قصيدة أيا لــبـــــيــــــه ..!!

صباح الخير ياخير الصباح المشرق الممطـور=على انفاس الربيع اللـي يبختـه دامـه يشمـك
صباح الروز والورد المعطر في شـذاه زهـور=ليا منه نبض قلبـك وثـار العـرق مـن دمـك
فقدتك لي ثلاث ايام مدري هـي ثـلاث دهـور=وكاد اني حضنتك طيف حشمته يوم انا اضمـك
وكاد اني سمعتك صوت يحكي نبـرة المقهـور=حكيتي عن ابن عمك وانـا مانـي ابـن عمـك
انا واحد من اقصا الارض جاك وخاطره مكسور=لفـاك يلملـم اشـلاءه لقـا اشــلاءه تلـمـك
انا واحد حكا شعره بلحظة طيـش دون شعـور=حسبت اني بزيل الهم واثري زدت فـي همـك
ولاني قايـل اسـف بحجـة هالخطـا مغفـور=ولانـي واعـدك انـي معدنـي مقربـن يمـك
انا بقـرب ولامنـك تباعدتـي يـا ام الحـور=ومسحتي صورة الواقع فخبينـي وسـط كمـك
وانا برسمك في ذاتي اميـره ساكنـه بقصـور=ولانـي خادمـك الا انـا سيـدك ومـن همـك
ابغرق في نحر يمـك يحوريـة سبـع لبحـور=يالبا النحر لامنـه غـرق قلبـي وسـط يمـك
ايالبيـه ويالبـا عسلـك وشـهـدك المنـثـور=من ادنا قاع اقدامك ليـا اعلـى ماحـوا فمـك
ايالبيه مـن واضـح غـلاك لخافـي المستـور=من اطرف خيط فستانك ليا آخر نقش في كمـك
ايالبيه من ضحكة حسنـك المتـرف المسـرور=تزمين الحسن والا هذاك الحسـن هـو زمـك
تقولي كيف مدري كيف قولي كـم انـا معـذور=يلبـا كمـك وكيفـك ولبـا كيـفـك وكـمـك
واخاف اني بزيد الشعر واطيح بحرمة المحضور=لذا جاك القصيـد احسـاس منـي ولفـا لمـك
ولا منه وصل قولي صبـاح الخيريـا مغـرور=تسلي به مدامـه نبـض مـن دمـه ليـا دمـك