[أمل الحياة]

أول شي السلام عليكم جميعاً ..

ثاني شي .. باقي يومين على المدرسة ..

المهم خلونا في موضوعنا ::


موضوعي هو دخلتي على ولد بالغلط سواء كان ولد عمتك ولد خالتك خالك عمك صديق أخوك .. المهم تكتبين وش صار لك ..

ولو دخلت على بنت سواء كانت بنت عمك بنت خالتك خالك عمتك أخت صديقك ..... المهم تكتب وش صار لك ..


أنا ببدأ:

مره كان في بيتنا عزيمة علشان عمي وعايلته جو للرياض ..

المهم إن عمي عنده بنت كبيره .. وطلبوها اعمامي علشان يسلمون عليها ..

عاد إحنا كلنا أنا وبنات أعمامي نستحي ندخل عندهم تقولون ما كأنهم أعمامنا ..

المهم إنها عيت تدخل إلا ووحده منا معها ... الأخت الكريمة إلي هي أنا تطوعت ووافقت أدخل معها ..

ولما جينا ندخل جهة الرجال .. قامت الأخت تسحب علي أدخلي إنتي أول ........ ومن هالكلام ..

المهم إن ولد عمتي الكبيــــر يعني هه توه متخرج من الجامعة كان موجود وقالوا له يطلع برا ..

الأخ طلع بس إنه نسي شي .. قام دق الباب عالخفيف يعني ما دق الجرس ..

قام أخوي الصغير فتح له الباب ..

وأنا كنت تقريباً قدام الباب .. يعني عيني بعينه .. المشكلة إن الأخ ما فكر ينزل عينه .. تنننننننننح ..

وأنا أنا وخشتي كنت كااااااشخة .. ذاك البرموده وأهم شي الصندل الي ينربط بالساق .. يعني بالمختصر كاشخة ومتزينه ..


قمت هربت .. تتوقعون لوين ؟؟

؟؟

؟؟


للحمام الي جنب الباب .. ومن الخوف قعدت فاااااااااااطسة من الضحك ..


يوم استوعب وسكر الباب


دخلت للمجلس أنا والزفته بنت عمي وأنا أرجـــــــــــــــــــــــــــــــف ..

رجلي قعدت نص ساعة وهي ترجف من الخوف ... هاذي أول مره أشوفه فيسن لفيس ..




عاد الحين دوركم ...