يوميات بنت دلوعه وبنت عربجيه..لايفوووتكم..

أهلييييييييييييين وش اخباركم؟؟وش مسوين؟؟
اليوم جايبتلكم يوميات..
البنت النعوووومه =>ياااااااااااي..
والبنت العربجييه =>هلاااا والله..
يالله ماأطول عليكم اخليكم تقرون..........
_______________________________________
الناعمه..
طبعا وهي نايمه الدبدوبي والغزولي والارنوبي كلهم في حظنها >> يقالها مشاعر فياضه ..
واذا قامت من النوم ما تقوم الا الساعه1 الظهر لا بعد واللي يصحيها الشغاله<<< تقومها بالانجليزي ...
بس انا راح اترجمه لكم ....يالله ريم قوم ماما في قول قوم عاد ((يمديكم على الترجمه)) هي تقول اوكي وتجي امها
وتصحيها مره ثانيه يا ريم حبيبتي اصحي .. ترد ريم..
ماما والله بدري الساعه 1 الظهر بدرررررررررري<<<< تدلع هي وخشتها..
قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي.. (( اموت بالركه))..
وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام وررررررر
على المرايه تحط من هالكريمات والدعافيس على وجهها .... تعرفون شباب لازم تحافظ على البشره خلصت من المرايه
وتتجه الان الى الاستشوار وش..وش..وش..وش لحووووووووووول ساعتين عز الله اللي اندمرت هالشوشه...
خلصت منه دقت البنطلون الجينز والبلوزه (هي لبست على الموضه بس ماني قايله) .. ونزلت تحت تفطر على
كاس عصير برتقال ..... ياي مسويه رجيييييييييييييييييم **********
_ _ _ _ _ _ _ _
نجي للعربجيه<< امووووت انا بالعفاشه والحركتات
تقوم الساعه 8 الصبح وهي ما ودها تقوم .. وجات امها تقومها ..
عزووه قومي يا مال الحمى ..
لحووووووووووووووووووول زين زييييييييين <<<اهل الحاره يصحون معها....
بس لو تشوفون شكلها وهي نايمه.. كراع هنا وكراع هناك .. لا وكل ثلاث
ساعات وهي طايحه من السرير >> شايفتلها تفحيط يخرع
يجي اخوها يويسر <<< اسمه ياسر بس يدلعونه يويسر ويقومها مره ثانيه ياااااا عزوووه تقول امي قومي
جعلك الموت ترد عزييز..اقول اطلع ولا صكيتك على جبهتك..
ويجي أحمد اخوها الكبير ... عزوه وجععععععععععع .. ويعطيها ذيك الرفسه اللي خلت عظامها تهلهل
>> عاش مشووووت ..وبعد تلك الرفسه العنيفه ... فزت فزه ما يعلمها الا الله
وقالها أحمد..قومي صلحي فطور عشر دقايق الا وهو جاهز زينننننن
شوفي ابي قرص وخبز مسح < يعني خبز على الحديده > يعني..<< اقول اخلصي
وقامت بعد جهد جهيد وعلى شتم ولعنت الحي والميت حتى ولد عم جد ابوها ما سلم منها **********
_ _ _ _ _ _ _ _
ونرجع للدلوعه وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااو << انكسر ظفرها
هذي ما تتغدا الا الساعه 3 ولا 5
لا ولا تتغدى الا على رز ابيض مسلوق وسلطه <<< تحافظ على الرشاقه راعوها ..
_ _ _ _ _ _ _ _
العربجيه..
تتغدا الساعه 12 بالضبط ولا تغدا الا على كبسه لا خلصت ألا كاس اللبن مراعي متولم عندها تشربه شربه
وحده يعني ما في مجال انها تنفس وتترع ذيك الترعه أأأأأأأأأأأأأععع..<<طالعه من قلبها ..
_ _ _ _ _ _ _ _
الناعمه..
طلعتها تكون من بعدصلاة المغرب<<< ما تطلع في العصر يااااااااااي تحافظ على البشره..
_ _ _ _ _ _ _ _
العربجيه..
تطلع الساعه2 في عز القايله وتدقها كعااااااااااابي لبيت خوالها الين تنقلب خبز اسمر ..
_ _ _ _ _ _ _ _
الناعمه..
تروح للفيصليه ولا المملكه وقبل ما تروح السوق تمر على المشغل علشان تحط ميك..اب سوق << مكياج سوق
>>> على بالي اشرح ..
_ _ _ _ _ _ _ _
العربجيه ..
تروح لسوق النسيم عشان تلقى العرابجه اللي مثلها..
_ _ _ _ _ _ _ _
الناعمه..
اذا تطلعت تطلع مع يارا ولارا<< وخياره وطماطه>> ورولا ومايا << اروووح يالموضه
_ _ _ _ _ _ _ _
العربجيه ..
تطلع مع بنات خالاتها وسوير و حصه ومزنه ومنيره ونوير (يعيش التراث)
_ _ _ _ _ _ _ _
الناعمه..
اذا شافت واحد حلووووووووو لابس صح وماركات وحركات وحاط سكسوكه
ومحد قده قالت ..يااااااااااااااااااااي بنات نازرو >> يعني ناظرو هذا الله يسلمكم
ماغير من الدلع>>> ياربيييييييييه واااااااااو عاد البنت اعجبها الشاب اللطيف هذا ودها تحتك وتقوم وتمر
من عنده وتدفه بكتفها ولا دفته بكتفها قالت اووووووووووه آآآآسفه
ويرد عليها .. لا عاديي على ايش الاسف يا عيوني وتبتسم ذيك الابتسامه اللي شقت وجهها وتخزه بهالنظرات
وتسلم بهالعيون وهو دوره ما تلقاه من الحياء ..
_ _ _ _ _ _ _ _
العربجيه..
لا جات تزين شخطت هالعيون بهالكحل الي يضرب لين اذنها وتضرب بها البرقع وطلعت هي و سوير ومنيره ومزنه
وحصه ونوير لسوق النسيم ..عاد العربجيه يمر من عندها واحد راكب جيب فكس اااار موديل 2002 وداق شماغه
كوبرا ويمر بهالجيب و يسوي حركات استعراضيه
وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع وتقوم بنت الحلال وتقزززززززززززه
قز والرجال راح في خرايطها وعاد لا شافها تقزه قال... يا غزال ارحم حالييييييييييي يا ويلي تكفون يا عربان
_ _ _ _ _ _ _ _
الناعمه ..
اذا مر عليها واحد قروي قالت وععععععععععععععع الله يقرفك.. تقل شايفه صرصور ولا زق الله يعزكم نعم وش تبي
يالله هناك بلا قراوى >> ادعس يالرقيقه
_ _ _ _ _ _ _ _
العربجيه ..
اذا مر عليها واحد لا بس بلوزه ضييييييييييييييييييقه وبنطلون ضيييييييييييييييق << باين انه منكتم من الضيق
وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك وتعداك
ترى ما ابي اغلط عليك .....تراك مثل اخـــــــــــــــــــتي<<< يقالها ما غلطت الحين
>>والله بصراحه شكله بنت..
_ _ _ _ _ _ _ _
الناعمه..
لا جات تضحك هههههههه . << لحظو النقطه ابوك يالترتيب ..
_ _ _ _ _ _ _ _
العربجيه..
اذا ضحكت اضحكت كذا هع هع هع هع هع ... الحمد لله والشكر تقول بالعتنلها بعير واذا جات تمزح مع يويسر
اخوها اعطته كف حلاقه .... يعني كف قوي على رقبته >> على بالها تمووون هي وجهها..
_ _ _ _ _ _ _ _
الناعمه..
اذا تحب تسمع اغاني ما تسمع عربي خلقه ما تسمع الا ريكي ما رتن طبعا لأنه حلوووووووووووووووووووووو..
وممثلها المفضل .. توم كروز لوسامته وميل جبسون وجيم كاري لخفة دمهم واحلى ممثله عندها جوليا روبرتس..
_ _ _ _ _ _ _ _
العربجيه ..
الاغاني اللي تسمعها ايمينم ,فيفتي سينت ,اشر, وتو باك,...... و مجموعه من ذولي الأوكييييييي لو أعدهم
ما خلصو >> ياروحي يالفن..
_ _ _ _ _ _ _ _
الناعمه..
لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه ..
_ _ _ _ _ _ _ _
العربجيه..
لا جات تناظر التلفزيون تشوف القنوات الواااو .. وتجلس على الارض وتحط المركا وراهاوالكراعين على التلفزيون
وان زهقت من القناة ذي دقت التلفزيون باصبع رجلها وحطت القناة ذيك..
_ _ _ _ _ _ _ _
الناعمه..
اذا تبي تحلم احلام اليقظه طلعت برى في الحديقه حقت بيتهم وجلست على الكرسي هزاز وقام الكرسي يروح ويعود
>> مندممممممجه
_ _ _ _ _ _ _ _
العربجيه ..
اذا تحلم احلام اليقظه طلعت برى في حوشهم وفرشت البساط<<ابو خمس طعش اللي مخطط باحمر وازرق عرفتوه!!
وتحط المركا ودلة اقهوه وشاهي وصحن الحب(الفص فص). تقشم وترمي موب ترميه بالصحن تتفله لما يوصل اااااابعد
مستوووووووووى..
_ _ _ _ _ _ _ _
وهذي يوميات البنت النعووومه والبنت العربجيييه..خخخخخ..
أقصد النعومه هههههه ..
و العربجيه هع هع هع.. وسلامتكم..
__________________________________________________ _______
يالله هذانا خلصنا وش رايكم؟؟
يالله احتريكم ..لاتبخلون علي بالردود..
اوكيشن=>يعني اوكي للي مو فاهم..
بااااااااااايوووووووووووو....