وقت الرؤيا:الخميس قبل صلاه الظهر بشوي
الحاله الدينية:متوسطه
المداومه على الصلاه:مقصره
الجنس:انثى
البلاد:السعودية
العمر:21
الحاله الاجتماعيه: انسه -طالبه
الحاله النفسية قبل النوم:ماتذكر
حلمت اني جالسه انا وأمي وخواتي بحوش بيتنا وكأني فتحت باب الشارع اويق منه فيه قدام بيتنا براحه وشفت ارنب حركته غريبه يمشي بالبراحه تلفت بالشارع
يوم شفت مافية احد رحت ركض مسكته ورجعت للبيت وتجمعت امي وخواتي عشان يشوفون الارنب ويوم ناظرت بطنه واثارية مربوط بسيم وضايق عليه رحمته وفكيت السيم واثاري بطن الارنب مفرغ احشائة ومحطوط بوسطه طفل عمره تقريبا 7شهور كان جميل وابيض وشعره ناعم كأن اخذته وحده من خواتي تروشه وراحت تروشه بالمطبخ وكنت انا واقفه على باب المطبخ اشوفه وامي كانت تغسل بمغسله برا المطبخ وسألته شتبي تسون بالولد وخانتني دمعتي من شده ماني رحمته قالت لي امي أكيد بنخليه عندنا وقلت لامي بتقولون له انه ولدنا ولا بتعلمونه انه لقيط ناظرت امي نظره كانه تقوله من عقلك اكيد بنقوله ثم قلت لامي اجل علموه من اول مو لاكبر تقولون له وبعد ماخلصت اختي مروشه الولد ولبسته رجعنا نكمل جلستنا بالحوش وكان الولد يحبي بيننا فجائه رفعنا روسنا لسماء ثلاثه اقمار واحد بدر وثاني اقل شوي وثالث اقل منهم رحت انا انادي بعض خواتي الي داخل وكأنت اقولهم تعالو شكل القيامه قامت وجتمعنا بالحوش كل خواتي وبعد مادققنا كان فية اكثر من ثلاث اقمار بس كان صغار اغلبهم اهله وكان فية سحاب احمر مو موضح الرؤية ويوم نزلت نظري اثاري انار اكله كل العالم الا بيتنا كاني رحت ركض انادي ابوي وقوله الحق النار طلعت انا وابوي نطفي النار الي حول بيتنا عشان ماتوصل البيت لين طفت الي حولنا وفي نار بعيده مانشوف الا السنته وكأننا حمدنا الله ودخلنا البيت

منتديات مدرسة المشاغبين - تفسير الاحلام dreams