مررررررحبا ....


اهديلكم هاقصيده ,,,, وان شالله تعجبكم


[poet font="Arial,5,white,normal,normal" bkcolor="transparent" bkimage="backgrounds/15.gif" border="solid,4,gray" type=0 line=200% align=center use=ex length=0 char="" num="0,black" filter=" glow(color=red,strength=4)"]






حبٍ يغيب وصاحبه ما بَعَدْ غاب=وحبٍ يدوم وصاحبه في غيابه

وحب يذوّب خافقٍ ما بعد ذاب=وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب=وحبٍ يزيدك رغبةٍ في الكتابه

وحبٍ حياته كلّها لوم وِعْتاب=وحبٍ حقيقي ما يضرّك عتابه

وحبٍ بلا معنى وحبٍ بلا اسباب=يبدا غريب وينتهي في غرابه

وحبٍ ضعيفٍ مثل حبرٍ على كْتاب=تمحيه دمعه في ثواني كآبه

وحبٍ قويٍ مثل قصرٍ له ابواب=لو هبّ عاتيْ الريح ما اهتز بابه

وحبٍ بداية رحلته نظرة اعجاب=واخر مطافه مثل يومٍ بدا به

وحبٍ يعيش بداخل قْلوب الاحباب=وحبٍ يشيع وكل حَيٍ درى به

وحبٍ مقامه في ضلوع الصَدِر طاب=وحبٍ يعدّي مثل مرّ السحابه

وحبٍ على قبره نعق بوم وغْراب=وحبٍ تغنّى به لحون الربابه

وحبٍ بمقدارٍ وحبٍ بلا حْساب=وحبٍ بمعروفٍ وحبٍ نهابه

وحبٍ يعيش أهله وسط داره اغراب=ويموت قهر ويندفن في ترابه

وحبٍ غدا سرّه سوالف للاجناب=وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب=وحبٍ يشيب صاحبه في شبابه




[/poet]

منتديات مدرسة المشاغبين - خواطر شعرية الخاطرة الادبية ابداعات بالخواطر idea