السلام عليكم // صباح الخير للجميع


قصيده لي



‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘


ياللي خطفت القلب ، أطلبك أنا ثار

بالله رجع ، قلبي أللي خطفته





وارحل ، خلاص أرجوك ، مابيلك أعذار

خلاص يكفي ، ماجرالي وشفته






ماجور ياقلب(ن) ، صويب(ن) ومنهار

خانك وباعك شخص تافه عشقته





الحب جنه ، والأحاسيس أنهار

والعشق بلوى ، ليتني ماعرفته





عمر المحبه ، ماتجي غصب وأجبار

لكنه أمر الحب ،، جاني وطعته





ياخاين العشره ، ترى الوقت دوار

بكره تذوق ، أللي أنا منك ذقته






بعض الغلا ، ينبت بساتين وأزهار

وبعض الغلا ، يذبحك محصول نبته






وبعض الغلا ،، ماتوصفه كل الأشعار

وبعض الغلا ،، سهله عليك أن وصفته





أسنين أفكر فالمحبه ،، ومحتار

مدري وش أللي فالغرام أستفدته





ياكود جرح ، وصار للقلب تذكار

وأن ماذكرني جرحي ، ولا ذكرته




يامشغل(ن) قلبي وبالي والأفكار

يامتلف(ن) روحي ، وعقلي سرقته





فيني من أسباب الهوى ، جروح وآثار

وصار اللذي ، عمري أبد ماحسبته






الشوق لعنه ، تشعل بجوفي النار

والحب ذنب ، وليتني ما اقترفته





من حضي السيء ، عشقتك ياغدار

ومن سوء حضك ، ماعرفت أللي خنته





بكره تجيني ، تشكي ميلات الأقدار

تخضع لمنهو فالمحبه ،، طعنته






ياما نصحتك ،،، هالزمن دوم دوار

لكن كلامي ،، ياحسافه سفهته








عند البشر مبدأ ، من اصغار وكبار

( من لايقدرني ،، أنا ماحترمته )






دامك تشوف الناس في عينك ، اصغار ؟؟

ترى البشر شافوك ، مثل أللي شفته





ياللي تجيب أخبار ، وتودي أخبار

رد الخبر عني ،، وعن ماكتبته





أنشهد أن الحب ، قصاف الأعمار

وأنشهد أني لو وصفته ظلمته



‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘



وسلامتكم ،،



لــ ( طقني الشوق )

( فهد )
،
،

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي