ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

قلب زجاجي · #11 05-14-2011

الجزء السادس..
بسيارة مباركـ..مريم جنبه
وورا ..غرام وريوف وجنى

مباركـ طول الطريق ساهي وعيونه في المرايا يناضر بريوف
الساهيه عنه وعن كل شي
مباركـ..ياربي وش بلاها ليه هالحزن آه لو اعرف ايش اللي مضايقكـ ومخليكي منتي على بعضك كذاا
جنى ..جتها رساله من بدر..اقول غطي عيونك لأجي اللحين وارتكب جريمه
جنى ..هههههههه منت بصاحي حنا بالسياره مين له خلق يشوف بعيوني ولا بعد متنفخه
بدر..لا والله ليه مبارك مو تارس عينك
جنى .اذا غطت اختك غطيت انا
بدر.. لا حول يعني منتي بمغطيه
جنى ..امم افكر
بدر..طيب خذي راحتك بالتفكير اوكي
وغفل جهازه وهو حده معصب
جنى ..لاحول زعل هذا ,يلا اللحين انام ولمن نوصل اراضيه
بسيارة محمد..زوجته جنبه
وورااا..ولده احمد وأمه وام تركي ولطيفه..
محمد يسوق وعيونه تناضر لطيفه وكيف حنيتها مع احمد وتلاعبه اللي امه ماقد لعبته كذاا..

بسيارة تركي.. فهد جنبه
وسلطان وعزو واحمد ورااا
فهد..ماسك البلاك ويمسج اسيرة قلبه ونبض روحه ريناد
حبيبي حنا باقي لنا شوي ونوصل الشاليه
ريناد..مشتاقه لك موت الو متوصل نتواعد اوكي
فهد..اوكي بس نوقف السياره ارسلك حبيبي
ريناد ..ودي اغمض وافتح واللاقيك قبالي
فهد..يااالبيه وانا مشتاق لساعة شوفتكـ يشمعة حياتي
اما
احمد..يكلم هشام طول الطريق سوالف وضحك

نرجع لسيارة عبادي..
خالد كل شوي يناضر بالمرايه ويشوف عبير ..
عبير ..حسة بالخجل اقو اشي
أمينه..رجعتي نمتي
عبير.. لا
نوف .. لاتنامين وتخرعينا بأحلامك باقي شوي ونوصل نبي نرجع سالمين
عبير..اصلا اصوات مسجاتكم انتي وهي ماتخلي الواحد ينام
امينه .. اللحين اصوات مسجاتنا مزعجتك وانسجمتي بحلمك وفزعتي الدنيا
عبير.. ياربي ذليتوني خلاص انسوا السالفه يكفي فشيلتي عند خالد
نوف..اي والله يقلبي على اخوي خرعتيه زين ماسوينا حادث ..

بالرياض..
هناء تكلم جوال ضحك وسوالف والمود عالي ولمن غفلت
نسرين ..يقو قلبك ياشيخه انتي متخافين احد يكشفك
هناء..لا مااخاف انا راسمتها صح اطلعي منها انتي
نسرين ..اصدق الولد اللي تكلمينه ماحس انك بنت
هناء..ساعات يحاول يشغل عقله بس مااعطيه فرصه
نسرين..تكفين هناء لحد هنا ووقفي سويتي اللي براسك سقتي السياره ورحتي مقاهي الشباب ووسعتي صدرك بس لحد هنا وكفايا
هناء..لا مو كفايه اذا انسحبة اللحين من حياته فجئه اخاف يشك
نسرين..واذا استمريتي معه اكثر بيشك لا توريطن نفسك وتورطينا معك والله خليل لو يدري يذبحنا
هناء..وهو منين بيعرف شغله بالشرقيه ومايجي غير خميس وجمعه وانا مااطلع بالويك اند مندفنه فيذااا تطمني هو الثاني مراح يعرف
نسرين..الله يهديكي بس اتمنى انو ماتدخليني معك بالسالفه اذا انكشفتي
هناء..تطمني يالجبانه انتي مالك شغل
نسرين ..على طاري الشرقيه خليل يقول حجز لنا شاليه وبنسري بكره
هناء..تقولي صادقه ,احلفي يلا احلفي
نسرين ..والله ليه منتي مصدقتني قومي اسئلي امي وتأكدي
هناء..واااااااااااااو وناسه
نسرين ..غريبه وبتقدرين تبعدين عن الرياض وحبيب الغفله
هناء..هههههههاي حبيبي الغفله بالشرقيه ياحلوه ,يازين بختي زيناه
نسرين..لا تكفين اهلي معنا لا تتهورين
هناء..تطمني مراح اتهور بس يكفي اني اتنفس من الهواا اللي هو يتنفسه
نسرين..الله يستر بس ماتودينا بداهيه مع افكارك اللي ماادري شتبي ..

نرجع للشرقيه..
سارا.. خالتي بتروحون معنا للشاليهات
ام سامي ..ايه يمه انا وعمك بسيارتكم والبنات بسيارة رشيد
سارا .. حنا بنمشي اللحين
ام سامي ..وحنا جاهزين بس كلمي رشيد لأنه ماعنده خبر
سارا دقت لأم سامي رقم رشيد
رشيد..هلا
ام سامي.. يلا انزل نبيك تودي خواتك للشاليه عند انسباك
رشيد..وشو ..ايش يودينا
ام سامي..عمك بو عيدالله كلم ابوك ولزم عليه اننا نروح لهم وحنا عزمنا
رشيد..وليه توكم تقولون
ام سامي .. اذا مالك خاطر ودي خواتك وانت ارجع
رشيد.. لا لا اللحين بنزل لكم خليهم يتجهزون بسرعه مو سنه ترابمشي واتركهن
ام سامي ..توك ماتبي تروح مااسرع متغير راايك
رشيد..من قال يلا انا نازل لكم ...
بعد مغفل رشيد من امه كلم سامي واتفقوا انهم يحجزون لهم شاليه بجنب شاليهات عايله بو ناصر ..

وصلو ابطالنا للشاليه والتقسيم كمايلي
شاليه الرجال وجنبه شاليه البنات وبعدها شاليه الحريم وبعدها شاليه الشباب ..

عند الشباب..
تصفير وصراخ وفله اقواشي
عزو..تركي كلمت خويك علشان الطراد
تركي..ايواا بعد نص ساعه بيوصل
سلطان ..حلو بنفل ابوها
احمد..انا اللي بسوق واوريكم ابداعاتي
عزو ..اجل نكلم الأمن والسلامه من اللحين
احمد..اذا خايف يمديك تنسحب
عزو..ولو خييو نحن لها
تركي ..فهد انا بدخل اخذ لي غفوة اذا وصل فهد صاحبنا لزم عليه يجلس معنا اوكي
فهد.. فهيدان هو اللي بيجيب الطراد
تركي ..ايواا
فهد..خلاص نام وارتاح برسله الثلاثي المرح شرط ينام عندنا اسبوع
سلطان..مااقدر يواثق من قالك اننا بنوافق مانبي احد غريب
فهد..اجل مابه طراد
عزو..لا من قال يالله ان تحيه فهد تركي ازهلوها
سلطان..رفع حواجبه ..اللحين هو يتمهزل فينا ويسمينا الثلاثي المرح وانت تقوله ازهلها!!
عزو..اعتبرها مديح يااخوي صفي النيه خع,,واخذ الصينيه وقام الطرب والمواهب المدفونه رقص واغاني
محمد..خلاص انت وياه فشلتونا ماعمركم دخلتو شاليه
سلطان..لا حول انت وش جابك صوبنا بابا شاليه الشياب ذاك الصوب
محمد..اللحين انا شايب !!
سلطان ..اسئل ولدك
محمد.اخذ المخده ورماها على سلطان وتبادلو رمي المخاد واصوات ضحكاتهم هزت المكان

قريب من البحر..
بدر..اغار عليكي حبيبي حتى من نفسي
جنى..ادري حبيبي بس لاتخنقني انت موواثق فيني تضن انو عيوني بتشوف غيرك
بدر..لا حبيبي انا واثق فيكي بس ايش اسوي غصب عني انتي ملكي لوحدي مااحب احد غيري يشوفك ولايسمع صوتك
جنى..طيب حبيبي انا بروح اللحين اخاف احد يشوفنا مع بعض
بدر..لا لاتروحين مابعد ارتويت خليكي شوي علشاني
جنى ..اخاف احد يشوفنا نلتقي بفرصه ثانيه
بدر..لا ,اصلا الكل لاهي بالأغراض مااضن يطلعون للبحر الا العصر
جنى..لا حبيبي ماتضمن واكيد البنات بيفقدوني بينا مسجات حياتي
بدر..اوكي حبيبي انتبهي لنفسك ومثل موصيتك غطي
جنى..لا حول رجعنا حالي من حال البنات لاتقيدني
بدر..لا منتي بمثلهم انتي حبيتي ونبض قلبي شيخة البنات ولازمن تكوني مميزه غيري عبايتك المخصره وغطي عيونك
جنى ,,ايش رايك اللبس عباية جدتي مو احسن
بدر..يكون احسن فديت اللي تسمع الكلام
جنى..احلام سعيده جدي باي
بدر..هههههههه طيب ياجدتي بايات

عند البنات..
عبير..أنا ابي تحت التكييف
غرام.. وانا ماابي عند النافذة نورها يزعجني
عبير ..عادي غطي عيونك ولا نامي بالليل مو ضروري تسهري معنا للصبح
غرام..لا والله ماابي اربط عيوني ولا انام بدري وخري اغراضك عن هنا والتكييف بكل الغرفه مو بس هنا
عبير..مايخصني انا جيت قبلك ومراح اغير هاذ المكان وهاذي جلسه
غرام..قومي دام النفس طيبه عليك
ريوف ..يامجانين انتي وهي خلاص لاتتهاوشون غرام روحي للغرفه الثانيه واختاري المكان اللي يعجبك
غرام..اخذت اغراضها وهي معصبه ومقهورة من عبير
ريوف ..عبير ليه كذا وهاذ انتو عايشين ببيت واحد
عبير..غرام دوم كذا تحب تاخذ الشي اللي مو لها
ريوف..حرام عليكي ليه تقولي كذاا
عبير,,اذا عشتي معها وتقربتي منها اكثر بتشوفين بعيونك
ريوف ..الله يهديكن
دخلت لطيفه ..هاي كيرلز
عبير وريوف ..هايات
لطيفه حطت اغراضها ..امم بنات شفتو حمودي
ريوف ..لا
عبير..سلامات وش يجيبه هنا
لطيفه بصوت واطي جواهر بتجلس معنا بالشاليه
عبير..كشرة وع ليه ماتجلس عند الحريم وشتبي عندنا ثغيلة الطينه
ريوف..استغفر الله وانتي مااحد معبي عيونك
عبير..امم الا انتي ههههههههههههه..,
يلا بس خلونا نطلع عند البحر ونفلها .

جواهرتكلم جوال..
وشو!! حمودي معك
محمد..لا ماهو معي انتي اخذتيه من لطيفه ومشيتي للشاليهكم
جواهر ..ايواا بس هو بكا وقال ابغا بابا وانا خليته يجيك
محمد..وين الولد انا ماشفته وليه ماقلتي
جواهر..ماادري انا ضنيته جاك
وانتشر خبر ضياع محمد..

توقعاتكم وتفاعلكم ..

قلب زجاجي · #12 05-16-2011

بس هاذ هو الحماس
كنت ناويه انزل الجزء السابع والثامن بس
حماسكم الزايد فاجئني

mr.mhay6 · #13 05-17-2011

لا تتفاجئين احنا متحمسين للتكمله

قلب زجاجي · #14 05-19-2011

سفير المحبه

اسعدتني متابعتك

قلب زجاجي · #15 05-19-2011

الجزء السابع..
ام ريناد.. ريناد خذي كلمي خالتك ووصفي لها الشاليه
ريناد..اللي كانت ماسكه البي بي وتمسج ,,ماما قولي لهم رقم 42للنساءو41للرجال..
وارسلت ..حبيبي قريب بيت خالتي بيوصلون لازم اغفل اللحين
فهد..اوكي حبيبي بس مثل مااتفقنا نلتقي بالكفتيريا
ريناد..اوكي موعدنا على الساعة 9,00
فهد ..حلو انتضرك بفارغ الصبر..

بسيارة خليل ..وقف السيارة
هناء..لا مو هنا هي قالت 42
خليل..ادري بس شوفو الطفل اللي يبكي شكله تاايه ,نزل من السياره واخذ الولد,شسمك حبيبي
الولد..حمودي
خليل..وين بيتكم ..
حمودي..بالرياض
خليل ..لا اقصد هنا أي بيت اهلك موجودين
حمودي..امم ماادري كلهم بيتنا بسوالباب مغفول
خليل..اها طيب يلا تعال اوديك لأهلك
حمودي..لا ,توفي تقول الولد الشاطر مايركب سيارة احد غريب
خليل ..بس انا مو احد\ غريب انا بوديك حق بابا وماما
حمودي..لا.انا ابي اروح حق توفي
خليل طيب اوديك حق توفي يلا تعال معنا ياحلو
ركبو السياره والبنات انبسطو على سوالف حمودي
نسرين ..خليل خالتي تو دقت تقول اذا تقدر نجيب ثلج
خليل ..ايواا عادي عند المدخل سوبر ماركت نرجع له اللحين ونشتري..
بالشاليه..
محمد..والله لو صار لولدي شي مااحد بيفكك مني
جواهر..هو ولدي مثل ماهو ولدك انت مسؤل بعد عن ضياعه
محمد ..هو كان عند لطيفه ليه اخذتيه منها لو انك مخليته عندها مصار كل هذا
جواهر..اوووه لطيفه لطيفه انت وولدك ماعلى لسانكم الا لطيفه ساحرتكم
محمد..اعطا جواهر كف ,ولك عين تتكلمين
ام محمد..استهدو بالله وروح دور على الولد
محمد..بلغنا الشرطه والأمن والسلامه حتى اوصاف بدلته لطيفه اللي وصفتها ولا امه شاطره بالنكد وبس اذا ملابسه ماتدرين عنهم ياست هانم وش تدرين عنه متى حسيتي بولدك ..
جواهر.. حرام عليك هاذ ولدي وقطعه مني ولو يصير له شي اموت من دونه
محمد..اعطا نضرة قويه لجواهر ادعي ربك انو ولدي يصير بخير ولا والله ماتشوفين طيب
ام تركي ..صلو على النبي البنات والشباب يدورون عليه وانشا الله بتشوفونه..
سلطان ..وين البيبسي
عزو..بضحكه انا شربته
سلطان ..لا ياشيخ من سمح لك
عزو..عادي اخوي وامون عليك كنت عطشان
احمد..قم انت وياه خلونا نروح للسوبر ماركت ونعبي الثلاجه
رن جوال سلطان ..
سلطان..هلا عبير
عبير..ممكن توديني للسوبر ماركت ابغا غرض ضروري
سلطان ..جنيه انتي انا ناوي اروح اللحين
عبير..وه فديتك يابعدهم ثواني وتلاقني مرتزه بالسياره قبلك
سلطان ..لا ,ارتاحي معي العيال قولي وش تبين اجيب لك
عبير..لاااااااااااااا, مايصلح لا زم انا اشتريه
سلطان ..زين فهمت بس جيبي معك وحده
عبير..بس وحده ماطلي تشي تبي اعبي لك السياره حاضرين
سلطان ..لا بس وحده ويلا بسرعه

عند البنات ..
عبير.. بنات مين تروح معي للسوبر ماركت..
ريوف..انا مالي خاطر اطلع اللحين جيبي لي معك جالكسي وبرنجلز
لطيفه.. ودي اطلع يمكن نشوف حمودي قلبي متقطع عليه
عبير..اجل يلا بسرعه اللبسي عبايتك ونخلي سلطان يدور بنا عند الشاليهات مراح يقصر
لطيفه..اجل يلا بسرعه

في الغرفه الثانيه ..
دخلت جنى السلام
امينه ..غفلت الجوال ..وعليكم السلام
جنى.. قطعت عليكي جوك
أمينه.. لا ,انتهت المكالمه
جنى..مين معك هنا
امينه..ذاك السرير للجواهر حطت اغراضها وراحت عند الحريم, والثاني لك
جنى.. مااضايقكم
امينه.. وشذا الكلام بالعكس تنورينا وتوسعين صدورنا

بالغرفة الثالثة..
غرام ترتب اغراضها ..نوفا ممكن تجيبي الشال حقي نسيته بذيك الغرفه
نوف.. ليه متروحين انتي وتجيبينه
غرام.. ماابي ادخلها مره ثانيه روحي انتي رجيتك
نوف.. بروح اجيبه بس انت وعبير ماعندكم سالفه تتزاعلون على اسباب تافهه
غرام .. لا مو تافهه هي تتقصد تعاندني
نوف.. الله يعينا عليكم تبين شي ثاني من الغرفة
غرام..لا يقلبو تسلمين

عند السوبر ماركت ..
هناء.. تمسك نسرين من كتفها بقوة شوفيه ..وتأشر
نسرين..اي واحد من الثلاثه
هناء..ازينهم فديت خشته
نسرين..كلهم مزاين وخقه
هناء.. تمسك ايد نسرين وتأشر لها على احمد

عزو..يدق احمد" من وراانا بنات وحركات
احمد..وش تخربط انت وش بناته وحركاته
عزو..اخ يولد العم ماهقيتها منك ماتقول عزو ولد عمي وصديق عمري ,ضبطنا
سلطان .. هههههههههههه انا ماقاهرني الا لمن نكلمه يقول كنت مشغول مه هشام قول الجو ياخي بنعذرك
احمد..هيه انت وياه مهسترين انا والله مااعرفهن ولا عمري شفتهن
سلطان ..صدقتك بس عيب عليك تواعدها هنا وتجرنا انا وعزو مثل العميان في الزفه لموعدك الغرامي
احمد..والله العظيم مااعرفهن ليه تتبلوني علي يعني كل بنات يناضرون بواحد يعرفونه !!
عزو..انت شف كيف تناضرك هي واللي معها ,اصدق يناضرونك ويأشرون عليك بس كذاا
احمد ..انا حلفت لكم بربي والله مااعرفهن
سلطان ..مدري احس انك صادق بس نضراتهم تشكك.. اللحين اتركوني انا زين الشباب وماسعبلو الا عليك !!
أحمد..ناس فاضيه اقول انا خلصت خلونا نطلع

بركن ثاني ..
حمودي فك يد خليل وصاروخ بحضن لطيفه
لطيفه احضنته بقوة وقامت تبكي من الفرحه حمودي انت هنا وحنا ندورك
خليل لحق حمودي وشاف المشهد وفي نفسه ..اكيد هاذي توفي اللي يتكلم عنها وماحس غير بحمودي ساحب لطيفه
عمو خليل هاذي توفي سلمي عليه هو قالي بوديك حق توفي وجابني لك
لطيفه..اللوان الطيف كله ارتسمت على ملامحها من الخجل والموقف البايخ اللي حمودي حطها فيه
خليل..قرة عينك اختي
لطيفه..والرجفه باينه بصوتها بشوفت نبيك ,,مشكور اخوي ماقصرت
خليل..ولو اختي ماسوية غير الواجب
لطيفه ..جزاك الله خير
خليل..الله يخليكم لبعض وانتبهي على ولدك لا يضيع مره ثانيه{هو يدري انها مو امه من سوالف حمودي عنها بس حب يعرف ردة فعلها
لطيفه..تلعثمة ومو عارفه وش تقول ..سكتت لحضات بعدين انشاء الله عن اذنك
خليل.. انبسط من خجلها "في حفظ الله

عبير ..بعد مااركبت السياره ..يووووه نسيت شي
سلطان..لاحول ضروري
عبير ..ايواا تكفا صاروخ وارجع
سلطان ..طيب يلا بسرعه
نزلت عبير من السياره
عبادي وخالد وقفو سيارتهم عند السوبر ماركت
عبادي..جب لي معك بيبسي بااارد
خالد..اوكي وشي ثاني ..بطايق شحن مثلا
عبادي.. هههههههههههههه ,لا مايحتاج بنغلب جوال اختك فواتير

عبير..ياربي شلون اترجمها مالها اسم ثاني ..ولاعه ,ولاعه
الهندي.. هازي ماما
عبير..واخيرا فهمت جيبها
خالد.. سلامات
عبير ..اخترعت ,ومدة له يدها ..هاذي ولاعه
خالد..قولي قسم ,عاد تدرين كنت اضنها حلاوة
عبير..لا ,لا تفهم غلط اليوم عيد ميلاد جنى ونبغاها للشموع ..والله العظيم والله
خالد.. ضحك في داخله على ارتباكها وتبريرها السريع ,تمالك نفسها وسحب الولاعه من ايديها ماعندنا بنات تشتري هاذي الحاجات واذا جا موعد شموعكن اطلبي من ابوك ويلا بسرعه على السياره

عبير..طلعت وحده معصبه ومقهورة ركبة السياره وغفلت الباب بكل قوتها
عزو ..غلطانه اقوااا
سلطان..تبيني انزلك من السياره
ومااسمعو غير شهقاتها
لطيفه ..شفيك صار لك شي وانتي داخل عبير تكلمي
سلطان اللتفت عليها عبيروه تكلمي
عبير..وهي تشوهق خويل الدوب احرجني في المحل
سلطان.. ارتاح نسبيا وحرك السياره
عزو..ليه احرجك
عبير..صار لي ساعه افهم الهندي ابي ولاعه وحضرته اخذها بكل بساطه
ومااسمعو غير صوت البريك وصرخت سلطان وشو ..ولاعه
عبير..هيه انتو شفيكم الولاعه علشان وقالت لهم السالفه
لطيفه.. الله يرجك ياشيخه حرقتي المفاجئه حنا ماقلنا ولا احد يدري عن الحفله علشان نفاجئ جنى
عبير..وش تبيني اسوي شفتي بعينك ردة فعلهم واكيد هم مراح يفتنو صح شباب
سلطان .. ههههههههههههههههههههههههههههه قسم وقفتي قلبي انتو يالبنات مدري كيف تفكرون ..
بالسوبر ماركت ..
خليل ..انت هنا شغل
خالد ..الأثنين سوا,وانت
خليل مثلك الأثنين سوا
خالد..الله يكون بالعون لا تخلي سير علينا
خليل ..انشاء الله اذا حصلت وقت
خالد.. نلتقي على خير..
الى هنا انتهى على خير الجزء السابع ترغبو المفاجئات بالجزء الأجزاء القادمه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري