قصيده اعجبتني واتمنى انها تعجبكم



قبل اسافر كنت جالس في زمان الانتظــار
ارتشف هم المكان وكل همي حاجتيـــــن
كنت خايف من يباس وكنت خايف من خضار
كنت اخاف انك تجين وكنت خايف ماتجيــــن
لين شفتك من ورى بيبان صالات المطــار
مقبله من كثر شوقك كنت اشوفك تركضين
مرة ركضك يميـــن ونظرت عيونك يســـار
ومره ركضك يســــار ونظرت عيونك يميـــــن
تايهه ماكنك الا ضحكـة وسط انكســــــار
ساكته ماكنك الا دمعـــــة فيها حنيــــــــــــن
خايفه.. وجله.. حزينه يعني كنت بااختصار
تشرحين لكل جاهل معنى كلمة عاشقيــن
بعدها جيتك ولدت عينك ودار الحـــــــــوار
ومن كفوفي دمعتيـــن ومن كفوفك دمعتيــن
كنت اصد وكنت انتي ثايره مثل الشـــــرار
ماعلى لتغة لسانك غير كلمة ويـــــن ويـــن
واذكر اني رحت قبل ابدي لك أية اعتــذار
رحت حتى قبل اطيب خاطرك في كلمتيــــن
لكن انت عارفتني زين واللي صار صار
سامحنيي واذكريني قد ماانت تقدريـــــــــن
اذكريني لاانتهت للشمس رحله مع نهار
واذكريني لاصحى للصبح ورد الياسميــــــن
واذكريني لالمحت في ليالي البرد نــــار
واذكريني لاسمعت للمطر صوت حزيـــــــن
اذكريني و اذكريني واذكريني بااختصــار
اذكري (( ...............)) قدمانت تقدرين


للشــــــــــــــــــاعـــــــــــــر
فهــــــــد المســــــــاعد