موضوع وصلني عالإيميل وفطست عليه ضحك
اللي ضحكني فيه تعليقات المُرسل نفسه أكثر من الموضوع الأصلي
لذلك حبيت أنقله لكم مثل ما هو

.........

من ايام ما طحت بالنت يعني من ايام ما كانت النت تشبك على حبل الغسيل قبل التلفونات وهالحركات
من ذيك الايام وانا تلوع تسبدي ويوجعني بطني من بعض المواضيع بالمنتديات
وياما تركت النت ورجعت العب كيرم
وكل ما قلت هانت والناس كبرت
اتفاجا ان الناس تكبر والمواضيع هيا هيا
تعالو نشوف هالمواضيع بالصور
.
.



خخخخخخخخ لا يفوتكم عدد الصفحات والردود

هذا النوع من المواضيع يجيبلي حكة في اذني واكره نفسي اني قريت العنوان اذا شفته
موضوع اجتمع فيه .. التميلح البايخ وواضح فيه الترزز وفيه ثقالة دم مو طبيعيه
وقسمن ان اللي يكتبه
سواء بنت والا ولد .... تراه يتميلح ويترزز عند البنات او عند العيال
واقول لاي واحد يكتب مثل هالمواضيع ،، ( يا صبر الارض عليك )



لا تعليق وبقوه لا تعليق
اي ورد واي بطيخ
تلاحظون الردود
يعني مسوين رومنسيين وراعين ورد وحركات
وهو لو تعطيه ورده اكلها مثل العنز



عاد هذا المصيبه
بوسه مره وحده
مدري كيف ترضى البنت هالشي على نفسها
وقسمن لو ان وجه العضو او العضوه يطلع بالمنتدى كان تغير الموضوع وصار ((اعطي تفله لرقم خمسه :D ))



شف عاد يا سلام على الموضوع
طيب مثلا لو العضو اللي بعدي قاعد يتروش ... وشلون يعني احرجه واقول وش لابس وافضح فيه



هذا الموضوع انا اتوقع ان اللي مخترعه بيل غيتس لانه من اول ما طلعت النت وهو موجود
خخخخخخخخخخخخ قديم والى الحين كل اسبوع ينزل الموضوع من جديد
ماتت الام اللي تصيح .. ومات ولدها وعياله وموضوعهم الى الحين يكرر



ذبحونا بموضوع الحب .. حب الصبح وحب الظهر وحب بالليل وحب قبل الاكل وحبتين بعده
وصار كلن يتكلم بالحب حتى البزران
وهالمواضيع مثال اخر على التميلح والترزز,, واللي منزل الموضوع بيقولكم تراي مره رومنسي وحبيب وعاطفي ورقم جواله كذا وكذا
وهو لو تموت امه ما تاثر



لا وبعد كل هالترجي لا يفوتكم الردود خخخخخخخخخخخخخ
بفهم يعني الحين لازم الواحد يحط ترحيب علشان يسجل
الواحد من كثر ما يسوي هالحركات صار لادخل مجلس ما يقول السلام !! يقول عضو جديد هل من مرحب
نصيحه (( اذا جيت تكتب او تختار موضوع لا تفكر بالردود ... والدليل شف المواضيع السخيفه اللي فوق وشف عدد الردود ,, علشان تعرف ان عدد الردود لا يدل على قوة الموضوع ))