[ريفان]

باحد المنتديات اجتمع عدة مدرسات

وبدأو بالثرثره البريئه عن التدريس والطالبات

لكن بالاخير طلعت الفضائح التى لم اكن اتوقعها
اتركم مع ثرثرتهم وفضايحهم

واترك لكم التعليق

*******************************

انا توظفت

صرت ابله قد الدنيا ادرس ثانوي وامسك احتياط عند الابتدائي

المهم

قبل فتره كانت علي المناوبة في انصراف الطالبات

وواقفه عند باب المدرسه واسمع الفراش وهو ينادي على الطالبات

مادريت الا الفراش ينادي ويقول
(( محمد العيسى ))

محمد العيسى ممثل سعودى

وانا طارت عيوني ادور البنت اللي بتطلع لسيارتها

قلت خلني اشوف اخت محمد العيسى

خخخخخخخخخخخخخخ

وتجيكم وحده من طالباتي

ابوها اسمه غرم الله مدري جار الله مدري عطا الله

قلت لها : وين طالعه يافلانه ؟

قالت سيارتي جات

قلت :قال غرم الله

قالت: غرم الله ايش ياابلتييي

سواقنا اذا يبغاني اطلع بسرعه يقول محمد العيسى واجيه ركض

بجد بجد

وانا اقعد شوي مادريت الا الفراش ينادي على كاظم الساهر

ماحلفتوني بغيت اطلع مع الباب يوم سمعت اسمه

اش رايكم في خبال هالبنات ؟

*************

مره ايام المراجعه جتني وحده من الطالبات

وقالت لي ابله امس حلمت حلم حلو

قلت :خير اللهم اجعله خير

قالت: حلمت انك اعطيتينا اسئلة الامتحان

قلت : بسيطه احلمي الليله انك نجحتي

************

وحده من زميلاتي جداويه وودها تتكلم نجدي

فدخلت عند طالباتها وقالوا لها : ابله نبغى اسئلة مراجعه

جت بتقولهم وشوله اعطيكم اسئلة مراجعه ؟؟

غلطت وقالت وشلووووله اعطيكم اسئلة مراجعه

ههههههههههههههههههههههههههههههههههه

ياحبي لها

رهييييبه

هالحين كل ماشفتها قلت لها : وشلوووله التميلح


*****************

وحده من زميلاتي عصبت من وحده من الطالبات

وقالت لها : ياحشره

اليوم الثاني ام الطالبه جايه وتسأل عن الابله

وقالوا: شفيها هناك

يوم اقبلت الابله وتطلع الأم فليت وترش الابله

ههههههههههههههههههههههههههههههههههه

قالت: عشان تعرفين منهو الحشره

طيب تتوقعون لو انا قلت لبنتها ياجزمه وش بتسوي هالأم ساعتها

يمكن تلبسني شراب


الحمد الله والشكر

ويقولون ماعاد للمعلمين هيبه

اقسم لكم بالله مافيه امل

بس بيني وبينكم فيه احترام لكن خوف ماعاد فيه

الطالبات يسئلونى عن مراهقتى

قلت لهم ايام مراهقتي كنت اعلق صور سعد خضر وبشير غنيم

هذين ممثلين سعوديين من اصحاب البشره السمراء


قالوا طيب ياابله تضيفين شباب عالماسنجر

قلت لهم : بس عاااد بلا قلت ادب

اللي تقول الشباب بتطلع مع الباب

بيني وبينكم خفت انهبل واقول كل شى عاد تخبروني مااكتم السر

***************************


مره وانا ماره في ممرات المدرسه و فيه بنتين واقفين برا فصلهم

ووحده منهم تقول للثانيه :اللللله الابله مرررررره حلوه

شكلي ابخطبها لخوي

قمت وقفت بجمبها وقلت لها : اخوك يشبهك ؟

قالت : ايه

قلت : اجل ما ابغاه

هي تفشلت

وصديقاتها ماتوا من الضحك عليها

**************************


مره وقفت احتياط عند فصل من فصول الابتدائي

عاد سألتهم لغز يقول

(( ماهو .. اصفر اللون .. سارق عقول الكون ... وحارم الناس لذة النوم ))

قالتلي وحده منهم .. الحب

قمت ناظرتها بشده

وهي يتلون وجها من الفشيله

طبعاً الحل كان الذهب