السلام عليكم ورحمة الله وبركاته..
اخباركم عساكم بخير وبصحه وسلامه
الحقيقه صبعب انك تترك ديرتك واهلك اللي هم عزوتك
واهدي اليكم بعض الابيات
اتمنى ان تروق لكم

يالله يمـدمـر جحـافـل هـــلا الـفـيـل
فــي لحـطـةٍ دمــرت كـامـل عتـدهـا

ياشافـي نـفـوسٍ مريـضـه معالـيـل
عقب المـرض جليـت عنهـا نكدهـا

ترسل على حائل صدوق المخاييـل
عـلـى جـبـل شـمـر تـراكـم بـردهــا

سحبٍ تعاقب فوقها الصبح و الليل
يـرزم علـى رأس الرعيلـه رعدهـا

عـلـى الرعيـلـه يـهـلـن الهمالـلـيـل
توضـي بروقـه ثــم يـركـز عمـدهـا

تمشي بها الوديان من قـوة السيـل
يـمـا يتقـطـع مــن سيـولـه زبـدهــا

تسقي تلاعه و السهـل و الغراميـل
وفياضـهـا ورياضـهـا ومجرهـدهـا

ينبـت بـهـا الـنـوار لـونـه تشاكـيـل
تـربّـع بـهـا وضــحٍ تـوانـا جهـدهـا

دار الـخــوال الطيـبـيـن الحـلاحـيـل
اهـــل ســيــوفٍ مــاتــرد لـغـمـدهـا

دار الطنـايـا متعـبـة قــرح الـخـيـل
هـلا البكـار اللـي ينـومـس مـددهـا

اهــل دلالٍ بـهــرت بـطـيـب الـهـيـل
والـزعـفـران مـــزودً فـــي قـنـدهـا

معشيـة الـذيـب مــن طـيّـب الحـيـل
يـوم الـردي يلبـد ولـوهـو وجـدهـا

حائل اهلهـا شيـوخ نقـوة رجاجيـل
رمـز الكـرم فيهـم و حـاتـم ولـدهـا

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي