السالفه وما فيها أبي خمس دقايق من وقتك الغالي يا غالي ..
وإذا ما عندك وقت خلاص قفل الموضوع ومتى ما فضيت إقراه وإنت هادي ورايق ومركز زين زين ..
وتأكد إنك إنت المستفيد ورح تحس براحه رهيبه :
عزيزي .. أكيد إنك شايف الناس هالأيام كيف قاعدين يسعون ويتفننون في طلب الرزق ..
هذا راح ياخذ قرض ودخل بالأسهم وهذاك طول يومه بمعارض السيارات وهذاك طاحت عيونه من كثر ما درس وسهر وتعلم ..
وهذا ما عاد شاف أهله من كثر ما يدور على تجارته.. و و و و و .. وبصراحه ما أحد يلومهم ..
الكل يبي رزقه يكثر وينبسط بحياته ..
بس فيه شغله ناس كثير جدا جدا ما فكروا فيها .. حتى أكبر العقليات الإستثماريه ما جت على بالهم إلا من رحم ربي ..
يقول الله سبحانه وتعالى { فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا * } ..
الإستغفار : يا ناس يا عالم الإستغفار سبب رئيس لأشياء حلوه في حياتنا .. أشياء ياما وياما تمنيناها ..
من فينا ما يحب المطر ..؟
من فينا ما يحب المال ..؟
من فينا ما يحب يكون عنده أولاد وبنات ..؟
من فينا ما يحب يعيش بوسط جنات وأنهار في الحياه الدنيا ..؟
هذي كلها أشياء خياليه .. من جد خياليه .. وماهي صعبه ولا مستحيله على رب العالمين سبحانه .. ا
لله قادر إنه يحققها لنا .. بس إذا حققنا المطلوب منا .. وش المطلوب منا ..؟
شي واحد وبس .. ولا أسهل منه .. {الإستغفار} والإكثار منه .. طيب والنتيجه ..؟
أنا أقولك النتيجه :
النتيجه عسى ربي يحفظك ويسلمك إن الإستغفار سبب في نزول المطر {بإذن الله} ..
وسبب في زياده الرزق وبالعربي زيادة المال .. وسبب في إن الواحد منا يرزق بالذريه الصالحه إن شا الله ..
وسبب في تحول أراضينا إلى جنات وأنهار .. وهذا مو كلامي ولا كلام الشيخ فلان .. لا هذا كلام الله سبحانه ..
الله الله في الإكثار من الإستغفار .. {استغفر الله الذي لا إله إلا هو الحي القيوم وأتوب إليه} ..
ملاحظه خطيره :
إذا استغفرت ربك الحين أكيد إن لك أجر ..
أجل وش رايك لو بعد سنه مثلا ويجون ألف واحد يستغفرون بسببك وإنت لك مثل أجرهم بالضبط .. وش رايك ..؟
طيب تخيل كم عددهم بعد سنتين .. ثلاث .. عشر سنين ؟
طيب تخيل إن هالشي ما يكلفك إلا تقريبا 20 ثانيه .. وشلون ..؟
الشغله كلها إنك تنقل الموضوع لاكثر من منتدى جزاك الله خير
تخيل نفسك يوم القيامه وإنت واقف والله سبحانه يحاسبك .. وقتها تتمنى مو حسنه نص حسنه ..
وما تدري إلا وعندك جبال كبيره من الحسنات والأجر والثواب ..
اسأل الله العظيم رب العرش الكريم بأسمائه الحسنى وصفاته العلى أن يجعلني وإياك من أهل الجنه .. آمين ..