يالي تغازل بنـات النـاس
لا بــارك الله بعـيـونـك
ان كان قلبك به الوسـواس
خـل الدكاتـر يشوفـونـك
وان مالقو لـك دوا بقيـاس
مع اخـر الـراس يكوونـك
ماتستحي كيف مابك بـاس
والمرجلـه قاصـره دونـك
ولا تعرف العز والنومـاس
ماغيـر تهـتـز بمتـونـك
وعز الله انك قليل احسـاس
ولا ينعرف ويش مضمونـك
يامال تقطع بـك الارمـاس
معروف شكلك علـى لونـك
من صب كاس يذوق الكاس
وتـرى العـرب مايخلونـك
تدق بيدك علـى الاجـراس
ويجيـك منهـم يدقـونـك
ماتخاف يوم يشيب الـراس
للنـار جولـك يقـودونـك
يوم الخلايق بهـا تحتـاس
وايـدك ورجلـك يشاكونـك
انصح بنصحي عريب الساس
حـدد مسـارك وقانـونـك
تـراك بالوكـر ياقـرنـاس
وقـت الشدايـد يهابـونـك
ابعد عن النجس والانجـاس
واحـذر بهـرج يغـرونـك
على الشهامه رفيع الـراس
وابعد عن العفـن ماعونـك
وخلك بعمق البحر غطـاس
واهـل الـردا لا يوالونـك
افهم قصيد على القرطـاس
وتـراي بالشكـر ممنون
أعجبتني فنقلتها لكم