إسم المرأة عيب؟ <-- خاصتن عندنا يالسعوديين

بس مدري ليه ماصار اسم الرجاال عيب بعد عند الحريم اكيد بيصير واذكركم


كثير مانسمع ونشوف قد ايش الاحراج اللي يشعر فيه بعض الرجال

وهو يتكلم مع زوجته او خواته خلال التلفون

اذا كان في وسط رجالي بحت

يحاول يخلص المكالمة في أسرع وقت ممكن

طبعاَ يعرف كل اللي حوله انه يكلم "وحده"

من طريقه كلامه بالرموز والايحاءات وبلغه (ايه.. طيب .. لا )

ويتمنى الارض تبلعه ولا احد يعرف اسم امه أو اخته أو زوجته

فالرجل يعتبر اسم المرأة عيب


مايصرح فيه .. او هي عورة لابد من سترها ؟


وغالباً يستخدم الرجل عند مناداه زوجته,اخته عبارات يحاول أن يخفي

اسمها من خلالهاأو اي شيء يخصها !!

كأنه قانون ينص على عدم تصريح إعلان اسم المرأة وتحريمه ...!!!

ونسى أن القرآن الكريم سبقه منذ 1400 عام بذكر اسم" مريم بنت عمران"

وجعل سورة كاملة بأسمها .

و

الرسول " عليه الصلاة والسلام" صرح بأسماء زوجاته وبناته وبعض نساء الصحابيات

في جملة من الآحاديث.


ومثل هذه التصرفات يمكن تحجب بعض من حقوق المرأة

وتجرح شعورها .. وتسيء الى أحاسيسها .

فالتصريح بأسمها على أي حال مهو محرج مثل مايتصوره الرجل

لكن هي نظرة قاصرة ودونية من الرجل اتجاه المرأة .

اذكركم بطااش ماطاااش


امـه منيرهـ مدري مزنه وانهيااار وحاله نفسيه بس علشاان اسم لا رآح ولا جآ ؟


ايش الفرق بين اسم الرجل والمرأة ؟!!

وكلنا نعرف إن


هذي المرأة هي الام الحنون

والمرأة العظيمة اللي توقف وراء كل رجل عظيم .

والزوجة سكن وراحة بالنسبة للرجل !!


وكله كوم ولما ينادي الواحد اخته او زوجته قدام ربعه

(يااااااااااااااابنت,,,ياهوووووووو,,,ياولد,, هييييه ,,,,, ياهيش>>>كنها غنمه)


ولما يسأله خويه وينك؟مع مين طالع؟

يرد عليه (مع اهلي)او يقول(مع اغراض بوديها لاهلي)


ومافي بالسيارة غير زوجته


مصطفى لو يسالونه طالعن مع من قال طاالع مع ست الحبااايب يااسمين بنت حسنين


والسعودي اذا قال اسم اخته عند ربعه خرقوا عيونه من الخز (( وجه يقول آخ منكم يالسعوديين ))



(رخمه,,,خكري,,,وش يبي ذا الزلابه....الخ)

اللي ابي اعرفه شي واحد

لييييش كل هالاحرااااج يعني

اذا قلت اسمها كنك قايلن الرقم السري حق حسااابك بالبنك اللي به مااال قااارون

ياليت تردووون علي ..

واللي بيرد علي ويقول اسم البنت عيييب قدآم الرجاال
ماضر الرسوول يوم قال اسمااء زوجاااته
الرد واقول له وووفر ...

منتديات مدرسة المشاغبين - منتدى الجريمه حوادث كوارث جرائم احداث عالميه وقضايا ساخنه الاتجاه المعاكس

(لله درك ياملك الأنسانيه)
(يلوموووني بغلااااك يابومتعب)
أصعب ثلاثة أشياء في الحياه ، أن تحب شخصا لا يحبك ، أن تحاول أن تنام فلا تستطيع ، أن تنتظر من شخص أن يأتي ، فلا يأتي !!!؟