[poem=font="Simplified Arabic,4,white,normal,normal" bkcolor="white" bkimage="backgrounds/21.gif" border="ridge,4,gray" type=1 line=0 align=center use=ex num="0,black"]
بوقت من البطا وبليل تتراقص شياطينه بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينـــه وأنا من اللي تفرقنا وأنا ماغمضت لي عيـن
غريبه كل حلمٍ يمر برقادي تزوريـــــــنه والأغرب كيف أحلم الحلم وارجع أحلمه بعدين
قبل يومين شفتك بالمنام وقمت من حينه ونمت أمس ورجع نفس المنام اللي قبل يومين
أنا اللي قبل أسافر شلت قلبي من شرايينه تركته في يديك مثل الأمانه وحفظيها زين
ترى(حفظ الأمانه دين) مجبوره ترديــنه أجل مافيه أحد قد قال لك حفظ الأمانه دين
مرد المقفي بيلفي ويستوفي وتوفينه بعد ليله ثلاثه أربعه شهر شهريــــــــــن
إذا أنتي مانتي قد الكلام اللي تقولينه حرام أستامنك حاجه وإذا جيت أطلبك تنسين
تخونين وتبين أرضى وأحد يرضى تخونينه أنا لاجيت أخونك مع حبيبه ثانيه ترضين
من أول مارجعت من السفر ماشفت لك بينه وأنا اللي كنت أحسبك قبل أدوس أرض المطار تجين
تكونين أنتي أول شخص عيني تحتضن عينه وكنت أتخيلك من زود فرحه رجعتي تبكين
وأشوف بدمعتك حكيه وأعرفه قبل تحكينه واجيب أحلى من اللي بتحكينه وأتركك تحكين
تقولين الوطن نور وأقول بنورك مضوينه تقولي لي غديت أحلى وأقول عيونك الحلوين
كلام نام بشفاهك وخفتي لاتصحينه ذخرتيه لغرام اللي ينام ويتركك تصحين
تغانمتي غيابي لين رجحتي موازينه تعلم من يدك لمس الكفوف وعلمك تجفين
وليتك لاقيه بـــه شي فيني ماتلاقينه ماهوب غرور لاكن خابرك مالك امل تلقين
تغافلك بغلا وإلا الحلا ماهوب من زينه تزينه الصور بس الصحيح ابن الحلال زوين
وأنا ماني بناقص عنه يومك تبدينه نصيبي هو نصيبي ولو يسددها من الصوبين
قنوع بمظهري السم مايذبح ثعابينه على قول المثل ماني حلو لكني ماني شين
إذا أهداك الزهره فانا أهيتك بساتينه وإذا ألهاك بفرح ليله فانا تهت لبكاك سنين
وإذا استضعفتك أملاكه وشتتك ملايينه أنا حتى فتات الخبز أقسمه معك نصين
طموحي بس اجي واظفر بشي تستحقينه تدينته تسلفته سرقته مو مهم منين
كأني من كثر مارضى بكل اللي تمنينه لو إنك تطلبين الله يعنيني بقول آمين
:0 1:

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي