الاوراق اللي مالها داعي


يلا احسبوا اجاباتكم
اذا كان اغلب اجاباتك أ/ انت واحد عملي ما عندك لف ولا دوران سهل الواحد ينرفزك (يعني كبريت عصبي هع) تحب السيارت القوية اللي تتحملك وتعيش معاك

اذا كان اغلب اجاباتك ب/ انت واحد فايق ورايق عايش حياتك ومزاجك عال العال (شكلوا الكل حيموت وانت حتعمر لوحدك) تحب السيارات اللي الوانه كيوت ماشي في الدنيا على حسب ما يقلك احساسك

اذا كان اغلب اجاباتك ج/ انت واحد ساحب خط على العالم والامور عندك زي ما تجي تجي تفكيرك غريب شويه تحب اللون الابيض شخصيتك مزاجية غير منظمة

ملاحظة/ اذا كان هناك تساوي بالخيارات غير اجابه اوكي
امانه عليكم لا تنسوا الردود وياليت تحطوا النتائج اللي طلعتلكم ( ومن دون زعل يا هووو)
تفحيطاتي فكرة وانتاج واخراج/ الفراولة333 2009