الزلابة : هو الي دايم يمسك حارس اذا لعبو العيال كورة في الحارة .

الدلخ : هو الي يمشي في شوارع الهفوف ويوقف السيارات يسالهم عن
طريق الحسا .(الحسا= الاحساء) .

الزقرت: هو الي ما عنده الا قولة قدام العن ابو ورا يا شيخ ....

النمس : هو الي شكله ما يأهل بس تراه خطير وابعد عنه .

الداشر : هو الي يطلع من الرياض للشرقية ولما يوصل يتصلون عليه اهله يقولون نحتريك على العشا؟ يقولهم لا انا في الشرقية مع العيال.(يعني سافر وما حد درا عنه من هله).

الدافور : هو الي اذا جا في تقريره كله ممتاز وجت وحدة جيد جدا خبا التقرير عن ابوه وقعد يصيح.

الداج : هو الي اذا راح( كودو )ودق عليه خويه قال له انا جالس في بوفيه .

السربوت : هو الشخص الي يطلب من ابوه ولاعة عشان الزقارة .

العربجي: اخو الزقرت بس زد عليها سلسلة وبنت البكار ومزعل والخ.

النشبه: هو الشخص الي اذا دريت انه طالع معكم سفريه قلت : معليش يا شباب تذكرت موعد جدتي ابي اوديها المستشفى (حتى لو ان جدتك ميتة من زمان).


المهوي =المصرقع: هو اي شخص قرا هالتعريفات المصرقعه.




***منقوووووووووول***

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه