 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
06-15-2007
| ||||
| ||||
 خدمـــتكم محل ا هتمامنا نرجــــــــــوا الانتضار.....!!! السلام عليكم طبعا بما اني جديدتن بالمنتدى وملزومه انزل موضوع جديد بقراطيسه قلت بشطح لكم موضوع غيييير<<ايه هين لايكثر عشان يكون بصمتي الاولى في هذا المنتدى بكتب لكم من وحي تجربتي الشخصيه<<بالعافيه كتبت هالجمله مطري وش لون طلعت أحس انها قويه عليني الموووهيم ماعلينا ببدأ بالموضوع لاتقولون مكرر والا زديم تراني بكتب حتسي شابن بقلبي ناااار قاهرني ذا الشين بتقولون منهوا ذا الشين اقروا وبتعرفون كل شي نعود لمحور حديثنا <<<زمااان عن الصيرفي دائما وبشكل تقريبا اسبوعي والبعض الاخر يومي نتصل ع 902 او 907 ع قولتهم خدمة العملاء لطلب بعض الخدمات او تنفيذها بشكل آلي<<<هو يقول اوب انا او استفسار عن فاتورة وخلافه ومعامله عال العال لاني بجد ماعمري شفت عليهم شي <<اقول الفقي الا في يومـ (ن) من الايام ومااادراك ما ذاك اليوم قبل فترة قول شهر او شهرين ماني فاكرة طبعا زي اي عميل عندهم اتصلت ع 907 بعد موافقت الوالد الله يحفظه بتقديم خدمت الـ Dsl <<<<<<<<لاعادت من تقديم خدمه طبعا تعرفون الروتين الممل خدمتكم محل اهتمامنا نرجوا الانتظار طوط طوط <<<<اظنها تسذا طبعا ومالنا غير الانتظار عزيزي العميل جميع الموظفين مشغولون الان نرجوا الانتظار طوط طوط <<<بفهم وش مشغولين فيه ماادري وطبعـ (ن) جاري الانتظـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ــار عزيزي العميل جميع الموظفين مشغولون الان بخدمة عملاء اخرين نرجوا الانتظار<< عاش مصرف خوش تصريفه قال ايش عملاء اخرين بالله كلهم عاد مشغولين ايه هين تدرون صرت بالبيت انادي اهلي واقولهم عزيزي العميل من كثر ماسمعت هالكلمة حفظتها منهم نكمل ماتبقى من الموزوووع طبعـ (ن) وياليل مااطولك ومازلنا ننتظر في الاخير وبعد ماطفح الكيل وجاني النوم ولفت (من الألفه ) كلمت عزيزي العميل حسيتها زي النومه يالدخدوخي<<اللي يعرفها يرفع اصبع رجله هذي يقولونها للبزران عشان ينامون ياحبني لها تذكرني بأيام الطفوله وين وصلنا ايه بعد مابغى يطفح الكيل رد واحد وليته مارد فلان الفلاني السلام عليكم وه الحمد لله<<في خاطرها تقولها اوب للرجال قلت عفواً بغيت لو سمحت اقدم طلب خدمة الـ Dsl قالي بأسم مين لو سمحتي قلت بأسم ابوي <<<<اكيد بقوله اسم ابوي طبعا قال طيب ع نفس هالرقم قلت لا ع رقم ثاني قال كلمينا ع الرقم اللي بتقدمين عليه الله يحفظك<<حسيت اني اكلم امي نورة يوم قال الله يحفظك ولا حول لي ولا قوه قلت تيب قفلت الخط من هنا ودقيت من الخط الثاني ونفس الموال السابق من عزيزي العميل الى طوط طوط الى اني بغيت انام طبعا ويوم بغى يطفح الكيل رد واحد ودي اني جالدته ذا الدووووب قال السلام عليكم فلان الفلان بأيش اقدر اخدمك اخوي<<شكيت بعمري يوم قال اخوي قلت الله يعافيك بغيت اقدم طلب خدمة الـ Dsl قال باسم مين قلت له الاسم قال ع نفس هالرقم قلت ايه قال طيب خلي الاخ فلان <<اللي هو ابوي يكلمنا بنفسه تدرون بغيت ارتكب جريمه الان انتظر واعطيه المعلومات ويقولي ذا الحتسوه قلت طيب ليه <<على نياتي قال عشان نبي منه بعض المعلومات وين مرتكبين جريمه قلت طيب انا اقدر افيدك بالمعلومات قال لا لازم هو وش هالتعقيد من جد طفشني ذا الشين قلت طيب وقفلت الخط بس مستحيل تمر علي مرور الكرام ومقدمه مقدمه بذاك اليوم الله لايعوقني بشر طبعا بعد ماطفت النار اللي بتسبدي ربع ساعة بالضبط او 10 دزايز وانا اتصل ثاااانيه <<<<تحس الاتصالات حفظوها المووو هيم ع نفس الموال من عزيزي الى طوط الى بغيت انام بس هالمرة مابغى يطفح الكيل الا طفح الهيل رد علي ذاك الرجال اللي الى يومكم وانا ادعي له مو مثل ذاك الدوب اللي يحب يعقد السلام عليكم فلان الفلاني قلت عليكم السلام قال بأيش اقدر اخدمك طبعا هالمرة قلت اخاف يسوي فيني مثل ذاك الشين قلت له بسأل عن طريقة تقديم الخدمه سويت نفسي بريئه عشان مايفشلني مثل الاول قال رسوم اشتراك كذا والسرعات كذا واسعارهم كذا قلت اقدر اقدم الان <<<<تستأذن خافت يقول لا لازم الوالد هو اللي يتصل قال ايه معاك رقم السجل المدني قلت ايه قال عطيني اياه بغيت من الطفاقه اطب عليه واحب راسه حسيت انه خدمني وطفى النار اللي بسبدي ع ذاك الشين<<من قلب حاقده وقفلت السماعه وبس خلاصة الموضوع بصراحه هي بعض الكلمات اللي تقرقع بقلبي لها مده شو رايكم بالتعقيد تتوقعون حس اني بزرة وقال بتقدم من ورى ابوها طيب هو شو خصه يعني حسيت انه من جد جايب هالكلام من راسه ياشينه لاذكرته يوم يقول خلي الوالد يكلمنا بنفسه من زينك تلايط انت وذا الخشه وهذا شي من خرابيش ياربي تنال اعجابكم واستحسانكم <<متأثره يله فوووتكم بعافيه وللامانه منـــــــقول  |
|
#2
06-15-2007
| ||||
| ||||
| رد: خدمـــتكم محل ا هتمامنا نرجــــــــــوا الانتضار.....!!! لانه الموضف عنده نظام يمشي عليه ولا يجيه استجواب من المشرف يمشي مليووووووووون |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
