زيـــارتـــــي لـــســــيـــدي الـــرئيس

في صبيحة احد الايام كنت اسير واجوب شوارع الرياض المكتظه بالسكان وبينما انا على هذه الحاله

طرى على بالي السفر والابتعاد عن هذه الشموس والزحمه ..
والله واقوم ادق على ابو شيراك رئيس فرنسا ( طبعا دقيت دقه وسكرت وشوله الخساير )
لكن ابو شيراك فهم الحركه ودق وسكر ... سكر ولا ملح ( ياملحك انت وجبهتك )
وبعد حوالي نص ساعه مره ادق واسكر ومره هو يدق ويسكر ( اخلصو علينا والله من القعاطه)
عزمت ودقت لكن ماسكرت هالمره .. ويرد على وعق ماسلمت ونشدت عن العيال والعجيز ( الله هي مرته)
قلت تراي ابحجز واجيك على باريس اليوم .. بيني وبينكم هو انصدم وقام يصرف ويقول اني منشغل
وقامط العافيه عقب سالفة الاغتيال لكن ماحولك احد نشبتله لين قال تعال الله يحييك
واقوم احجز على اقرب نقل جماعي ( يسمع بباريس) وكانت الرحله الرياض القويعيه عرعر باريس ( مهيب دايركت )

<== ماتلاحظون انه جحد اللغه الفصحى

وبعد عناء طويل وصلت لباريس والقى ابو شيراك جاي يستقبلني وبعدالسلام والتبويس( خبركم سعودي مانفوت شي)
ركبنا انا وياه في موتره اللي هو تيرسل خضرا بس الحق ينقال كانت نظيفه
رحنا انا وياه نتمشى شوي ومرينا شارع الشانزيليزيه ( زي شارع السويدي العام )

وقعدنا في مقهى هناك وطلبت باعشن صافي وهو خذا معسل الباشا ( الله يهديك يابو أبراهـيـم طيجته فيه )

وقعدنا نسولف وجبنا سالفة الاغتيال ... اثر الرجال ضايقن صدره وقام يتشكى لي

ويقول: المشكله اني ماتعرضت لحد من البيت للمكتب ومن المكتب للبيت مير الشكوى لله
قلت انت اللي تدورها .. لو انك جالس مع عيال عمك في ليون اطيب لك لكنك سويت زحمه وجيت هنا
وعلى قولة المثل اللي ماله علبا ينخبط على جبهته ... قال يارجال خلها على الله مدري القاها من الشعب والا من ذا العجوز اللي عندي
كل يوم مشغلتني ليش سكرتيرتك زينه وليه تبتسم لحقت التلفزيون ووراك ماجبت طماط وعلى ذا الحاله
قلت والله يابو شيراك لو تطيع شوري وتاخذلك وحده ثانيه تقهرها والله ياعندكم بنات في ديرة الشانزليزيه على كيفك
قال بيني وبينك ودي بس تخبر رئيس صعبه ياخذ له وحده ثانيه ....
قلت خذ لك وحده ثانيه اطيب لك بدال منت كل يوم مسيرن على البحرين عند ذا الروسيات ولا وش رايك
ورى ماتروح لاوكرانيا ترى عادي عندهم الزواج العرفي
وبينما نحن قاعدين نتجاذب اطراف الحديث مره يمعط طرف الحديث ومره امعطه انا .. فكيت طرفه وصقع في وجهه ( ياخف دمه)
طرى على بالي سؤال .. قلت يابو شيراك الحين لندن تابعه لكم .. قال وشوله السؤال
فلت : ابد بس متحدي انا وواحدن من الشباب انا اقول ان لندن في باريس وهو يقول مالك لوا لندن في امريكا
فال ابو شيراك : لا بلاه الا لندن في باريس ( ماادج مني الا هو )
قلت طيب ورى حتسيهم مهوب زيكم وطبايعهم غير حتى نظام الحكم (قويه الكلمه) عندهم غير
قال ابو شيراك : اقولك السالفه من زمان كان جدي يحب ملكتهم ...
قاطعته وقلت : ملكتهم اللي هي تاتشر ( مايعرف الا هي )
قال : الله الله هي المهم البنت طلبت منه انه يعطيها لندن فقال جدي : انتي تامري امر مو على عيني تأبريني يبعتلك حمى ( الفرنسيين اول يحتسون شامي)
المهم عقب السوالف والحتسي قلت له توصي شي انا ابرجع للرياض

قال ابد سالمتك بس قبل ماتروح ماالقى معك سلف عشرة افرنكك ( على وزن عشرة اريل):D:D:D

واقوم اعطيه المقسوم واروح الحق على النقل الجماعي





جـــــــــاكـ.