 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
11-27-2002
| |||
| |||
| تفحيط (ارجو الدخول خبر هام لك اعضاء المدرسه) مساء الخير ياحلوين الموضوع جد وليس كذب جد جد وجد الجد اليوم عارفين الاربعاء اخر ايام الدراسه يعني بعده العطله وتعرفو ن مايولد ذلك اليوم في نفوس الطلاب فتجدهم لا يذهبو ن إلى بيوتهم إلا بعد منتصف الليل بعد يوم حافل بالمغامرات وانواع القافه على العالم لكن اللى صار اليوم شي غريب انقلبت الأيه وبمعنى اخر انقل الحال إلى 180 درجه فصار المعلمون والمشرفون والقدوه هم اصحاب الرجه ..... مراح اطول اخذواااا مقتطفات من يوم شلة الشغب الشلة(العاصف . البدر . المفقوش . الدكتور ناصر) طلعوااااااا من المدرسه وهم ناوين انهم يعشون اليوم بكل ساعاته ودقايق وثوانية يوم طلعوا قال البدر: اليوم الرجه على حسابي العاصف : إي والله خله اليوم على حسابك اصلا عندك حساب غير حسابي المفقوش: ياخي والله يالعاصف معندك احترام ياخي ناوي على شر بعد ما نخلص طق سوي اللى تسوي بس خلنا نعيش اليوم ====> مصلحجي الله يهديه البدر : لا تطمن اليوم محصل لي فلوس بس تطمن ماهي لك العاصف : اكيد ماهي لي ولا سرقتها من الوالده === > مشكلته طيب وعلى نياته البدر : اكيد ===== > اكبر شليح دايم يشلح من العاصف الدكتور : ياشباب خلصونااااا الشباب راحوااا مابقى غيرنا البدر : يالله ركبنا العاصف : وين المفقوش : اركب ولاعليك =====> ماعنده وقت يفكر وهذي ميزه فيه البدر : نبي نسوي زحمة اليوم ونوري اللى يقاله ابو عادل انا نقدر نفحط الدكتور : ابو عادل ليه هو قالي انه رايح يصور لك اليوم ليه متواعدين البدر ايه : متواعدين بس ابي اوريه المفقوش : يالله بسرعه قبل لايروح المهم ركبو الشباب وطلعوا وقابلوا ابو عادل ومشى على سيارته وطب البدر بسيارة البيضاء في شارع الاصفر عند حارت ابو عادل لكن صار شي خلا الشلة تنقص واحد ولكم اللى صار :::::::::::::::::::::::::::::::::::::::: المفقوش : يسلام عليك يابدوووووور احلى اعقد يرووووحي العاصف : عاش اخوي البدر : ياناصر عمى انزل لا تطيح وابتلش وخل عاقل بدال ها المهايطه الدكتور: يارجال سق ونت ساكت خلنا ننبسط === > مها يطي من الدرجه الاولى البدر : ترى مانزلت ابي اوقف وارجع ماني ناقص العاصف : خله يعبر عن شعوره المفقوش : ايه خله ====== > مافي امل يفكردايم مستعجل في القرارات البدر : خلاص انزل انت وياه مابي احد يروح معي انا خلاص ابي اطلع للبيت يالله انا ناقص مشاكل يكفي طلاب المدرسه ==== > اتش الحراره 100 العاصف : بدر وشفيك خل عنك المزاعق انت قايل اليوم الرجه كملها يالله طيب مو انت قايل تبي تعلم ابو عادل التفحيط يالله اشوف البدر : يالله انت وياه انا ناقص مفقوش : شباب انا فكرة خلاص اصلا والواحد ماينفع يفحط وهو معصب == > اول مره يفكر باركوا له الدكتور: والله قلت الخاتمه معك يالبدر البدر يالله انت وياه خلاص انزل  ــــــــــــــــــــــــــــــــــــــــــــــــــ ــــــــ المهم طلت السالفه المهم المفقوش شمر عن ساعديه وقال انا لها يالله سيارتي يشباب المهم اخذوا سيارة المفقوش الكبدية(العنابي ) وطبوا شارع الهيئه على شان مفقوش وحصل حبيبته (جارة جاك) وابدع المفقوش وكان متهور بشكل ان اللى معه خافو ا حتى الجمهور خاف وكمان صار شي خلا الشباب يزعلون ولكم اللى صار ::::::::::::::::::::::::::::::::::::::::::::::: المفقوش : لعيون الحبايب احرق ام الكفر العاصف : مفقوش الله يرحم والدينك بشويش المفقوش : اقول لايكثر خل عنك الخوف وخلك رجال الدكتور : يامفقوش انا عارف ليش متهور على شان اللى في بالي المفقوش : وذي لهم ملاحظه وذي لهم على نطلة المفقوش وكاد ان يروحوا فيها وخشت البرحه من قوت اللفه ورتطمت بكوم تراب العاصف: خلاص الله يرحم امٍ جابتك يالله ياناصر نزلنا المفقوش : بلا هم بلا غم يالله الدكتور : مفقو ش بغيت تموتنا على شان اللى في بالي (مسوي محافظ على السر وهو قبل امس قايل للعاصف) العاصف: يالله ياناصر مشينا  ــــــــــــــــــــــــــــــــــــــــــــــــــ ــــــــــــ طلعوا من الشارع وخذوا لموزين لبيت الدكتور واخذ الدكتور سيارته وبنسبة للمفقوش طلعه جاك وشلته من التراب بس بعد ماطبت الحكومة وراح فيها المفقوش والعاصف طلع اهو والدكتور إلى شارع الفسحه العامه وكان الفنان برى الحاره لكن واحد من عيال الحاره يعرف الدكتور لانه دايم مسنتر عند باب الفنان اتصل على الفنان وقال تعال شوف ربعك جا الفنان وحصل الدكتور وبعد ورطه قويه لدكتور ــــــــــــــــــــــــــــــــــــــــــ الدكتور : ياخي كذا التفحيط الواحد رايق العاصف : إيه فحط بس بشويش لا تتهور مفاجئه( المفقوش مر عليهم وهو كاتب على الزجاج الخلفي) (مفقوش حضر ... خذ الحذر) وعصب الدكتور لحق المفقوش  لكن المصيبه ان المفقوش مسويها في العيال طلع بواسطه وفحط قدام دوريه ودز يبي الدكتور والعاصف على شان ينكبهم والنتيجه حادث بعد العصبيه للدكتور ووقفطت الحكومه للدكتور ولكن العاصف نجاء باعجوبه حيث كان له معرفه مع جندي في الدوريات وطلع من الحادث ولم يعلم عنه احد والدكتور الان في السجن موقوف مسكين ماعنده واسطه مثل المفقوش إلى في كل مكان له معارف حتى الخباز له واسطه عنده :::::::::::::::::::::::: العاصف كمل ليلته برجه وهجوله وتفحيط ولم يصب بأي اذا تدرون ليش لان كل من الشلة الباقين ولاواحد معه (معروف قصدي)  النهاية شلة الشغب العاصف البدر المفقوش الدكتور إعلان الشلة اخوان ومهما صار يجي يوم ويتصلحون اصلا من بكر ه تلقاهم ناسين السالفه كذا الشلة ولا بلا ـــــــــــــــــــــــــــــــ بعد التحيه لك من شلة الشغب العاصف البدر المفقوش الدكتورناصر القصه كذب ومعروف وقصه من نسيج الخيال وانا اعرف مدى سعت صدوركم ولكن إذا كان في القصه او الخبر شي يضيق صدوركم او مايزعلكم اعتبروها زله وجل من لايخطاء اخوكم الحياوي |
|
#2
11-27-2002
| |||
| |||
 ابو عادل جااااااك الفنان نصيحه لا عاد تماشون الشلة ذي لانهم مراقبين النصيحه اليوم ببلاش بكر ه بفلوس |
|
#3
11-27-2002
| ||||
| ||||
| اقول هين توبه امشي معهم ولله واقولهم اقطعو المعرفه بس النكبه ناصر للحين مسجون وسمعت انهم يبون يجلدونه الحكومه في موقع التفحيط اقول هين  مفقوش شوفمفقوش هرب وتركنا مسوي واثق اذا لف بيروح جري للبيت |
|
#4
11-27-2002
| |||
| |||
| لا تطمن ناصر طلعته اليوم بعد ماتصفق من الدوريات وترى المفقوش له يوم ويطيح بيدين واحد مايرحم بس اخوك البدر وش سوا |
|
#5
12-01-2002
| ||||
| ||||
| هين عصوفي هين مفقووووووش كل ذا تاركيني في التوقيف وما سألتوا عني هين انا اراويكم شغلكم على فكره وين البدر من يوم نزلنا وهو ماله حس بالي مشغول عليه 00(( اخص ياحنين ))00 مشكور عاشق الحياوي بس مين الي كان يصورنا تحياااااااتي
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
