مساكم سعاده وراحة بال

وعود وزعفران


استسمحكم في متواضعتي وكلي آمل ان تنال رضاكم واستحسانكم

\

استوحش الليل وزادت رجفت ضلوعي=والبرد لاشك تالي الليل زوّدها
ياللي تقول:اسكتي!تهدّي بروعي=ياليت هذي النصايح ماتعوّدها
امس(ن)قطعت البحر بفكري وطوعي=وقلادت البوح بيديني واجوّدها
واليوم لي ونّةً من ثالث اسبوعي=مغير اكرّر على روحي توجّدها
نارك تجمّر على مشارف دموعي=وان كان لك حيلةً,,تعال واخمدها
حتى وانا جالسه مع اقرب ربوعي=فاتورت الجرح في فكري واسددها
ياطير وان كان لي بك صوت مسموعي=حمامة الحب لك غنت قصايدها
ان كان ريشك من الشدات مجموعي=جنحان شوقك على جنحاني افردها
لا اللون لوني ولا هذي من طبوعي=ولا الحسْ حسْي ولا لقدار تسعدها
ياويل قلبي على ضيقاتي ولوعي=ويابري حالي لمن طاحت قواعدها
ان كان خدّك من المزنات مرجوعي=فركابنا يمّكم شدت سواعدها
وان كان جنبك على الراحات مضجوعي=فجنوبنا ياولد عافت مراقدها
وان كان قصدك تغيّر شكلي ونوعي=وجيهنا بيض ..مامثلك يسوّودها

\


بقلمي