 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
03-29-2011
| ||||
| ||||
 الصداقه يا كثر ما رافقت خلان و احباب و يا كثر ما في شدتي هملوني على كثر ما أعدهم ستر و حجاب على كثر ما احتجتهم و اتركوني من صارت الخوه ثمن حفنة تراب نفس الوجيه اللي نصوني نسوني من غير ذكر فروق و عروق و أنساب كانوا ثلاثة و الثلاثة جفوني علمتهم و شلون الأهداف تنصاب و لما سواعدهم قوت صوبوني عشاني أصغرهم عمر صاروا أحزاب عشاني اصدقهم قصيد اظلموني اللي نجاح اسمي زرع فيهم أنياب حتى النصيحة ما بغوا ينصحوني دام العطايا عندهم دين و أتعاب و الله لو أطلب ذنبهم ما عطوني طالب نصيحة كني طالب أرقاب و هي نصيحة؟! كيف لو زوجوني؟ كنت أكتب لنفسي مشاريه و عتاب و لا ادري إن اللي قروني قروني تضاربت من دوني عقول و ألباب واجد بغوا غيري و واجد بغوني أقفل هدب تسهر على شعري أهداب كني حبست إرقادهم في جفوني لو شفتهم واحد يشوفوني اسراب من وين مالدوا نظرهم لقوني أثري و جودي بينهم محرق أعصاب و مزعل بعضهم من بعض لو طروني يا كبري بعيني و أنا توني شاب و اهم كتاب الشعر حاربوني حتى و لو يهوي على نجمي شهاب يكفيني إن إسمي كبير بعيوني قد قال ابوي :ان هبتهم قول :ما هاب لو يقدرونك قول :ما تقدروني ما دام قبري محتضن راس مرقاب على كثر ما تقدرون ادفنوني لو ماني بذيب إنهشت عظمي ذياب لو ما عرفت اثبت وجودي لغوني لو ما سكنت وجيههم مت بغياب لو ما قدرت أمحي ورقهم محوني أصبحت الأصعب لأنهم كانوا اصعاب جننتهم مثل ما جننوني ما جيت أبدبل كبدهم شعر و خطاب لين أدبلوا كبد الذي خلفوني يا ويل وجهي كن للدمع مخلاب ما جف ماه و لا استحى من طعوني كل ما طرالي منظرمريب و أرتاب كان الوحيد اللي يحرك شجوني قبلة صلاة و ذكر و خشوع و كتاب و أمي على سجادة النور دوني تدعي لي الله يفتح بوجهي أبواب تتوسله بالشده يكون عوني من كثر ما خفاقها بالدعاء ذاب صارت تحس إن زملاي اكرهوني بشرتها:يمه معي ربع و أصحاب ماني لحالي واجد اللي يبوني من يوم ما حاز قلمي كل الالقاب قلطتهم في دفتري و احفظوني الله وهبنيهم بني عم و أجناب من يوم جيت اعجبتهم و اعجبوني و اعجابهم فيني ما هو بأيه اعجاب باسلوبي بشرحي بطرحي بلوني لو قلت عن نفسي( بشر) صرت كذاب لو قلت ( دمي من ذهب) صدقوني لو بكيفهم كان ازرعوا دربي أعشاب لو بيدهم يتشبهون اشبهوني من كثر ما صاروا من طبوعي اقراب حتى بلبسة شمغهم قلدوني واجد دعوني و اغلقوا دوني الباب و اكثار ناس أبكي لهم ما بكوني لو طالوا لهدمي مناسيب و أطناب كان و غلاتك من زمان اهدموني ما دام حطوا فيني عيوب و سباب جنبت عنهم مثل ما جنبوني أصلا لو أن بخوتي شي ينعاب ذبحت نفسي قبل لا يذبحوني أنا يدي لو ما كست متني ثياب نذر ٍ على لقطع يدي من متوني مو عيب أجي مدعو و لا أشوف ترحاب العيب لو إني رجعت إن دعوني ما دمت اجي و لا يحسبون لى حساب حرمت اروح اذا يبوني يجوني ارجوا الرد   |
|
#2
03-29-2011
| ||||
| ||||
| رد: الصداقه فديت الصداقه الشي الوحيد اللي بافقد حياتي ان فقدته بعد اغلى الحبايب يسلموووو
_________________ الجسم يتعفن اذا راحت الرووح .. يعني بدون اخلآق ..((طــز)).. بجمالك .. ــــــــــــــــــــــــــــ  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| اجمل ماقيل في الصداقه | %حنين طفلهـ% | تعليم اللغة الانجليزية English ترجمة تعليم اللغات | 10 | 04-26-2011 02:24 PM |
| الصداقه والحب | hayon | القصص و الروايات و الحكايات قصص قصيرة و تعلم القصة story novelette | 18 | 04-11-2011 01:54 AM |
| ((الصداقه))!! | جروح فتاة | معجم لهجات الفاظ مصطلحات عبارات حكم امثال | 11 | 04-07-2011 10:57 PM |
| الصداقه لألتئام الجروح النفسيه | ضجيج الصمتْ | العيادة الطبية الصحه السليمه،الوقايه من الامراض health clinic hospital disease | 4 | 03-21-2011 03:08 PM |
| (الصداقه) | (ازحف لدنيا تزحف لك) | خواطر شعرية الخاطرة الادبية ابداعات بالخواطر idea | 2 | 03-16-2011 09:48 PM |
-الدورات
التدريبية بجامعة نجران-
العرض العادي
