أنا والحمـد لله... فـي الشـده مـن الشيخـات
أأبي علي زمانـي فـي المصايـب انـه يعتلينـي
ما أرضي في وقـت حزنـي تهزمنـي العبـرات
ولاارضي احد يشوف دمعتي ويقول يـا عوينـي
الدنيا ما خلت من حزنها شيبه ولا طفل ولا خفرات
كل تعرضت له الدنيـا وأستـوي مثلـي حزينـي
تعليت بهامتي كل ما جتني مـن دنيتـي صدمـات
واطلب من اللي خلقني انه بالمصايـب يحتوينـي
تعاندني الدنيا وأعاتبها علي شي سوته قـد مـات
ولكـن ذي حالـة الدنيـا لازم انهـا تبتليـنـي
في وحدتي هاض الخفوق وهيض باقـي الدمعـات
يرسل له الشعور الداخلي عـل قلبـي لـه يلينـي
يا طرفي المجنون وش قومك علي بالسهر ما تبات
كل هجع في مرقده وانـت مبيـح أن لـي كنينـي
وبعترف لك يا قلم وش حدني علي البكـا بسكـات
خوفي من الشامت يشوف دمعتـي ثـم يهجينـي
كان ودك يا قلـم تحدثنـي وازفـر لـك الأهـات
عل وعسي ترقد أوجاعي والا انهـا تنـام عينـي
وأصبح استغفر الله وما كن شي البارحه قد فـات
وأخلي عبرتي ومكنونها ما بيـن نفسـي وبينـي