 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-31-2011
| ||||
| ||||
 فضايح الشباب في ليلة العيد <<لووول السلام عليكم ورحمة الله وبركااتة خلونا نستعرض أهم الاحداث اللي تصير(للشباب) قبل العيد وبعدة هههههههههههههههههههههه 1- عند الخياط .. لازم كل واحد يستلم ثوبه الجديد بليلة العيد .. لان كل الشباب يتذكرون انهم مافصلوا ملابس الا بآخر لحظة.. و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.. وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا تسلب وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط .. وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب .. ومناحي منسدح من القهر على بطنة لان ثوب ولد عمة سلوم طلع اطووول من ثوبة.. واللي يشق راس الخياط بالمقص عشان سعر الفاتورة ... واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ... وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ... 2- في الحلاق.. تشوف الشباب صافين بالدوور.. مثل طابور مخبز الكراامة ..خخخخخخخخخ بس من جد حالتهم تقطع القلب .. واحد يجره ابوه من كشته .. تقول نعيمية ... ..واللي يبكي لان اخوه متعود يحلقه على الصفر ..ويقول له تكفى خل لي خصلتين <<<< و هو صادق ..على الاقل تنفع قرون استشعار . واللي مايبي الحلاق يحلق له بموس لان الصلعة حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..خخخخخخ و ابوبندر ..بعد حيي والله جاي يصبغ هالشعرتين اللي براسه .... و دحووم ينتظر دوره عشان يضبطون له حواجبه بالخيط ...واللي يبسط بالحلاق للفجر .. وهات يا صنفرة و سمكرة ... واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه .. واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط .. واللي جاي يزرع وما خفي اعظم .. 3-صباح العيد.. ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار .. وخويلد يتهاوش مع منيرة اخته .. ويبي يتروش قبلها ... وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق .. و حمود يسطر منقاش ... لان منقاش لبس طاقيته المشخله بالغلط .. واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري واللي تحرق الشغالة شماغه.. وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه و تسبح لربن خلقها . واللي يتدرب شلون يصب القهوة للرجاجيل في المجلس .. واللي يبكي و مضيع بوكه الجديد بولمعة .. واللي اخترب طقم الكبكات الفضة حقه .. واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم هاوشته ومارضت تكوي له ثوب غيره وغيره محتار ومايعرف يختار نسفة لشماغه .. واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية وبعد ماتصير الساعه 8 ... تلاقي نص الشباب بالثمامة..هات يا تفحيط و تقحيص ... و الزحمة تصير عند شواية الخليج ... واللي يطلع القنص مع الاهل في وادي الدواسر والربع الخالي.. وياخذ معه عدة الصيد : وااللي تتكون من شوزن و بندق و خنجر..<<<على بالهم رايحين حضرموت واللي يبسط بالبر ويأجر دبابات من عند المصري.. الحمدلله اننا بنات  واتمنى ان الشباب ما يزعلوون الردود+التقييم
_________________   |
|
#2
07-31-2011
| ||||
| ||||
 رد: فضايح الشباب في ليلة العيد <<لووول هههههههههههههههههههههههههههههههههههههههههههههههههه ه والله نفس حاااااله اخواااني .. بس على فكره. يطلعوووووون يجننووون ياخذوون العقل.. بس لحد يصدق عمره هع هع هع هع هع هع بعدين يطلعووون خااامس يوووم او سااابع عيد اللهم لا شماااته: خخخخخخخخخخخخخخخخخ ويعطيك ربي الصحه والعافيه ... |
|
#3
07-31-2011
| ||||
| ||||
| رد: فضايح الشباب في ليلة العيد <<لووول هههههههههههههه يعطيك العافية ننتظر جديدك |
|
#4
07-31-2011
| ||||
| ||||
| رد: فضايح الشباب في ليلة العيد <<لووول هههههههههههههههههههههههههههههههههههههههههههههههههه ههههههههه التماسيح مهما تكشخوا شيوووووووووون الا القله القليله خخخخخخخ يسلمووووووووو
_________________  ¨اْنـٍٍـٍآـِأُنثِىَ عّجْزّ الكوَوٍنْ إسّتِيعآبُهِآ وعٌجٍزِ قٌلُبًيَ يٌفٍهُمِهُ اْنٍسُاْنً • |
|
#5
07-31-2011
| ||||
| ||||
| رد: فضايح الشباب في ليلة العيد <<لووول ههههههههههههههه مشكوورة والله يسعدك يا قمر
_________________  تقبلوآ خآلص تحيآآتيــــ ~~Black Cat~~ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| افضل شئ عند البنات و الشباب -_- | خالد الغامدي 07 | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 10 | 08-10-2011 09:14 PM |
| الشباب يخطف "ميشيل برودوم " من المنتخب السعودي | المعذب المفترس | الرياضي رياضه عربيه كرة قدم العاب قوى ومنوعات رياضيه sports | 2 | 06-12-2011 01:42 AM |
| ايا ليت الشباب يعود | ظلال الياسمين | الشعر و الشعراء منتدى للقصيد و القصائد النبطي و الفصيح البوح بالخافي | 2 | 06-02-2011 05:16 PM |
| حمل الآن مجانا مجلة البيوت السعيدة العدد الثالث | عبدالملك الجزائري | المنتدى الاسلامى | 1 | 05-31-2011 07:02 AM |
| فضايح الشباب بالمطاعم | fayoon | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 1 | 05-24-2011 09:48 PM |
-الدورات
التدريبية بجامعة نجران-
العرض العادي
