بسم الله الرحمن الرحيم

مساكم / صبحكم الله بالخير جميع

بما أن الإختبارات على الابواب ودي أنصحكم نصيحة أخو محب لكم

الغش في الاختبارات شي سهل وبسيط ولكن عواقبه وخيمه ( وخيمه = شي يوجع ! )

أنتم اللحين باقي على اختباراتكم قريب الثلاث اسابيع

من بغى التوفيق عليه بالمذاكرة واللي ما يعرف يذاكر ياخذ مدرس خصوصي

أما من نوى من ذاللحين يغش فيقرأ اللي تحت !

سنة من السنوات كان فيه عيال عم واحد إسمه راشد والثاني اسمه عبدالكريم

راشد وعبدالكريم كانوا في نفس المستوى من الذكاء كان ذكائهم متوسط

ولكن راشد كان فيه مكر شوي وكان يحب يغش في الاختبارات ويتفنن بالشي هذا

وعبدالكريم كان إنسان أمين مع نفسه وراعي مبدأ ولا كان يغش

جات الامتحانات وبدأ عبدالكريم يذاكر وراشد بدأ يجمع في ذالبراشيم

المهم بدأت الاختبارات وأنتهت ..
راشد تخرج بنسبة 88 % علمي ،،
أما عبدالكريم تخرج بنسبة 76 % عملي

راشد له اللحين4 سنوات عاطل لا توفق في جامعة ولا توفق في وظيفة !!

أما عبدالكريم السنة الجاية راح يتخرج مهندس بترول

راتبه لا يقل في شركات البترول والتنقيب عن 9 آلآلف ريال بدون بدلات !!

وش رايك !!

قرر من اللحين من تبي تكون ؟

راشد والا عبدالكريم !