السلام عليكم ورحمة الله وبركاته
انا اليوم جااايبتلك قصيده مدح في السبعاااان



هذه ابيات من قصيده رائعه للشاعر محمد بن حيلان الادغم السبيعي
يمدح قبيلة سبيع
من كتاب سوالف الطيبين للكاتب عبدالله بن سعد الحضبي ج2 ص146
يقول


يقول الادغم يوم هاض المجالي
بعد الفعول اللي علـى الوكيـد
اول جوابـي باديـن ذكــر الله
الواحـد المعـبـود الوحـيـد
حنا سبيع اللـي نضـد عدانـا
حريبنـا فـي كبـده الوقـيـد
يشهد به الله ثـم يشهـد فعلنـا
ويشهد به العاقل مـن الضديـد
احدن حما الوديان وعدا حدودها
من جـا يبيهـا رجعـوه زهيـد
كل يبي من دارهم وعيـوا بهـا
من ذاق مـس فعولهـم يحيـد
مثل الحنو والخفـق والشعبـه
والقرين والجوفا والقتيل شهيـد
دون المعقـل والنخـل والحلـه
العصـر الاول فعلهـم مجـيـد
جرت صولات من عداهم عليهـم
لـو ابتعـدد مالـهـا تعـديـد
من هازهم ضرس الندامه يعضه
يرجع معيف عقب نقـل الكيـد
واحدن خذا لـه ديـرة مسميـه
ملاكهـا الاول حــدوه بعـيـد
من سعد تشمل الى شمال الحومه
دار خذيناهـا بفـعـل الجـيـد
مرباعها الصمـان لازان نبتـه
غصبن على الزعلان والحسيـد
يحدنـا ساقـان يـم البـرابـك
من دونها نروي شبـا الحديـد
كم نوبة من جاء يبيهـا نـرده
بمصقـلات فعلـهـن شـديـد
ثماااان هيات من عدانـا علينـا
وفـي كـل هيـه فعلنـا يزيـد
منها السبيه والرضيمه وقمعـه
ومحقبـه يـوم علينـا عـيـد
ويوم العريق ويوم ضبع المسمى
حـذف الزنايـج مالهـا تعديـد
ويوم السهبا وهيـة الوسميـه
فـي كـل يـوم فعلنـا جديـد
ضديدنا نسيـه بالمـر والطنـا
وللصاحب احلى من حليب الديد
وهذي فعايل لابتـي ورسومهـم
وعيب على من قال غير وكيـد
وختمان ماقلت الصلاه على النبي
اعـداد ماهـز الهـوا الجريـد






******************************
يوم الحنو والقرين عام 1336هـ
يوم السبيه سنـــــــــــة 1254هـ
يوم الرضيمه سنــــــــة 1238هـ
يوم ضبــــع سنـــــــــــة 1281هـ
صح لسان ابن حيلان عز الله انه وفى وكفى وبيض الله وجهه
قصيده تعتبر من نوادر التراث
لما فيها من صدق وابداع ووصف دقيق وقافيه رائعه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

م ن ق و ل
اتمنى الرد

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

شكــــرا المهاجـــر سعـــد علــى التـــوقيع