الصرقعه في عصر المرقعه

قبل كم يوم وانا جالس بالشقه ومنسدح قدام التلفزيون شفت مسلسل مصري ديني يتكلم عن بداية الاسلام ~~~~ صح ان الي ممثلين فيه تلقى نصهم ممثلين بافلام ثانيه وهم يسكرون , بس جزاهم الله خير لان الاعمال بالنيات ~~ لا تعليق

المهم كانوا مطلعين ابو جهل و مسيلمه وكم واحد من هالطقه الي ماتوا وهم مشركين يتفقون على انهم يذبحون الرسول صلى الله عليه وسلم , المهم انا سرحت وتخيلت نفسي معهم .... لقيت الشغله فله قلت خلاص انا لازم اسوي اله زمنيه ترجعني للماضي.
ماخذت لي نص ساعه الا وانا مخلص من رسم الاله و التخطيط كامل وجايب المستلزمات بعد وقلت خلني اجربها الحين.
نصيت المطبخ وانا الي اصلح لك ذيك الكبسه الي يحبها قلبك لا و الرز احمر , وشلون قلبته احمر لا تسالؤني
بس اتوقع من الصلصه حقت ابو صقر ~~~~~ ( هذا اسم الصلصه للي مالحقوا عليها )
واسمي بالله واظرب بالخمس وبعدها كاس لبن واستلم كتاب يتكلم عن الجاهليه في بدايات الاسلام ~~~~ هذي تراها المعدات و الاله الزمنيه . وانا الي ما ادري بنفسي الا وانا سافط على خشتي على حدود مكه.

رحت غيرت ملابسي عشان مايحسبوني من هالروم ويقصون رقبتي. طقيت لي عمامه ماركة جحدر ( مع التحيه لمحمد ولد عمي ) وثوب من ثيابهم ماركة يثرب. واشتري لي ذاك الحصن الي عليه العلم تقول كنه روز بايامنا وانصى حدود مكه, وما ادري الا وفيه تفتيش و حرس حدود.
جاني جندي وقال: لماذا انت مسرع يا هذا... الا تعلم ان السرعه المسموح بها 20 حصان فقط لاغير.
انا: ومن قال لك ياهذا ( احس اني سبيته بها الكلمه ) انني تعديت حدود سرعتكم انت وخشتك الي ماحلها الله تقول خشة بزر مروع .
الجندي: لقد وصلتني برقيه بالحمام الزاجل لتبلغني عن تماديك وتهورك القاتل.
انا: اقول ماعندكم شركة التعاونيه بعد عشان تعطيني الاعلان حقهم الي يقولون فيه اشترك معنا عشان نساعدك ان تورطت وان مابغيت حنا بنجرك مع علباك عشان تدفع لنا الفلوس الي نبيها رضيت او الرضيت.
الجندي: ماهذا الذي قلت اهو فارسي؟
انا: الله يخلف على ام جابتك..... ( إن يور اون لانقوج).... ثكلتك امك ياهذا~~~ فقعتها ضحك بعد هالكلمه.
الجندي بدى وجهه يتقلب اصفر على احمر على ازرق وابيض تقول قوس قزح, انا قمطتها بصراحه منيب ناقص يطير رقبتي.
انا: اقول امسحها بوجهي هالمره يالشيخ وماصار الا الخير ~~~ الخوف مليح
الجندي: سامحتك, لكن لن اعفوا عنك بشان القسيمه.
انا: كما شئت ~~~ مسوي قوي
الجندي وهو مطلع الورقه و القلم ومسندها على سرج خيله: من اي العرب انت؟
انا: انا من بني لام.
الجندي وخشته مسفهله: اانت من بني لام.... لما لم تخبرني عفت الاله عنك ياهذا.
انا و انا مسفله: وش دراني عنك ... انت الي طاب فيني من اول ماشفتني.
الجندي : لاعليك ... عفا الله عما سلف.
انا: عمت عينك يالهيس الاربد ~~~~ ياشين الي يصدق نفسه ويحس انه قوي
الجندي: اقول لا يكثر ياهذا لا اتوطاء بحوظ بطنك ~~~ هو قالها زي كذا بس بالعربيه الفصحى وماله داعي الاحراج
قلت له طيب يالله نشوفك على خير .... قال لي وانت من اهله وإذا وصلت للحدود قل لهم شاهين ( قلت له منتاب عاقل يالجوارح~~~ بس هو مافهمها ) زميلي. ~~~ حتى اول عندهم واسطات ... قلت له جزيت خيراً يا اخ العرب.

اول ماعديت الحدود نصيت سوق عكاظ بعد ماتطيبت بدهن العود وطقيت الرسم ~~~ اثبات الجنسيه السعوديه فقط لاغير .
واخش هالسوق والا وش اشوف بني كاشفات وامات ( امات جمع امه) و تماسيح طاقين الرسم يبون يغازلون بعد وطايحين بها المزادات على الامات الشقر الحمر ......... انا تنحت لاني احسبهم عاقلين من اول مهوب داجين مثلنا بس يعجبونك مغازلهم راقي يعني هاي كلاس مهوب زينا الواحد مايصدق يشوف بنت الا وهو قالب بدي قارد عندها ويبت اليمين انه مايخليها الا لين يوصلها باب بيتها ~~~ هذا من زود الشهامه و الفزعه
عاد الباقين مايصدقون يشوفونه بات اليمين الا وتاخذهم النخوه ويقولون حنا معه .

ماعلينا قلت السوق زحمه خلني اجي بعدين ~~~ يسمع بالتصريف.
واروح يم زاويه واقفين فيها كم واحد جالسين يقصدون .... رحت عندهم واسمع قصيده قد سمعتها بموال لا ابو نوره او هو ابو عبدالله ( الله يرحمه) المهم بغيت افشله واقول له ماتستحي على خشتك سارقها وجاي تتفاخر فيها قدام العرب لا وليتها مهيب معروفه او جديده يعني يمديك تقص رقبت الشاعر او تغرقه بالفلوس ويسكت وتصير القصيده لك ( حبيت اسلم على الشاعر الكبير اسير الشوق ~~~ بتقولون وش دخل ذا بذا باقول لكم موضوعي وانا حر فيه بعدين تراها توارد خواطر مدري تعارظ خواطر بس ) بس قلت شينه بحقه بالذات ان الي حوله واجد و لو تفلسفت ماتحمد العواقب ( كنت دايم اتفلسف ايام الثنويه و بالتحديد ثاني ثنوي يعني قبل سبع سنين وكل مره اتفلسف و المدرس يشرح عشان اغير الجو شوي يرسلني لفرساتشي ~~~ هذي عيارة وكيلنا )

فجئه سمعت واحد شكله مازح معه صعيدي لين دخل عموده الفقري بضلوعه يقول:
ياعرب ... يا احبة الاات و العزه .... هلموا هلموا ~~~~ حسبته يحتسي عن جهاز كمبيوتر جديد او عن محل توه فاتح وان سوفلت ثقافتي فانه بيصير الهه اخر موديل ولا إستيراد .
بس اكتشفت ان هلموا يعني تعالوا لاني شفتهم يتجمعون تقول ذر ( ذر = نمل) شايف له قطعة سكر
يوم تفحصت هالي يصارخ لينه ابو جهل وقام يخطب بهم ساعه و ساعه يشوف البني الي جايين ويتميلح هو وخشته.
من خطبة ابو جهل:
لقد صباء عن ديننا ودين ابائنا واجدادنا محمد ابن عبدالله ( صلى الله عليه وسلم) واني ارى ان نعزره كي يرتد لرشده ( شاف وحده مزيونه وقام يعضعض براطمه ويرفع حواجبه ويغمظ عيونه تحس انه كبس منتهيه بطارياته) وقال بعدها: وإن عجزت العرب عنه فاني والات والعزى لا اعجز عنه فاني سوف اذهب له من داري الواقع بجوار الكعبه وساركب حصاني البنتلي الاخر موديل كي اتفاهم معه وان لم يرضى بالحديث رضي بما هوا اكبر ( مادرو عنك ال يو ان ولا كان استفزعوبك ). ~~~ خلص المقطع و الخطبه بعد.
رحت له وقلت : ابو جهل هههههههههههه بالله ذا اسم ولا كلمه مطلوب اعرابها ههههههههههه لاننا لو اعربناها فابوا ضمير مهوب مستتر يعود لك انت و جهل هذا اسم ولدك ههههههههه وهذا الجهل من ذاك الحمار ههههههه
الا بسالك ولدك إذا بغيت تقول له ياغبي و بكلامكم بتصير ياجاهل تتوقع انه يحس بالاهانه ولا لا هههههههههه.
ابو جهل: اقول لا تتميلح لا اقص عراكيبك تراني افهم ~~~~ انا بصراحه احترمته لانه اعترف انه حمار بس يفهم هههههههههههههه.
انا: يرجال العذر و السموحه الي يعرفك مايقدرك
ابو جهل و الابتسامه شاقه خدوده الي تقول ارض ماجاها مطر من يوم طلعت للدنيا :
لقد كسبت مودتي ياهذا والا كنت انوي ان اقطعك ارباباً
انا: لا ياشيخ ..... ووين راحت حماية حقوق الانسان و بالنسبه لك حماية حقوق الحيوان ههههههههههه.
ابو جهل: هههههههههههههههههههه عيبكم مازلتم تاملون من هذه الحقوق ههههه الا ترى ارض المقدس وماذا يحدث بها هههههههههههه.
انا : افاااااااا انفضحنا ...... ها ها ها ها ها ها ( هذي ضحكه متغصبها) كنت اداعبك.
ابو جهل : لا باس لكن هل تتنحا قليلاً فاني ارى غازالنا يبحث عن صائده.
انا بعدت شوي واشوفها لينها وحده طخمى تمشي واشوف ابو جهل جالس يهز بالحمام الزاجل الي بيده لين بغى يموت الحمام من كثر ماهو زانطه .... ههههههههههههههه احس الحمام هندي من كثر مايهز راسه .
لين البنت تبسمت له وطلعت حمامه وارسلتها له ~~~~ حركات من اول مهوب عاقلين
انا زهقت بصراحه وقلت لا ابو جهل: هيه يا ابو جهل ~~~~ مايقصد شي ابد
ابو جهل: ماذا تريد ياهذا؟..... ماهي كونيتك؟
انا بغيت اتميلح واقول له ابو نواف ولا ابو فيصل ولا ابو تركي بس قلت ماله داعي يفهمني غلط ويحسبني خكري .
انا: يكنونني ابو لليلى ( شفتوا ان مسلسل الزير سالم ينفع ) واريد ان نذهب لمكان نجد به المتعه.
ابو جهل: فل نذهب للحانه إذاً.... فلقد تم افتتاح حانة فيفث افينيوا وهي مكان للمديح من جودة النبيذ ( وينك ياحنبل تصب لنا ~~~ حنبل هذا ولد عمي نفسه جحدر ) و الفتيات التي يذهبن له.
انا: وماعندكم غيره لاني ما اشرب نبيذ الي هو الخمر
ابو جهل:فل نذهب للقهوة سوسو ( سوسو هذا هو مسيلمه الكذاب ماغيره) فلقد وردني انه احضر اجهزة حاسوب ذات تقنيه جديده ( هندل يعني ) وسريعه جداً ( تكفى يامدينة الملك عبدالعزيز ~~ كلن يمد رجليه على قد واسطته او جهازه ) كما انه اتى بمعسل شامي .
انا : قدااااااااااام ~~~~ شفته تنح قلت له ~~~~ هلم بنا .
المهم نصينا القهوه واشوف عتاهلة قريش متجمعين الي جالس يفتح صفحات وينكتب له ( ثكلتك امك والله ان العرب تخجل من زيارة هذه المواقع) والي مايديرها بالجهاز ويطلع له انذار ( والله لا اجعلنك اضحوكة العرب إن ازعجتني باؤامرك الخاطئه مره اخرى) و الي فاتح منتديات و الي فاتح مواقع سب في محمد ابن عبدالله ( صلى الله عليه وسلم) و الي فاتح موقع بحث الجاهليه دات كوم و الي يشيك على سوق الامات ( الدو جونز حقهم)
المهم انا تلزقت بابو جهل وجلست جنبه واشوفه يفتح ماسنجره ابوجهل ات قريش دات كوم واشوف العبد المطلب عليهم بلوك جميع و اشوفه حاط قسم اجمل بنات الجاهليه ~~~ احس ان عنده معاناتنا كل بنت نضيفها على الماسنجر نبي نشبكها ونحسب انها مملوحه او حلوه
واشوف واحد شكله توه طالع من الحانه كاتب تباً لكم ياعرب يصبا محمد وانا لا ~~~ يسمع بالقهر
تو ابو جهل خاش سواليف مع وحده مسميه نفسها مس جاهليه 8 قبل الهجره الا واقوم على جرس البيت
لينه الاند لورد يبي شيكات السته الشهور الجايه

منتديات مدرسة المشاغبين - منتدى الحوار العام الفسحة العامة

.
........................

الفنان

.

.
مع محبيتي
.