 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
06-07-2011
| ||||
| ||||
 موقف مضحك مع احد الشباب هــــــــــــــــــــــــــــــــــــاي كيفوون ان شاء الله كــــــــــــله تمام قصة شاب مع شغالتهم تضححك اترككم مع القصة. السلام عليكم اول شي احب اعطيكم فكرة عن شغالتنا شغالتنا يا كرام مطفوقة الى ابعد حد يعني لما نشوفها جايبه الشاهي نعلن حالة الطوارئ وننزل البزران للملاجئ لانه عادي عندها تشيل 13 إبريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها انا اقول لأمي احس انها مسكونه بجني كان يشارك في اختراق الضاحية تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال يعني لو تبي تعذبها خلها لا تتحرك بس ثواني وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه انا احس انها ما قد شافت بشر ولا تدري وشلون يتعاملون مع بعض تقدرون تقولون انها مخروشه وفي روايه اخرى سبيكه المهم انا صار لي معها موقف قوي مرة وانا رايح لغرفتي مروق وأدخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي واطلع جوالي وانطله على المخده مع انه دايم يطيح ورى السرير وابلش ادوره وافسخ ثوبي واحطه في مكانه المعتاد اللي هو على الارض بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ يعني ما يبقى على الا سروال النص المهم حمامي الله يعزكم جوا غرفتي المهم يوم فسخت ثوبي قعدت قدام المرايه اتميلح واكلم روحي وانكت شوي وامسك المشط واتخيله مكروفون واغني الامااااااااااااااااااااا اكن يعني قمة الطرب واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع وارفسه برجلي خخخخخخخخ وبقية الحركات اللي انا دايم اسويها بشرط ما يكون عندي احد عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليب<<< هذ اسم اللي كان يسوق كريندايزر <<< ايقالك شرح الحين عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه المهم يوم حانة مني التفاته للحمام وش شفت صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب اب د وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها ثم امسك راسها وادخله بوسط السطل اللي فيه مويه علشان اشوف من وين ينسم راسها واصرخ عليها يا دبشه ورى ما تكلمتي وعلمتيني انك هنا وكالعاده كنك تكلم جدار المهم لاني عارفها دريت انها يوم سمعت صوتي انخرشت ولا درت وش تسوي وبذهانتها الخارقه قالت بقعد هنا ومهب شايفني .... لعنبو دارك ودار مخك عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي كان انا اللي بطلب من اهلي يسفروني انا مو هي المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني يا سلاااااااااااااااااااام على الحظ انا والشغاله بغرفة نومي والغرفة مقفله وانا كاسي عاري ما علي الا سروال نص يعني امي لو هي عمياء بيروح علطول بالها لذاك الشي يعني التهمة لبساني لبساااااني علشان تعيشون معي الموقف انا ما علي الا سروال نص والشغاله جنبي واقفه ,,,والباب مقفل وورى الباب امي وانا اعرف امي ماراح تروح الا اذا فتحت الباب في هاللحظه .... خطرت في بالي فكرة انما ايه ما تخرش الميه لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخخخخخخخ فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انا اكلم من برا فقام البزر يصوت لامي خااااااااااااااااالي بدررررررررررررر بالتلفووووووووووووون امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله الادميه ذي ذكائها خارج التغطيه الا مخها منتهي الصلاحيه هذي طفرة في الدباشه المهم انا صرت ما اسمع لامي صوت مدري هي سمعت الشغاله والا لا يوووووم جت المصيبه وانا واقف عند الباب اتسمع والشغاله جنبي اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااا اااااااااام لا بابا ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا ياسلااااااااااااااااااااا ااااااااااااااااام الاخت فاهمه غلط تحسبني اسوي كل ذا علشااااني ابيهااااااااااااااااااااا ااااااا مدري اضحك والا اصيح والا وش اسوي فيها من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي <<<<< قويه شوي خخخخخخخخخخخخخخخخخخخخخخخخخ المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه ... في هاللحظه فتحت امي الباب ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت اللللللللللللللللللللللله اكبررررررررررررررررررررر<< <<< ايه سويت نفسي اصلي واسجد خخخخخخخخخخخخخخخخخخخخخخخخخ خخخخخخخ وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي المهم اني في نفسي اقول يارب انها ما تلاخظ اني اصلي وانا شبه عاري امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت وقفت امي شوي وانا قاعد اصلي واقول في نفسي اشوى انها ما انتبهت اني متفسخ المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها قالت اجل تصلي,,,, زين بس ترى القبله غرب وانت تصلي شرق وطلعت وصبخت بالباااااب بقوووووووووووه يوووووووووووووووووووووووو وووووووه انوااااااااع الصدماااااااات ياربيه وش اسوووووووي واقعد افكر يارب وش اسوي والله اني مظلووووم <<<<<<رحمتوني صح ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي يوم جيت صرخت بوجهي لا تكلمني ولا تلمسني ابعد قلت اسمعي الصدق مجراه والكذب مفراه قالت وشو قلت الصدق منجراه والكذب مفتراه قالت وش تقول انت قلت اففففف الصدق زين والكذب شين وشوله الفلسفه وقعدت اقولها كل اللي صار واحلف ايمان واقسم بالله والحمد لله لان امي واثقه فيني صدقتني بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ اتمنى تعجبكم وماعليكم أمر ابي ردود وتقييم  تحياتي
_________________  PIN:270CF255  |
|
#2
06-07-2011
| ||||
| ||||
 رد: موقف مضحك مع احد الشباب هههههههههههههههههه ابوك يالزحف قسم بالله قصه اكثر من رووووووووووووووووووووووعه يعطيك الف عافيه واصل ابداعك
_________________ ليه يادنيا مابك احد &؟ماخان؟& حتى التراب اللي عشقته&دفنيـ& _____________________________________  وبدا التحجير.... دعواتكم ياحلوين... |
|
#3
06-07-2011
| ||||
| ||||
| رد: موقف مضحك مع احد الشباب اقتباس:
مشكوره والله يعطيك الف عافيه
_________________ PIN:270CF255 |
|
#4
06-07-2011
| |||
| |||
| رد: موقف مضحك مع احد الشباب ههههههههههههههههههههههه بصراحة الموقف موتني ضحك ... الا عند لحظة الكرندايزر وقتها الغبار ما وقف يطلع من كل مكان << اجل غبار  موضوعك رائع الى الامام مع مواضيع أخرى يسلموووووووو  تحياتي 
_________________ |
|
#5
06-07-2011
| ||||
| ||||
| رد: موقف مضحك مع احد الشباب خخخخخخخخخخخخ اما الموقف والله انك زاحف
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| لو البنات مكان الشباب وش بيصير >>لايفوتكم | قلب سعد | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 6 | 10-01-2011 05:22 PM |
| قبول إحتجاج الأهلي على نادي الشباب و إعتباره فائزاً بثلاثة أهداف نظيفة | المعذب المفترس | نادي الاهلي السعودي - القلعة | 8 | 06-09-2011 12:13 AM |
| ايا ليت الشباب يعود | ظلال الياسمين | الشعر و الشعراء منتدى للقصيد و القصائد النبطي و الفصيح البوح بالخافي | 2 | 06-02-2011 05:16 PM |
| الاتحاد يُلغي عقد (نونو) : أخبار العميد ليوم السبت 25/6/1432هـ | كفآني | نادي الاتحاد السعودي - العميد | 1 | 05-29-2011 04:22 AM |
| صندوق الرسائل الوارد عند بعض الشباب | مُج’ــرد ـرؤح ’ ~ | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 5 | 05-28-2011 08:20 PM |
-الدورات
التدريبية بجامعة نجران-
العرض العادي
